ਕਿਹਾ : ਤੇਜਿੰਦਰ ਦੇ ਸਸਕਾਰ ਮੌਕੇ ਉਸ ਦੇ ਭਰਾ ਨੂੰ ਦਿੱਤੀ ਜਾਵੇ ਪੈਰੋਲ
ਮਹਿੰਦਪੁਰ (ਲੰਕੇਸ਼ ਤ੍ਰਿਖਾ, ਕਮਲਜੀਤ ਕੌਰ): ਬੀਤੇ ਦਿਨ ਬਸੀ ਪਠਾਣਾ ਵਿਚ ਹੋਏ ਐਨਕਾਊਂਟਰ ’ਚ ਮਾਰੇ ਗਏ ਤੇਜਿੰਦਰ ਤੇਜਾ ਦੇ ਘਰ ਪਹੁੰਚੀ ਰੋਜ਼ਾਨਾ ਸਪੋਕਸਮੈਨ ਦੀ ਟੀਮ ਨੇ ਉਹਨਾਂ ਦੇ ਪਰਿਵਾਰਕ ਮੈਂਬਰਾਂ ਨਾਲ ਗੱਲਬਾਤ ਕੀਤੀ। ਇਸ ਮੌਕੇ ਤੇਜਿੰਦਰ ਤੇਜਾ ਦੇ ਮਾਤਾ ਉਸ ਦੀ ਦੇਹ ਲੈਣ ਲਈ ਚੰਡੀਗੜ੍ਹ ਗਏ ਹੋਏ ਸਨ।
ਇਹ ਵੀ ਪੜ੍ਹੋ : Invest Punjab : ਕਾਰੋਬਾਰੀਆਂ ਨੇ ਪੰਜਾਬ ਸਰਕਾਰ ਦੀਆਂ ਉਦਯੋਗ ਪੱਖੀ ਨੀਤੀਆਂ ਪ੍ਰਤੀ ਭਰਿਆ ਹਾਂ-ਪੱਖੀ ਹੁੰਗਾਰਾ
ਤੇਜਿੰਦਰ ਦੇ ਦਾਦੀ ਜੀ ਨੇ ਦੱਸਿਆ ਕਿ ਉਹਨਾਂ ਦੀ ਤਿੰਨ ਸਾਲ ਤੋਂ ਆਪਣੇ ਪੋਤੇ ਨਾਲ ਮੁਲਾਕਾਤ ਜਾਂ ਗੱਲਬਾਤ ਨਹੀਂ ਹੋਈ। ਉਹਨਾਂ ਦਾ ਇਕ ਪੋਤਾ ਇੰਗਲੈਂਡ ਵਿਚ ਹੈ ਅਤੇ ਇਕ ਫਿਰੋਜ਼ਪੁਰ ਜੇਲ੍ਹ ਵਿਚ ਹੈ। ਤੇਜਿੰਦਰ ਦੇ ਦਾਦੀ ਨੇ ਸਰਕਾਰ ਨੂੰ ਗੁਹਾਰ ਲਗਾਈ ਕਿ ਤੇਜਾ ਦੇ ਅੰਤਿਮ ਸਸਕਾਰ ਮੌਕੇ ਜੇਲ੍ਹ ਵਿਚ ਬੰਦ ਉਹਨਾਂ ਦੇ ਪੋਤੇ ਗੁਰਜਿੰਦਰ ਨੂੰ ਪੈਰੋਲ ਮਿਲਣੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ : ਤੇਜਿੰਦਰ ਤੇਜਾ ਨੇ ਜਿਸ ਦਾ ਕਤਲ ਕੀਤਾ ਸੀ, ਉਹ ਵੀ ਕਿਸੇ ਮਾਂ ਦਾ ਪੁੱਤ ਸੀ : ਐਸ.ਐਸ.ਪੀ. ਰਵਜੋਤ ਗਰੇਵਾਲ
ਤੇਜਾ ਦੇ ਦਾਦੀ ਨੇ ਭਾਵੁਕ ਹੋ ਕਿ ਕਿਹਾ, “ਸਾਡਾ ਮਨ ਬਹੁਤ ਦੁਖੀ ਹੈ। ਅਸੀਂ ਆਪਣੇ ਪੁੱਤਰਾਂ ਨੂੰ ਬਹੁਤ ਔਖਾ ਹੋ ਕੇ ਪਾਲਿਆ ਸੀ ਪਰ ਹਾਲਾਤ ਅਜਿਹੇ ਬਣੇ ਕਿ ਸਾਡਾ ਵਿਛੋੜਾ ਪੈ ਗਿਆ। ਸਾਡੀਆਂ ਅੱਖਾਂ ਕਦੋਂ ਦੀਆਂ ਆਪਣੇ ਪੁੱਤਰਾਂ ਨੂੰ ਉਡੀਕ ਰਹੀਆਂ ਸੀ ਪਰ ਬੱਚੇ ਸਾਡੇ ਕੋਲ ਨਹੀਂ ਆਉਂਦੇ ਸੀ। ਅਸੀਂ ਉਹਨਾਂ ਨੂੰ ਕਦੋਂ ਸਮਝਾਉਂਦੇ?”