ਦਿੱਲੀ 'ਚ 'ਘਰ ਦੇ ਭੇਤੀ' ਨੇ ਹੀ ਢਾਹਿਆ ਅਕਾਲੀਆਂ ਦਾ 'ਕਿੱਲਾ', ਰਾਮੂਵਾਲੀਆ ਦੇ ਨਾਂ ਦੇ ਚਰਚੇ!
Published : Jan 22, 2020, 4:29 pm IST
Updated : Jan 22, 2020, 4:40 pm IST
SHARE ARTICLE
file photo
file photo

ਪਾਰਟੀ ਪ੍ਰਧਾਨ ਦੇ ਸੀਨੀਅਰ ਆਗੂਆਂ ਨਾਲ ਵਤੀਰੇ ਤੋਂ ਸਨ ਖਫ਼ਾ

ਚੰਡੀਗੜ੍ਹ : ਦਿੱਲੀ ਵਿਚ ਲੱਗੇ ਸਿਆਸੀ ਝਟਕੇ ਕਾਰਨ ਅਕਾਲੀ ਦਲ ਸਦਮੇ 'ਚ ਹੈ। ਅਪਣੇ ਗਮ ਨੂੰ ਛੁਪਾਉਣ ਤੇ ਇੱਜ਼ਤ ਬਚਾਉਣ ਖਾਤਰ ਭਾਵੇਂ ਅਕਾਲੀ ਦਲ ਵਲੋਂ ਇਸ ਝਟਕੇ ਨੂੰ ਨਾਗਰਿਕਤਾ ਸੋਧ ਕਾਨੂੰਨ ਨਾਲ ਜੋੜਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਪਰ ਅੰਦਰ ਦੀਆਂ ਕਨਸੋਆਂ ਮੁਤਾਬਕ ਅਕਾਲੀਆਂ ਦੇ ਦਿੱਲੀ ਵਿਚਲੇ 'ਕਿਲੇ' ਨੂੰ ਢਾਹੁਣ 'ਚ ਘਰ ਦੇ ਪੁਰਾਣੇ ਭੇਤੀ ਦਾ ਹੀ ਹੱਥ ਹੈ।

PhotoPhoto

ਅੰਦਰਲੀਆਂ ਕਨਸੋਆਂ ਮੁਤਾਬਕ ਇਸ ਵਾਰ ਸ਼੍ਰੋਮਣੀ ਅਕਾਲੀ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੂੰ ਤਕੜਾ ਝਟਕਾ ਦੇਣ ਦੇ ਤਾਰ ਸ਼੍ਰੋਮਣੀ ਅਕਾਲੀ ਦਲ ਦੇ ਸਾਬਕਾ ਆਗੂ ਬਲਵੰਤ ਸਿੰਘ ਰਾਮੂਵਾਲੀਆ ਨਾਲ ਜੁੜ ਰਹੇ ਹਨ।

Sukhbir BadalSukhbir Badal

ਮੀਡੀਆ ਰਿਪੋਰਟਾਂ ਮੁਤਾਬਕ ਉਹ ਸਾਬਕਾ ਅਕਾਲੀ ਆਗੂ ਬਲਵੰਤ ਸਿੰਘ ਰਾਮੂਵਾਲੀਆ ਹੀ ਸਨ ਜਿਨ੍ਹਾਂ ਨੇ ਭਾਜਪਾ ਹਾਈ ਕਮਾਂਡ ਨੂੰ ਅਕਾਲੀ ਦਲ ਨਾਲ ਗਠਜੋੜ ਦੇ ਨਫੇ-ਨੁਕਸਾਨਾਂ ਦੀਆਂ ਬਾਰੀਕੀਆਂ ਸਮਝਾ ਕੇ ਅਕਾਲੀਆਂ ਨੂੰ ਖੂੰਝੇ ਲਾਉਣ ਲਈ ਪ੍ਰੇਰਿਤ ਕੀਤਾ। ਕਨਸੋਆਂ ਮੁਤਾਬਕ ਇਨ੍ਹਾਂ ਤੱਥਾਂ ਦਾ ਇਕਸਾਫ਼ ਖੁਦ ਰਾਮੂਵਾਲੀਆ ਵੀ ਕਰ ਚੁੱਕੇ ਹਨ।  

PhotoPhoto

ਮੀਡੀਆ ਰਿਪੋਰਟਾਂ ਮੁਤਾਬਕ ਰਾਮੂਵਾਲੀਆ 2013 'ਚ ਹੋਈਆਂ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੀਆਂ ਚੋਣਾਂ ਦੌਰਾਨ ਹੋਈ ਬੇਇੱਜ਼ਤੀ ਨੂੰ ਭੁਲਾ ਨਹੀਂ ਸੀ ਸਕੇ। ਇਸੇ ਖੁੰਦਕ ਕਾਰਨ ਉਹ ਪਿਛਲੇ ਕੁੱਝ ਸਮੇਂ ਤੋਂ ਦਿੱਲੀ ਦੇ ਵਿਰੋਧੀ ਅਕਾਲੀ ਆਗੂਆਂ 'ਚ ਸਰਗਰਮ ਸਨ।

SGPC SGPC

ਸੂਤਰਾਂ ਮੁਤਾਬਕ ਉਹ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵਲੋਂ ਪਾਰਟੀ ਦੇ ਸੀਨਅਰ ਆਗੂਆਂ ਨਾਲ ਕੀਤੇ ਜਾਂਦੇ ਵਰਤਾਓ ਤੋਂ ਖਫ਼ਾ ਸਨ। ਖ਼ਾਸ ਕਰ ਕੇ ਪਾਰਟੀ ਪ੍ਰਧਾਨ ਵਲੋਂ ਅਪਣੀ ਦਿੱਲੀ ਸਥਿਤ ਰਿਹਾਇਸ਼ ਵਿਚਲੇ ਦਫ਼ਤਰ 'ਚ ਅਪਣੇ ਤੋਂ ਸੀਨੀਅਰ ਆਗੂਆਂ ਨੂੰ ਕਤਾਰ 'ਚ ਖੜ੍ਹਾ ਕਰਨ ਤੋਂ ਉਹ ਦੁਖੀ ਸਨ।

Badals Photo

ਸੂਤਰਾਂ ਮੁਤਾਬਕ ਸ. ਬਲਵੰਤ ਸਿੰਘ ਰਾਮੂਵਾਲੀਆ ਆਰਐਸਐਸ ਆਗੂਆਂ ਤਕ ਇਹ ਤੱਥ ਪਹੁੰਚਾਉਣ 'ਚ ਸਫ਼ਲ ਰਹੇ ਕਿ ਜੇਕਰ ਅਕਾਲੀਆਂ ਨੂੰ ਦਿਤੀਆਂ ਗਈਆਂ ਚਾਰ ਸੀਟਾਂ 'ਤੇ ਅਕਾਲੀ ਦਲ ਦੀ ਕਾਰਗੁਜ਼ਾਰੀ ਕਮਜ਼ੋਰ ਰਹੀ ਤਾਂ ਇਸ ਦਾ ਪ੍ਰਭਾਵ 10 ਤੋਂ 12 ਹੋਰਨਾਂ ਹਲਕਿਆਂ 'ਤੇ ਪੈਣ ਦੇ ਵੀ ਅਸਾਰ ਹਨ।

SHARE ARTICLE

ਏਜੰਸੀ

ਸਬੰਧਤ ਖ਼ਬਰਾਂ

Advertisement

ਕੁੜੀਆਂ ਨੂੰ ਛੇੜਨ ਵਾਲੇ ਜ਼ਰੂਰ ਵੇਖ ਲੈਣ ਇਹ ਵੀਡੀਓ ਪੁਲਿਸ ਨੇ ਗੰਜੇ, ਮੂੰਹ ਕਾਲਾ ਕਰ ਕੇ ਸਾਰੇ ਬਜ਼ਾਰ 'ਚ ਘੁਮਾਇਆ

29 Nov 2025 1:13 PM

'ਰਾਜਵੀਰ ਜਵੰਦਾ ਦਾ 'ਮਾਂ' ਗਾਣਾ ਸੁਣ ਕੇ ਇੰਝ ਲੱਗਦਾ ਜਿਵੇਂ ਉਸ ਨੂੰ ਅਣਹੋਣੀ ਦਾ ਪਤਾ ਸੀ'

28 Nov 2025 3:02 PM

ਦਿਲਰੋਜ਼ ਦੇ ਪਾਪਾ ਪਹੁੰਚੇ 13 ਸਾਲਾ ਕੁੜੀ ਦੀ ਅੰਤਮ ਅਰਦਾਸ 'ਚ

28 Nov 2025 3:01 PM

13 ਸਾਲਾ ਬੱਚੀ ਦੇ ਕਤਲ ਮਾਮਲੇ 'ਚ ਬੋਲੇ Jathedar Gargaj | Jalandhar Murder Case

27 Nov 2025 3:11 PM

13 ਸਾਲਾ ਕੁੜੀ ਦੇ ਕਾਤਲ ਕੋਲੋਂ ਹੁਣ ਤੁਰਿਆ ਵੀ ਨਹੀਂ ਜਾਂਦਾ, ਦੇਖੋ...

26 Nov 2025 1:59 PM
Advertisement