ਖਾਲਿਸਤਾਨੀ ਸਮਰਥਕਾਂ ਵਲੋਂ ਫ਼ੌਜ 'ਚ ਤੈਨਾਤ ਸਿੱਖ ਜਵਾਨਾਂ ਨੂੰ ਭੜਕਾਉਣ ਦੀ ਸਾਜਿਸ਼ ਬੇਨਕਾਬ
Published : Dec 23, 2018, 1:14 pm IST
Updated : Dec 23, 2018, 1:14 pm IST
SHARE ARTICLE
Punjab CM
Punjab CM

ਦੇਸ਼ 'ਚ ਮੋਦੀ ਸਰਕਾਰ ਬਣਨ ਤੋਂ ਬਾਅਦ ਤੋਂ ਕਸ਼ਮੀਰ ਅਤੇ ਪੰਜਾਬ 'ਚ ਮਾਹੌਲ ਖ਼ਰਾਬ ਕਰਨ ਦੀਆਂ ਸਾਜ਼ਿਸਾਂ ਲਗਾਤਾਰ ਜਾਰੀ ਹਨ। ਪੰਜਾਬ ਨੂੰ ਭਾਰਤ ਤੋਂ ਵੱਖ ਕਰ...

ਚੰਡੀਗੜ੍ਹ : (ਭਾਸ਼ਾ) ਦੇਸ਼ 'ਚ ਮੋਦੀ ਸਰਕਾਰ ਬਣਨ ਤੋਂ ਬਾਅਦ ਤੋਂ ਕਸ਼ਮੀਰ ਅਤੇ ਪੰਜਾਬ 'ਚ ਮਾਹੌਲ ਖ਼ਰਾਬ ਕਰਨ ਦੀਆਂ ਸਾਜ਼ਿਸਾਂ ਲਗਾਤਾਰ ਜਾਰੀ ਹਨ। ਪੰਜਾਬ ਨੂੰ ਭਾਰਤ ਤੋਂ ਵੱਖ ਕਰ ਖਾਲਿਸਤਾਨ ਬਣਾਉਣ ਦੀ ਸਾਜ਼ਿਸ਼ ਰਚਣ ਵਾਲਿਆਂ ਨੇ ਹੁਣ ਭਾਰਤੀ ਫ਼ੌਜ ਨੂੰ ਨਿਸ਼ਾਨਾ ਬਣਾਇਆ ਹੈ। ਇਹਨਾਂ ਖਾਲਿਸਤਾਨੀ ਸਮਰਥਕਾਂ ਨੇ ਫ਼ੌਜ 'ਚ ਤੈਨਾਤ ਸਿੱਖ ਜਵਾਨਾਂ ਅਤੇ ਅਫ਼ਸਰਾਂ ਵਿਚ ਫੁੱਟ ਪਾਉਣ ਦੀ ਸਾਜ਼ਿਸ਼ ਰਚੀ ਹੈ।

ਇਸ ਦੇ ਲਈ ਫ਼ੌਜ ਦਾ ਇਕ ਨਕਲੀ ਗੁਪਤ ਆਰਡਰ ਵੀ ਤਿਆਰ ਕੀਤਾ ਹੈ, ਜਿਸ ਦੇ ਬਲਬੁਤੇ ਵਿਦੇਸ਼ਾਂ ਵਿਚ ਬੈਠੇ ਇਹ ਖਾਲਿਸਤਾਨੀ ਸਮਰਥਕ ਸਿੱਖ ਜਵਾਨਾਂ ਅਤੇ ਅਫ਼ਸਰਾਂ ਨੂੰ ਅਪਣੀ ਵੱਖਵਾਦੀ ਮੁਹਿੰਮ ‘ਰੈਫ਼ਰੈਂਡਮ - 2020’ ਨਾਲ ਜੋੜਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਫ਼ੌਜ ਦੀ ਇਕ ਵਿਸ਼ੇਸ਼ ਵਿੰਗ ਨੇ ਖਾਲਿਸਤਾਨੀ ਸਮਰਥਕਾਂ ਦੇ ਇਸ ਖਤਰਨਾਕ ਚਾਲ ਦਾ ਪਰਦਾਫ਼ਾਸ਼ ਕਰ ਰਿਪੋਰਟ ਫ਼ੌਜ ਹਾਈਕਮਾਨ ਨੂੰ ਭੇਜੀ ਹੈ। ਵਿਦੇਸ਼ਾਂ ਵਿਚ ਬੈਠੇ ਦੇਸ਼ ਵਿਰੋਧੀ ਖਾਲਿਸਤਾਨ ਸਮਰਥਕ ਪੰਜਾਬ ਨੂੰ ਸਾਲ 2020 ਤੱਕ ਭਾਰਤ ਤੋਂ ਵੱਖ ਕਰਨ ਦੀ ਇਕ ਵੱਖਵਾਦੀ ਮੁਹਿੰਮ ‘ਰੈਫਰੈਂਡਮ - 2020’ ਚਲਾ ਰਹੇ ਹਨ।

Sikh ArmySikh Army

ਇਸ ਲੋਕਾਂ ਨੂੰ ਪਾਕਿਸਤਾਨ ਦਾ ਵੀ ਪੂਰਾ ਸਮਰਥਨ ਮਿਲ ਰਿਹਾ ਹੈ।  ਇਸ ਦੇ ਚਲਦੇ ਇਹ ਲੋਕ ਇਕ ਵਾਰ ਫ਼ਿਰ ਪੰਜਾਬ ਦਾ ਮਾਹੌਲ ਪੂਰੀ ਤਰ੍ਹਾਂ ਨਾਲ ਖ਼ਰਾਬ ਕਰਨਾ ਚਾਹੁੰਦੇ ਹਨ ਪਰ ਹੁਣ ਇਨ੍ਹਾਂ ਨੇ ਭਾਰਤੀ ਫ਼ੌਜ ਵਿਚ ਵੀ ਮਾਹੌਲ ਵਿਗਾੜਣ ਦੀ ਤਿਆਰੀ ਕੀਤੀ ਹੈ। ਖਾਲਿਸਤਾਨੀ ਸਮਰਥਕਾਂ ਨੇ ਭਾਰਤੀ ਫ਼ੌਜ ਵਿਚ ਤੈਨਾਤ ਸਿੱਖ ਅਫ਼ਸਰਾਂ ਅਤੇ ਜਵਾਨਾਂ ਵਿਚ ਫੁੱਟ ਪਾਉਣ ਲਈ ਇਕ ਫ਼ਰਜ਼ੀ ਲੈਟਰ ਦਾ ਸਹਾਰਾ ਲਿਆ ਹੈ।

ਇਸ ਫ਼ਰਜ਼ੀ ਫ਼ੌਜੀ ਪੱਤਰ ਨੂੰ ‘ਗੁਪਤ ਆਰਡਰ’ ਦੇ ਨਾਮ ਨਾਲ 3 ਦਸੰਬਰ 2018 ਨੂੰ ਤਿਆਰ ਕੀਤਾ ਗਿਆ। ਇਹ ਪੱਤਰ ਡਾਇਰੈਕਟਰੇਟ ਔਫ਼ ਮਿਲਿਟਰੀ ਇੰਟੈਲੀਜੈਂਸ ਦੇ ਸਾਇਕੋਲਾਜਿਕਲ ਆਪਰੇਸ਼ਨਸ ਵਿੰਗ ਦੇ ਡਿਪਟੀ ਡਾਇਕਟਰ ਬ੍ਰੀਗੇਡਿਅਰ ਵਿਕਰਮ ਮਲਹੋਤਰਾ ਦੇ ਨਾਮ ਨਾਲ ਜਾਰੀ ਕੀਤਾ ਗਿਆ ਹੈ। ਇਹ ਲੈਟਰ ਚੀਫ਼ ਔਫ਼ ਆਰਮੀ ਸਟਾਫ਼ ਅਤੇ ਵੌਇਸ ਚੀਫ਼ ਔਫ਼ ਆਰਮੀ ਸਟਾਫ਼ ਨੂੰ ਵੀ ਭੇਜਿਆ ਗਿਆ ਹੈ।

Gurpatwant Singh PannuGurpatwant Singh Pannu

ਇਸ ਪੱਤਰ ਵਿਚ ਲਿਖਿਆ ਗਿਆ ਹੈ ਕਿ ਭਾਰਤੀ ਫ਼ੌਜ ਵਿਚ ਤੈਨਾਤ ਕਈ ਸਿੱਖ ਅਫ਼ਸਰ ਅਤੇ ਜਵਾਨ ਪੰਜਾਬ ਨੂੰ ਭਾਰਤ ਤੋਂ ਵੱਖ ਕਰਨ ਵਾਲੀ ਵੱਖਵਾਦੀ ਮੁਹਿੰਮ ‘ਰੈਫਰੈਂਡਮ - 2020’ ਦਾ ਅੰਦਰਖ਼ਾਤੇ ਸਮਰਥਨ ਕਰ ਰਹੇ ਹਨ। ਇਸਲਈ ਇਹਨਾਂ ਸਿੱਖ ਜਵਾਨਾਂ ਅਤੇ ਅਫ਼ਸਰਾਂ ਦੇ ਨਾਮ, ਮੋਬਾਈਲ ਨੰਬਰ ਅਤੇ ਉਨ੍ਹਾਂ ਦੇ ਪਰਵਾਰ ਦੀ ਸੂਚੀ ਇਕਠੀ ਕਰ ਕੇ ਉਨ੍ਹਾਂ ਉਤੇ ਨਜ਼ਰ ਰੱਖਣ ਦੀ ਜ਼ਰੂਰਤ ਹੈ।

ਇਸ ਫ਼ਰਜ਼ੀ ਪੱਤਰ ਨੂੰ ਖਾਲਿਸਤਾਨੀ ਸਮਰਥਕ ਪੰਨੂ ਸੋਸ਼ਲ ਮੀਡੀਆ ਉਤੇ ਵਾਇਰਲ ਕਰ ਫ਼ੌਜ ਦੇ ਸਿੱਖ ਜਵਾਨਾਂ ਅਤੇ ਅਫ਼ਸਰਾਂ ਨੂੰ ਭੜਕਾ ਰਹੇ ਹਨ ਅਤੇ ਨਾਲ ਹੀ ਪੰਜਾਬੀ ਨੌਜਵਾਨਾਂ ਨੂੰ ਭਾਰਤੀ ਫ਼ੌਜ ਜੁਆਇਨ ਨਾ ਕਰਨ ਦੀ ਗੱਲ ਕਹਿ ਰਹੇ ਹਨ। ਫ਼ੌਜ ਦੀ ਵਿਸ਼ੇਸ਼ ਵਿੰਗ ਨੇ ਜਦੋਂ ਇਸ ਪੱਤਰ ਨੂੰ ਖੰਗਾਲਿਆ ਤਾਂ ਚੌਂਕਾਉਣ ਵਾਲੀ ਸਚਾਈ ਸਾਹਮਣੇ ਆਈ। ਫ਼ੌਜ ਦੇ ਇਕ ਆਲਾ ਅਫ਼ਸਰ ਨੇ ਦੱਸਿਆ ਕਿ ਨਹੀਂ ਤਾਂ 3 ਦਸੰਬਰ 2018 ਨੂੰ ਫ਼ੌਜ ਨੇ ਅਜਿਹਾ ਕੋਈ ਪੱਤਰ ਜਾਰੀ ਕੀਤਾ ਹੈ ਅਤੇ ਨਾ ਹੀ ਭਾਰਤੀ ਫ਼ੌਜ ਵਿਚ ‘ਸਾਈਕੋਲਾਜਿਕਲ ਆਪਰੇਸ਼ਨਸ ਵਿੰਗ’ ਦੇ ਨਾਮ ਨਾਲ ਕੋਈ ਇਕਾਈ ਹੈ ਅਤੇ

Birender Singh DhanoaBirender Singh Dhanoa

ਨਾ ਹੀ ਇਸ ਵਿਚ ਬ੍ਰਿਗੇਡਿਅਰ ਵਿਕਰਮ ਮਲਹੋਤਰਾ ਨਾਮ ਦਾ ਕੋਈ ਅਫ਼ਸਰ ਹੈ। ਇਹ ਸਿਰਫ਼ ਭਾਰਤੀ ਫ਼ੌਜ ਵਿਚ ਇਕ ਫੁੱਟ ਪਾਉਣ ਦੀ ਖ਼ਤਰਨਾਕ ਸਾਜ਼ਿਸ਼ ਹੈ। ਜਿਸ ਦੇ ਪਿੱਛੇ ਖਾਲਿਸਤਾਨੀ ਸਮਰਥਕਾਂ ਅਤੇ ਪਾਕਿਸਤਾਨ ਦਾ ਹੱਥ ਹੈ। ਫ਼ੌਜ 'ਚ ਸਿੱਖ ਜਵਾਨਾਂ ਅਤੇ ਅਫ਼ਸਰਾਂ ਨੂੰ ਭੜਕਾਉਣ ਲਈ ਇਸ ਦੇਸ਼ ਵਿਰੋਧੀ ਤਾਕਤਾਂ ਨੇ ਫੁੱਟ ਦਾ ਜੋ ‘ਜ਼ਹਿਰ’ ਸੋਸ਼ਲ ਮੀਡੀਆ ਉਤੇ ਵਾਇਰਲ ਕੀਤਾ ਹੈ, ਉਸ ਵਿਚ ਚੀਫ਼ ਔਫ਼ ਏਅਰਫੋਰਸ ਸਟਾਫ਼ ਬੀਐਸ ਧਨੋਆ (ਸਿੱਖ) ਅਤੇ ਭਾਰਤੀ ਫ਼ੌਜ ਦੇ ਹੋਰ ਸਿੱਖ ਜਵਾਨਾਂ ਦੀ ਫੋਟੋ ਦਾ ਗਲਤ ਤਰੀਕੇ ਨਾਲ ਵਰਤੋਂ ਕੀਤੀ ਗਈ ਹੈ। ਜੋ ਕਿ ਚੌਂਕਾਣ ਵਾਲਾ ਹੈ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 03/08/2025

03 Aug 2025 1:23 PM

ਸ: ਜੋਗਿੰਦਰ ਸਿੰਘ ਦੇ ਸ਼ਰਧਾਂਜਲੀ ਸਮਾਗਮ ਮੌਕੇ ਕੀਰਤਨ ਸਰਵਣ ਕਰ ਰਹੀਆਂ ਸੰਗਤਾਂ

03 Aug 2025 1:18 PM

Ranjit Singh Gill Home Live Raid :ਰਣਜੀਤ ਗਿੱਲ ਦੇ ਘਰ ਬਾਹਰ ਦੇਖੋ ਕਿੱਦਾਂ ਦਾ ਮਾਹੌਲ.. Vigilance raid Gillco

02 Aug 2025 3:20 PM

Pardhan Mantri Bajeke News : ਪ੍ਰਧਾਨਮੰਤਰੀ ਬਾਜੇਕੇ ਦੀ ਵੀਡੀਓ ਤੋਂ ਬਾਅਦ ਫਿਰ ਹੋਵੇਗੀ ਪੇਸ਼ੀ | Amritpal Singh

02 Aug 2025 3:21 PM

'ਤੇਰੀ ਬੁਲਟ ਪਰੂਫ਼ ਗੱਡੀ ਪਾੜਾਂਗੇ, ਜੇਲ੍ਹ ‘ਚੋਂ ਗੈਂਗਸਟਰ ਜੱਗੂ ਭਗਵਾਨਪੁਰੀਏ ਦੀ ਧਮਕੀ'

01 Aug 2025 6:37 PM
Advertisement