ਪੁਣੇਰੀ ਪਲਟਨ ਨੇ ਪ੍ਰੋ ਕਬੱਡੀ ਲੀਗ ਦੇ ਸੱਤਵੇਂ ਸੀਜ਼ਨ ਵਿਚ ਸ਼ਨੀਵਾਰ ਨੂੰ ਗੁਜਰਾਤ ਫਾਰਚੂਨ ਜੁਆਇੰਟਸ ਨੂੰ 43-33 ਨਾਲ ਹਰਾ ਦਿੱਤਾ।
ਨਵੀਂ ਦਿੱਲੀ: ਪੁਣੇਰੀ ਪਲਟਨ ਨੇ ਪ੍ਰੋ ਕਬੱਡੀ ਲੀਗ ਦੇ ਸੱਤਵੇਂ ਸੀਜ਼ਨ ਵਿਚ ਸ਼ਨੀਵਾਰ ਨੂੰ ਗੁਜਰਾਤ ਫਾਰਚੂਨ ਜੁਆਇੰਟਸ ਨੂੰ 43-33 ਨਾਲ ਹਰਾ ਦਿੱਤਾ। ਪੁਣੇਰੀ ਪਲਟਨ ਦੇ ਮੈਨ ਰੇਡਰ ਨਿਤਿਨ ਤੌਮਰ ਨੇ ਇਸ ਮੈਚ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਨਿਤਿਨ ਤੌਮਰ ਨੇ ਆਖਰੀ ਮਿੰਟਾਂ ਵਿਚ ਸੁਪਰ ਰੇਡ ਨਾਲ ਸੀਜ਼ਨ ਦਾ ਪਹਿਲਾ ਸੁਪਰ 10 ਪੂਰਾ ਕੀਤਾ।
Puneri Paltan vs Gujarat Fortunegiants
ਨਿਤਿਨ ਤੌਮਰ ਦੀ ਜ਼ਬਰਦਸਤ ਸ਼ੁਰੂਆਤ ਦੇ ਕਾਰਨ ਪੰਜ ਮਿੰਟਾਂ ਵਿਚ ਪੁਣੇਰੀ ਪਲਟਨ ਨੇ 6 ਅੰਕ ਨਾਲ ਵਾਧਾ ਬਣਾ ਲਿਆ। ਗੁਜਰਾਤ ਨੂੰ ਅਪਣਾ ਪਹਿਲਾ ਅੰਕ ਸੱਤਵੇਂ ਮਿੰਟ ਵਿਚ ਮਿਲਿਆ ਸੀ। ਪੁਣੇਰੀ ਪਲਟਨ ਨੇ ਮੈਚ ਦੇ 9ਵੇਂ ਮਿੰਟ ਵਿਚ ਗੁਜਰਾਤ ਨੂੰ ਆਊਟ ਕਰ 8 ਅੰਕਾਂ ਨਾਲ ਵਾਧਾ ਬਣਾ ਲਿਆ। ਪਹਿਲੀ ਪਾਰੀ ਦਾ ਖੇਡ ਖਤਮ ਹੋਣ ਤੱਕ ਪੁਣੇਰੀ 24-10 ਨਾਲ ਲੀਡ ਕਰ ਰਹੀ ਸੀ। ਗੁਜਰਾਤ ਨੇ ਦੂਜੀ ਪਾਰੀ ਵਿਚ ਵਧੀਆ ਪ੍ਰਦਰਸ਼ਨ ਕੀਤਾ। ਪਰ ਇਸ ਮੁਕਾਬਲੇ ਵਿਚ ਗੁਜਰਾਤ ਜਿੱਤ ਹਾਸਲ ਕਰਨ ਵਿਚ ਅਸਫ਼ਲ ਰਹੀ।
Tamil Thalaivas vs Haryana Steelers
ਹਰਿਆਣਾ ਸਟੀਲਰਜ਼ ਬਨਾਮ ਤਮਿਲ ਥਲਾਈਵਾਜ਼
ਦਿਨ ਦੇ ਦੂਜੇ ਅਤੇ ਸੀਜ਼ਨ ਦੇ 90 ਵੇਂ ਮੈਚ ਵਿਚ ਹਰਿਆਣਾ ਨੇ ਤਮਿਲ ਥਲਾਈਵਾਜ਼ ਨੂੰ 43-35 ਨਾਲ ਹਰਾ ਦਿੱਤਾ। ਹਰਿਆਣਾ ਲਈ ਇਕ ਵਾਰ ਫਿਰ ਵਿਕਾਸ ਕੰਡੋਲਾ ਨੇ ਕਮਾਲ ਦਾ ਪ੍ਰਦਰਸ਼ਨ ਕੀਤਾ। ਇਸ ਤੋਂ ਇਲਾਵਾ ਧਰਮਰਾਜ ਚੇਰਾਲਾਥਨ ਨੇ ਪ੍ਰੋ ਕਬੱਡੀ ਲੀਗ ਵਿਚ ਅਪਣੇ 250 ਟੈਕਲ ਪੁਆਇੰਟ ਪੂਰੇ ਕੀਤੇ।
Tamil Thalaivas vs Haryana Steelers
ਪਹਿਲੀ ਪਾਰੀ ਦਾ ਖੇਡ ਖਤਮ ਹੋਣ ਤੱਕ ਹਰਿਆਣਾ ਸਟੀਲਰਜ਼ ਨੇ ਤਮਿਲ ਥਲਾਈਵਾਜ਼ ‘ਤੇ ਦੋ ਅੰਕਾਂ ਦਾ ਵਾਧਾ ਬਣਾ ਲਿਆ ਸੀ। ਪਹਿਲੀ ਪਾਰੀ ਦੇ 10 ਰੇਡ ਵਿਚ ਉਹਨਾਂ ਨੇ ਪੰਜ ਰੇਡ ਅਪਣੇ ਨਾਂਅ ਕੀਤੇ। ਵਿਕਾਸ ਕੰਡੋਲਾ ਨੇ ਇਸ ਮੈਚ ਦੌਰਾਨ ਸੀਜ਼ਨ ਦਾ ਅਪਣਾ ਸੱਤਵਾਂ ਸੁਪਰ-10 ਪੂਰਾ ਕੀਤਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
