ਇਹ ਦੋਵੇਂ ਚੀਜ਼ਾਂ ਨਾਲ-ਨਾਲ ਸਿੱਖਣਾ ਜਾਨਵੀ ਲਈ ਬਹੁਤ...
ਚੰਡੀਗੜ੍ਹ: ਕੁਝ ਕਰ ਗੁਜ਼ਰਨ ਦਾ ਜਜ਼ਬਾ ਹੋਵੇ ਤਾਂ ਪਰਮਾਤਮਾ ਵੀ ਸਾਥ ਦਿੰਦਾ ਹੈ। ਇਰਾਦੇ ਬੁਲੰਦ ਹੋਣ ਤਾਂ ਮੁਸ਼ਕਿਲਾਂ ਇਨਸਾਨ ਨੂੰ ਆਪਣੇ ਆਪ ਤੋਂ ਕਦੇ ਵੱਡੀਆਂ ਨਹੀਂ ਲੱਗਦੀਆਂ। ਕਈ ਮੁਸ਼ਕਿਲਾਂ ਦਾ ਸਾਹਮਣਾ ਕਰਦੇ ਹੋਏ ਇਕ ਛੋਟੀ ਬੱਚੀ ਜਾਨਵੀ ਨੇ ਉਹ ਕਰ ਦਿਖਾਇਆ ਹੈ ਜੋ ਕਿ ਸੋਚ ਤੋਂ ਵੀ ਪਰੇ ਹੈ। ਜਾਨਵੀ ਨਾਲ ਸਪੋਕਸਮੈਨ ਟੀਵੀ ਵੱਲੋਂ ਖਾਸ ਗੱਲਬਾਤ ਕੀਤੀ ਗਈ ਜਿਸ ਦੌਰਾਨ ਉਸ ਨੇ ਅਪਣੀ ਸਕੇਟਰਿੰਗ ਅਤੇ ਭੰਗੜੇ ਬਾਰੇ ਗੱਲਾਂ ਸਾਂਝੀਆਂ ਕੀਤੀਆਂ।
Janvi Jindal
ਜਾਨਵੀ ਅਨੋਖੇ ਤਰੀਕੇ ਨਾਲ ਭੰਗੜਾ ਪਾਉਂਦੀ ਹੈ, ਅਨੋਖਾ ਇਸ ਲਈ ਹੈ ਕਿਉਂ ਕਿ ਉਹ ਅਪਣੇ ਪੈਰਾਂ ਵਿਚ ਟਾਇਰਾਂ ਵਾਲੇ ਬੂਟ ਪਾ ਕੇ ਭੰਗੜਾ ਪਾਉਂਦੀ ਹੈ। ਜਾਨਵੀ ਇਕ ਸਕੇਟਰ ਹੈ, ਇਸ ਬੱਚੀ ਦੀ ਉਮਰ 12 ਸਾਲ ਹੈ ਤੇ ਉਹ 7ਵੀਂ ਜਮਾਤ ਵਿਚ ਪੜ੍ਹਦੀ ਹੈ। ਜਾਨਵੀ ਨੇ ਦਸਿਆ ਕਿ ਉਸ ਨੇ ਤਿੰਨ ਸਾਲ ਪਹਿਲਾਂ ਸਕੇਟਰਿੰਗ ਸ਼ੁਰੂ ਕੀਤੀ ਸੀ। ਫਿਰ ਇਕ ਸਾਲ ਬਾਅਦ ਭੰਗੜਾ ਸਿੱਖਣਾ ਸ਼ੁਰੂ ਕੀਤਾ।
Janvi Jindal
ਬੱਚੀ ਦੇ ਪਿਤਾ ਨੇ ਇਸ ਕੰਮ ਵਿਚ ਉਸ ਦਾ ਪੂਰਾ ਸਾਥ ਦਿੱਤਾ ਤੇ ਉਸ ਨੂੰ ਸਕੇਟਰਿੰਗ ਦੇ ਨਾਲ-ਨਾਲ ਭੰਗੜਾ ਕਰਨ ਲਈ ਵੀ ਪ੍ਰੇਰਿਆ। ਇਹ ਸਭ ਸਿਖਾਉਣ ਲਈ ਉਹਨਾਂ ਨੇ ਪੰਜਾਬੀ ਦੇ ਲੀਰਿੰਗ ਕੋਰਿਓਗ੍ਰਾਫਿਕ ਪੰਜਾਬੀ ਇੰਡਸਟਰੀ ਵਿਚ ਜਾਨਵੀ ਨੂੰ ਸਿਖਲਾਈ ਲਈ ਭੇਜਿਆ ਤਾਂ ਉਹ ਜਾਨਵੀ ਇੱਥੇ ਸਕੇਟਰਿੰਗ ਦੇ ਨਾਲ-ਨਾਲ ਭੰਗੜਾ ਵੀ ਸਿੱਖ ਸਕੇ।
Janvi Jindal
ਇਹ ਦੋਵੇਂ ਚੀਜ਼ਾਂ ਨਾਲ ਨਾਲ ਸਿੱਖਣਾ ਜਾਨਵੀ ਲਈ ਬਹੁਤ ਵੱਡੀ ਚੁਣੌਤੀ ਸੀ ਪਰ ਉਸ ਨੇ ਬਿਨਾਂ ਡਰ ਤੋਂ ਹੌਂਸਲੇ ਸਹਾਰੇ ਇਸ ਚੁਣੌਤੀ ਨੂੰ ਅਪਣਾਇਆ ਤੇ ਇਸ ਤੇ ਜਿੱਤ ਵੀ ਹਾਸਲ ਕੀਤੀ। ਹੁਣ ਉਸ ਵਾਂਗ ਹੋਰ ਲੋਕ ਵੀ ਭੰਗੜਾ ਤੇ ਸਕੇਟਰਿੰਗ ਸਿੱਖ ਰਹੇ ਹਨ ਤੇ ਉਸ ਦੀ ਤਾਰੀਫ਼ ਵੀ ਕਰ ਰਹੇ ਹਨ। ਜਾਨਵੀ ਨੇ ਦਸਿਆ ਕਿ ਇਕ ਸਕੇਟ ਦਾ ਭਾਰ 2 ਕਿਲੋ ਹੈ ਤੇ ਇਸ ਦੇ ਭਾਰ ਨੂੰ ਸੰਭਾਲਣਾ ਬਹੁਤ ਹੀ ਮੁਸ਼ਕਿਲ ਹੈ।
Janvi Jindal
ਜਾਨਵੀ ਨੇ ਨੈਸ਼ਨਲ ਚੈਂਪੀਅਨ ਮੁਕਾਬਲੇ ਵਿਚ ਹਿੱਸਾ ਲਿਆ ਹੋਇਆ ਹੈ ਤੇ ਇਸ ਮੁਕਾਬਲੇ ਵਿਚ ਜਿੱਤ ਵੀ ਹਾਸਲ ਕੀਤੀ ਸੀ। ਜਦੋਂ ਇਹ ਮੁਕਾਬਲਾ ਸ਼ੁਰੂ ਹੋਣਾ ਸੀ ਤਾਂ ਉਸ ਤੋਂ 20 ਦਿਨ ਪਹਿਲਾਂ ਜਾਨਵੀ ਬਿਮਾਰ ਹੋ ਗਈ ਸੀ ਤੇ ਉਸ ਨੂੰ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ। ਉਸ ਤੋਂ ਬਾਅਦ ਮੁਕਾਬਲੇ ਤੋਂ 3 ਦਿਨ ਪਹਿਲਾਂ ਹਸਪਤਾਲ ਤੋਂ ਉਸ ਨੂੰ ਛੁੱਟੀ ਮਿਲੀ ਤੇ ਉਸ ਨੇ ਫਿਰ ਤੋਂ ਅਪਣੀ ਮਿਹਨਤ ਜਾਰੀ ਰੱਖੀ।
Janvi Jindal
ਫਿਰ ਉਸ ਨੇ ਇਸ ਮੁਕਾਬਲੇ ਵਿਚ ਹਿੱਸਾ ਲਿਆ ਤੇ ਜਿੱਤ ਹਾਸਲ ਕੀਤੀ। ਇਸੇ ਤਰ੍ਹਾਂ ਜਾਨਵੀ ਤੇ ਮਾਪਿਆਂ ਦਾ ਵੀ ਇਹੀ ਸੁਪਨਾ ਹੈ ਕਿ ਉਹਨਾਂ ਦੀ ਬੱਚੀ ਬਹੁਤ ਅੱਗੇ ਜਾਵੇ ਤੇ ਭਾਰਤ ਨਾਮ ਰੌਸ਼ਨ ਕਰੇ। ਉਸ ਨੇ ਅੱਗੇ ਦਸਿਆ ਕਿ ਉਸ ਦਾ ਇਹੀ ਟੀਚਾ ਹੈ ਕਿ ਉਹ ਹੋਰ ਅੱਗੇ ਜਾਵੇ ਤੇ ਪੂਰੇ ਸੰਸਾਰ ਵਿਚ ਅਪਣਾ ਨਾਮ ਬਣਾਵੇ ਕਿ ਲੋਕ ਉਸ ਨੂੰ ਯਾਦ ਰੱਖਣ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
