ਅੱਜ ਗੱਲ ਗੀਤਾਂ ’ਚ ਵਡਿਆਏ ਜਾਣ ਵਾਲੇ ਖੂਬਸੂਰਤ ਸ਼ਹਿਰ ਚੰਡੀਗੜ੍ਹ ਦੀ ਕਰਦੇ ਹਾਂ, ਪੁਰਾਣੀਆਂ ਸਵਾਣੀਆਂ ਵਾਂਗ ਕਹਿ ਸਕਦੇ ਆਂ ਕਿ ਚੰਡੀਗੜ੍ਹ....
ਚੰਡੀਗੜ੍ਹ (ਸ.ਸ.ਸ) : ਅੱਜ ਗੱਲ ਗੀਤਾਂ ’ਚ ਵਡਿਆਏ ਜਾਣ ਵਾਲੇ ਖੂਬਸੂਰਤ ਸ਼ਹਿਰ ਚੰਡੀਗੜ੍ਹ ਦੀ ਕਰਦੇ ਹਾਂ, ਪੁਰਾਣੀਆਂ ਸਵਾਣੀਆਂ ਵਾਂਗ ਕਹਿ ਸਕਦੇ ਆਂ ਕਿ ਚੰਡੀਗੜ੍ਹ ਸ਼ਾਹਿਰ ਨੂੰ ਨਜ਼ਰ ਲੱਗ ਗਈ ਜਾਪਦੀ ਹੈ। ਆਏ ਦਿਨ ਕਤਲ, ਬਲਾਤਕਾਰ, ਅਗਵਾਹ, ਲੁੱਟ/ਚੋਰੀ ਅਤੇ ਐੱਨ.ਡੀ.ਪੀ.ਐੱਸ. ਐਕਟ ਨਾਲ ਜੁੜੀਆਂ ਘਟਨਾਵਾਂ ਇਸ ਖੂਬਸੂਰਤ ਸ਼ਹਿਰ ਦੇ ਮੱਥੇ ’ਤੇ ਕਲੰਕ ਲੱਗਾ ਰਹੀਆਂ ਹਨ। ਹਾਲ ਦੀ ਘਟਨਾਵਾਂ ਨਾਲ ਸ਼ੁਰੂਆਤ ਕਰੀਏ ਤਾਂ ਬੀਤੇ ਸ਼ਨੀਵਾਰ ਹੀ ਤਿੰਨ ਥਾਂਈ ਝਪਟਮਾਰੀ ਹੋਈ। ਪਹਿਲੀ ਘਟਨਾ ਸੈਕਟਰ 39 ਦੀ ਏ ਜਿੱਥੇ ਐਕਟੀਵਾ ਸਵਾਰ ਝਪਟਮਾਰ ਨੇ ਲੜਕੀ ਦਾ ਪਰਸ ਖੋਹਿਆ ਹੈ।
ਦੂਜੀ ਘਟਨਾ ਸੈਕਟਰ 17 ਦੀ ਏ ਜਿੱਥੋਂ ਚੇਨ ਝਪਟਣ ਦੀ ਖ਼ਬਰ ਸਾਹਮਣੇ ਆਈ ਪਰ ਪੁਲਿਸ ਮੁਤਾਬਕ ਮਾਮਲਾ ਆਪਸੀ ਝਗੜੇ ਦਾ ਸੀ ਅਤੇ ਤੀਜੀ ਘਟਨਾ ਏਅਰਪੋਟ ਲਾਈਟ ਪਆਇੰਟ ’ਤੇ ਵਾਪਰੀ ਜਿੱਥੇ ਤਿੰਨ ਝਪਟਮਾਰ ਇੱਕ ਰਾਹਗੀਰ ਦਾ ਪਰਸ ਅਤੇ ਲੋਕੇਟ ਖੋਹ ਕੇ ਭੱਜ ਗਏ। ਇਸ ਤੋਂ ਇਲਾਵਾ ਦੋ ਥਾਂਈ ਚੋਰੀ ਦੀਆਂ ਵਾਰਦਾਤਾਂ ਵੀ ਇਸੇ ਦਿਨ ਵਾਪਰੀਆਂ। ਜੋ ਚੰਡੀਗੜ੍ਹ ਦੇ ਵਿਗੜ ਰਹੇ ਮਾਹੌਲ ਵਲ ਇਸ਼ਾਰਾ ਕਰਦੀਆਂ ਹਨ। ਚੰਡੀਗੜ੍ਹ ਪੁਲਿਸ ਦੀ ਵੈੱਬ ਸਾਈਟ ਦੇ ਆਂਕੜੇ ਵੀ ਸਾਫ ਬਿਆਨ ਕਰਦੇ ਹਨ ਕਿ ਚੰਡੀਗੜ੍ਹ ’ਚ ਲਗਾਤਾਰ ਅਪਰਾਧਕ ਘਟਨਾਵਾਂ ਵਾਪਰ ਰਹੀਆਂ ਹਨ।
ਸਕ੍ਰੀਨ ’ਤੇ ਨਜ਼ਰ ਆ ਰਹੇ ਇਹਨਾਂ ਅੰਕੜਿਆਂ ਤੋਂ ਸਹਿਜੇ ਹੀ ਪਤਾ ਲਗਾਇਆ ਜਾ ਸਕਦੈ ਕਿ ਚੰਡੀਗੜ੍ਹ ’ਚ ਹਾਲਾਤ ਕਿੰਨੇ ਗੰਭੀਰ ਹਨ, ਸਾਲ 2014 ਤੋਂ ਸਾਲ 2018 ਦੇ 6 ਮਹੀਨਿਆਂ ਤਕ ਦੇ ਆਂਕੜੇ ਦੱਸਦੇ ਨੇ ਕਿ ਕਤਲ ਅਤੇ ਬਲਾਤਕਾਰ ਵਰਗੀਆਂ ਘਟਨਾਵਾਂ ਵੀ ਲਗਾਤਾਰ ਇਸ ਮਾਡਰਨ ਸ਼ਹਿਰ ’ਚ ਵਾਪਰ ਰਹੀਆਂ ਹਨ। ਕੁਝ ਸੰਗੀਨ ਘਟਨਾਵਾਂ ਦਾ ਜ਼ਿਕਰ ਕੀਤਾ ਹੈ ਹੋਰ ਵੀ ਵੱਡੀ ਗਿਣਤੀ ’ਚ ਅਪਰਾਧਕ ਮਾਮਲੇ ਦਰਜ ਹੋਏ ਹਨ ਜਿਹਨਾਂ ਦਾ ਵੇਰਵਾ ਚੰਡੀਗੜ੍ਹ ਪੁਲਿਸ ਦੀ ਵੈੱਬ ਸਾਈਟ ’ਤੇ ਦੇਖਿਆ ਜਾ ਸਕਦੈ।
ਕੁਝ ਮੀਡੀਆ ਰਿਪੋਰਟਾਂ ਮੁਤਾਬਕ ਹੋਰਨਾਂ ਇਲਾਕਿਆਂ ਜਾਂ ਸੂਬਿਆਂ ਤੋਂ ਆਏ ਲੋਕ ਇਹਨਾਂ ਘਟਨਾਵਾਂ ਨੂੰ ਅੰਜ਼ਾਮ ਦੇ ਰਹੇ ਹਨ। ਇੱਥੋਂ ਦਾ ਅਮੀਰ, ਚਮਕ-ਦਮਕ ਤੇ ਹਾਈ-ਫਾਈ ਵਾਤਾਵਰਨ ਵੀ ਨੌਜਵਾਨਾਂ ਨੂੰ ਕੁਰਾਹੇ ਪਾ ਰਿਹੈ ਅਤੇ ਮਹਿੰਗੇ ਸ਼ੌਂਕ ਪੁਗਾਉਣ ਲਈ ਉਹ ਰਾਤ ਦੇ ਹਨ੍ਹੇਰੇ ’ਚ ਕਾਲੇ ਕੰਮਾਂ ਨੂੰ ਅੰਜ਼ਾਮ ਦੇ ਰਹੇ ਹਨ। ਚੰਡੀਗੜ੍ਹ ਵਰਗੇ ਸ਼ਹਿਰ ’ਚ 10 ਅਤੇ 14 ਸਾਲ ਦੀਆਂ ਬੱਚੀਆਂ ਦੇ ਬਲਾਤਕਾਰ ਹੋਣਾ, ਕੁਝ ਪੈਸਿਆਂ ਦੇ ਝਗੜੇ ਪਿੱਛੇ ਕਤਲ ਹੋਣਾ, ਗੈਂਗਸਟਰਾਂ ਦਾ ਇਸ ਸ਼ਹਿਰ ਵੱਲ ਰੁਝਾਨ ਅਤੇ ਆਏ ਦਿਨ ਵਾਪਰ ਰਹੀਆਂ ਲੁੱਟਾਂ-ਖੋਹਾਂ ਦੀ ਘਟਨਾਵਾਂ ਖ਼ਤਰੇ ਦੀ ਘੰਟੀ ਵਜ੍ਹਾ ਰਹੀਆਂ ਹਨ। ਗੀਤਾਂ ’ਚ ਵਡਿਆਏ ਜਾਣ ਵਾਲੇ ਇਸ ਸ਼ਹਿਰ ਦੀ ਇਸ ਰਗ ਨੂੰ ਫੜਨ ਦੀ ਵੀ ਲੋੜ ਹੈ। ਜੇ ਸਮਾਂ ਰਹਿੰਦੇ ਕੁਝ ਨਾ ਕੀਤਾ ਗਿਆ ਤਾਂ ਨਤੀਜੇ ਭਿਆਨਕ ਹੋ ਸਕਦੇ ਹਨ।
ਸਾਲ ਕਤਲ ਬਲਾਤਕਾਰ ਅਗਵਾਹ ਲੁੱਟ/ ਚੋਰੀ NDPS Act
2014 23 64 188 66/1260 137
2015 20 78 230 75/984 173
2016 26 72 180 54/918 144
2017 25 68 203 54/1222 244
2018 (6ਮਹੀਨੇ)10 35 98 31/609 83
