ਪੰਜਾਬ ਵਿਚ 24 ਘੰਟਿਆਂ ਦੌਰਾਨ ਕੋਰੋਨਾ ਨਾਲ ਹੋਈਆਂ 45 ਹੋਰ ਮੌਤਾਂ

1320 ਨਵੇਂ ਪਾਜ਼ੇਟਿਵ ਮਾਮਲੇ ਆਏ, ਗੰਭੀਰ ਹਾਲਤ ਵਾਲੇ 385 ਮਰੀਜ਼ਾਂ ਵਿਚੋਂ 49 ਵੈਂਟੀਲੇਟਰ 'ਤੇ
 

ਚੰਡੀਗੜ੍ਹ, 22 ਅਗੱਸਤ (ਗੁਰਉਪਦੇਸ਼ ਭੁੱਲਰ): ਪੰਜਾਬ ਵਿਚ ਕੋਰੋਨਾ ਨਾਲ ਮੌਤਾਂ ਦੀ ਗਿਣਤੀ ਵੀ ਹੁਣ ਲਗਾਤਾਰ ਵੱਧ ਰਹੀ ਹੈ। ਬੀਤੇ 24 ਘੰਟਿਆਂ ਦੌਰਾਨ ਸੂਬੇ ਵਿਚ 45 ਹੋਰ ਮੌਤਾਂ ਹੋਈਆਂ ਹਨ। ਸੱਭ ਤੋਂ ਵੱਧ ਮੌਤਾਂ ਜ਼ਿਲ੍ਹਾ ਲੁਧਿਆਣਾ ਵਿਚ ਹੋ ਰਹੀਆਂ ਹਨ ਤੇ ਸੱਭ ਤੋਂ ਵੱਧ ਪਾਜ਼ੇਟਿਵ ਮਾਮਲੇ ਵੀ ਇਸੇ ਜ਼ਿਲ੍ਹੇ ਵਿਚੋਂ ਆ ਰਹੇ ਹਨ। 24 ਘੰਟਿਆਂ ਦੇ ਸਮੇਂ ਦੌਰਾਨ 1320 ਹੋਰ ਨਵੇਂ ਪਾਜ਼ੇਟਿਵ ਮਾਮਲੇ ਵੀ ਆਏ ਹਨ। ਜਿਥੇ ਹੁਣ ਸੂਬੇ ਵਿਚ ਮੌਤਾਂ ਦਾ ਕੁਲ ਅੰਕੜਾ ਵੀ 1036 ਹੋ ਚੁੱਕਾ ਹੈ, ਉਥੇ ਕੁਲ ਪਾਜ਼ੇਟਿਵ ਮਾਮਲੇ ਵੀ 40643 ਹੋ ਚੁੱਕੇ ਹਨ। ਇਸ ਵਿਚੋਂ 24302 ਠੀਕ ਵੀ ਹੋਏ ਹਨ।
15305 ਇਲਾਜ ਅਧੀਨ ਮਰੀਜ਼ਾਂ ਵਿਚੋਂ 385 ਦੀ ਹਾਲਤ ਗੰਭੀਰ ਹੈ। 336 ਆਕਸੀਜਨ ਅਤੇ 49 ਵੈਂਟੀਲੇਟਰ 'ਤੇ ਹਨ। ਤਾਜ਼ਾ ਮੌਤਾਂ ਦੇ ਅੰਕੜਿਆਂ 'ਤੇ ਨਜ਼ਰ ਮਾਰੀਏ ਤਾਂ ਜ਼ਿਲ੍ਹਾ ਲੁਧਿਆਣਾ ਵਿਚ 15, ਜਲੰਧਰ ਵਿਚ 8,image ਸੰਗਰੂਰ 5, ਮੋਹਾਲੀ 3, ਅੰਮ੍ਰਿਤਸਰ, ਫ਼ਤਿਹਗੜ੍ਹ ਸਾਹਿਬ ਤੇ ਫ਼ਿਰੋਜ਼ਪੁਰ ਵਿਚ 2-2 ਅਤੇ ਬਠਿੰਡਾ, ਮਾਨਸਾ, ਗੁਰਦਾਸਪੁਰ, ਰੋਪੜ, ਨਵਾਂਸ਼ਹਿਰ, ਮੋਗਾ, ਫ਼ਰੀਦਕੋਟ ਤੇ ਤਰਨਤਾਰਨ ਵਿਚ 1-1 ਮੌਤ ਹੋਈ ਹੈ। ਸੱਭ ਤੋਂ ਵੱਧ ਪਾਜ਼ੇਟਿਵ ਮਾਮਲੇ ਜ਼ਿਲ੍ਹਾ ਲੁਧਿਆਣਾ ਵਿਚ 360 ਆਏ ਹਨ। ਪਟਿਆਲਾ ਵਿਚ 177, ਮੋਹਾਲੀ ਵਿਚ 164, ਅੰਮ੍ਰਿਤਸਰ ਵਿਚ 92 ਅਤੇ ਜਲੰਧਰ ਵਿਚ ਇਹ ਅੰਕੜਾ ਸ਼ਾਮ ਤਕ 46 ਹੈ।