ਰੂਪਨਗਰ ਸ਼ਹਿਰ ਵਿਚਲੇ ਪਾਵਰ ਕਲੋਨੀ ਦੇ ਸਕੂਲ ਨੂੰ ਨੂੰਹੋਂ ਕਲੋਨੀ ਸਕੂਲ ਵਿੱਚ merge...
ਨਵੀਂ ਦਿੱਲੀ: ਰੂਪਨਗਰ ਸ਼ਹਿਰ ਵਿਚਲੇ ਪਾਵਰ ਕਲੋਨੀ ਦੇ ਸਕੂਲ ਨੂੰ ਨੂੰਹੋਂ ਕਲੋਨੀ ਸਕੂਲ ਵਿੱਚ merge ਕਰਨ ਦੇ ਸਰਕਾਰੀ ਫ਼ੈਸਲੇ ਵਿਰੁੱਧ ਪਾਵਰ ਕਲੋਨੀ ਸਕੂਲ ਦੇ ਮੂਹਰੇ ਇਲਾਕਾ ਨਿਵਾਸੀਆਂ ਵੱਲੋਂ ਰੋਸ ਧਰਨਾ ਦਿੱਤਾ ਗਿਆ। ਸਾਬਕਾ ਪ੍ਰਧਾਨ ਨਗਰ ਕੌਂਸਲ ਰੂਪਨਗਰ ਪਰਮਜੀਤ ਸਿੰਘ ਮੱਕੜ ਦੀ ਅਗੁਵਾਈ ਹੇਠ ਦਿੱਤੇ ਗਏ ਇਸ ਧਰਨੇ ਮੌਕੇ ਧਰਨਾ ਦੇਣ ਵਾਲਿਆਂ ਨੇ ਰੋਸ ਪ੍ਰਗਟ ਕਰਦਿਆਂ ਕਿਹਾ ਕਿ ਇਸ ਸਮੇਂ ਇਸ ਸਕੂਲ ਵਿੱਚ ਤਕਰੀਬਨ 250 ਬੱਚੇ ਪੜ੍ਹਾਈ ਕਰ ਰਹੇ ਹਨ।
school student
ਇਹ ਸਾਰੇ ਬੱਚੇ ਗਰੀਬ ਪਰਿਵਾਰਾਂ ਦੇ ਹਨ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਬੱਚਿਆਂ ਨੂੰ ਨੁੰਹੋਂ ਕਲੋਨੀ ਦੇ ਸਕੂਲ ਵਿੱਚ ਜਾਣਾ ਬਹੁਤ ਦੂਰ ਪਵੇਗਾ ਅਤੇ ਹੁਣ ਇਹ ਬੱਚੇ ਆਪਣੇ ਘਰਾਂ ਕੋਲ ਪੜ੍ਹ ਰਹੇ ਹਨ ਪਰੰਤੂ ਨੂਹੋਂ ਕਲੋਨੀ ਦਾ ਫਾਸਲਾ ਇੱਥੋਂ ਤਕਰੀਬਨ 15 ਕਿਲੋਮੀਟਰ ਦਾ ਹੈ।
school student
ਉਨ੍ਹਾ ਕਿਹਾ ਕਿ ਸਰਕਾਰ ਨੇ ਪਿਛਲੇ ਸੈਸ਼ਨ ਵਿੱਚ ਹੀ ਸਕੂਲ ਨੂੰ ਸ਼ਿਫਟ ਕਰਨ ਦਾ ਫੈਸਲਾ ਕੀਤਾ ਸੀ ਪਰੰਤੂ ਲੋਕਾਂ ਦੇ ਵਿਰੋਧ ਕੀਤਾ ਸੀ ਅਤੇ ਹੁਣ ਸਰਕਾਰ ਇਸ ਨਵੇਂ ਸੈਸ਼ਨ ਤੋਂ ਫੇਰ ਇਸ ਸਕੂਲ ਨੂੰ ਸ਼ਿਫਟ ਕਰਨ ਜਾ ਰਹੀ ਹੈ। ਇਲਾਕਾ ਨਿਵਾਸੀਆਂ ਨੇ ਮੰਗ ਕੀਤੀ ਕਿ ਇਸ ਸਕੂਲ ਨੂੰ ਇੱਥੋਂ ਤਬਦੀਲ ਨਾ ਕੀਤਾ ਜਾਵੇ।
