ਪੰਜਾਬ ਸਟੇਟ ਆਰਗੇਨਾਇਜ਼ਰ ਸਪੋਰਟਸ ਅਹੁਦੇ ਤੋਂ ਰੁਪਿੰਦਰ ਰਵੀ ਨੂੰ ਹਟਾ ਕੇ ਉਨ੍ਹਾਂ ਦੀ...
ਜਲੰਧਰ : ਪੰਜਾਬ ਸਟੇਟ ਆਰਗੇਨਾਇਜ਼ਰ ਸਪੋਰਟਸ ਅਹੁਦੇ ਤੋਂ ਰੁਪਿੰਦਰ ਰਵੀ ਨੂੰ ਹਟਾ ਕੇ ਉਨ੍ਹਾਂ ਦੀ ਜਗ੍ਹਾ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਚਮਕੌਰ ਸਾਹਿਬ (ਰੋਪੜ) ਦੇ ਪ੍ਰਿੰਸੀਪਲ ਜਗਤਾਰ ਸਿੰਘ ਪੀਪੀਐਸ (ਸਕੂਲ ਅਤੇ ਇੰਸਪੈਕਸ਼ਨ ਗਰੁੱਪ ਏ) ਨੂੰ ਨਿਯੁਕਤ ਕੀਤਾ ਗਿਆ ਹੈ। ਰੁਪਿੰਦਰ ਰਵੀ ਪੰਜਾਬ ਸਪੋਰਟਸ ਡਿਪਾਰਟਮੈਂਟ ਵਿਚ ਡਿਪਟੀ ਡਾਇਰੈਕਟਰ ਸਨ ਉਨ੍ਹਾਂ ਨੂੰ ਐਜੁਕੇਸ਼ਨ ਸਪੋਰਟਸ ਵਿਚ ਲਿਆਂਦਾ ਗਿਆ ਸੀ।
ਲੰਮੇ ਸਮੇਂ ਤੋਂ ਨੈਸ਼ਨਲ ਖੇਡਣ ਵਾਲੇ ਖਿਡਾਰੀਆਂ ਨੂੰ ਸਪੋਰਟਸ ਕਿੱਟ ਨਾ ਦੇਣ, ਆਉਣ-ਜਾਣ ਲਈ ਕੰਨਫ਼ਰਮ ਟਿਕਟ ਨਾ ਮਿਲਣ, ਨੈਸ਼ਨਲ ਵਿਚ ਜਾਣ ਤੋਂ ਪਹਿਲਾਂ ਕੋਚਿੰਗ ਕੈਂਪ ਨਾ ਲਗਾਏ ਜਾਣ ਅਤੇ ਧਾਂਧਲੀ ਦੀਆਂ ਸ਼ਿਕਾਇਤਾਂ ਮਿਲ ਰਹੀਆਂ ਸਨ। ਕੋਚਿੰਗ ਕੈਂਪ ਨਾ ਲੱਗਣ ਕਰਕੇ ਇਸ ਵਾਰ ਸਕੂਲ ਨੈਸ਼ਨਲ ਗੇਮਸ ਵਿਚ ਪੰਜਾਬ ਦੇ ਖਿਡਾਰੀਆਂ ਦਾ ਪੱਧਰ ਡਿੱਗਿਆ ਹੈ। ਐਜੁਕੇਸ਼ਨ ਡਿਪਾਰਟਮੈਂਟ ਵਿਚ ਸਪੋਰਟਸ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਜਾ ਰਿਹਾ ਸੀ।