ਪੰਜਵੇਂ ਦਿਨ ਆਸਟ੍ਰੇਲੀਆ ਨੇ ਸਿਰਫ਼ 70 ਮਿੰਟ ਵਿਚ ਟੀਮ ਇੰਡੀਆ ਦੀ ਪਾਰੀ ਨੂੰ ਸਮੇਟ ਕੇ ਟੈਸਟ ਸੀਰੀਜ ਵਿਚ ਭਾਰਤ ਨਾਲ ਹਿਸਾਬ ਬਰਾਬਰ ਕਰ ਲਿਆ ਹੈ।
ਪਰਥ (ਭਾਸ਼ਾ) : ਪੰਜਵੇਂ ਦਿਨ ਆਸਟ੍ਰੇਲੀਆ ਨੇ ਸਿਰਫ਼ 70 ਮਿੰਟ ਵਿਚ ਟੀਮ ਇੰਡੀਆ ਦੀ ਪਾਰੀ ਨੂੰ ਸਮੇਟ ਕੇ ਟੈਸਟ ਸੀਰੀਜ ਵਿਚ ਭਾਰਤ ਨਾਲ ਹਿਸਾਬ ਬਰਾਬਰ ਕਰ ਲਿਆ ਹੈ। ਆਸਟ੍ਰੇਲੀਆ ਨੇ ਪਰਥ ਵਿਚ ਖੇਡੇ ਟੈਸਟ ਸੀਰੀਜ ਦੇ ਦੂੱਜੇ ਮੈਚ ਵਿਚ ਭਾਰਤ ਨੂੰ 146 ਰਨਾਂ ਤੋਂ ਹਰਾ ਦਿਤਾ ਹੈ। ਭਾਰਤ ਦੇ ਸਾਹਮਣੇ ਚੌਥੀ ਪਾਰੀ ਵਿਚ 287 ਦੌੜਾਂ ਦੀ ਲੋੜ ਸੀ ਪਰ ਮੰਗਲਵਾਰ ਨੂੰ ਪਹਿਲਾਂ ਸੈਸ਼ਨ ਵਿਚ ਪੂਰੀ ਟੀਮ 140 ਦੌੜਾਂ ਨਾਲ ਆਉਟ ਹੋ ਗਈ। ਇਸ ਦੇ ਨਾਲ ਹੀ ਚਾਰ ਟੈਸਟ ਮੈਚਾਂ ਦੀ ਸੀਰੀਜ 1-1 ਤੋਂ ਬਰਾਬਰ ਹੋ ਗਈ ਹੈ।
Match
ਆਸਟ੍ਰੇਲੀਆ ਲਈ ਪਹਿਲੀ ਪਾਰੀ ਵਿਚ ਪੰਜ ਵਿਕਟ ਲੈਣ ਵਾਲੇ ਆੱਫ ਸਪਿੰਨਰ ਨਾਥਨ ਲਿਓਨ ਨੇ ਸ਼ਾਨਦਾਰ ਗੇਂਦਬਾਜੀ ਕਰਦੇ ਹੋਏ ਦੂਜੀ ਪਾਰੀ ਵਿਚ ਵੀ ਭਾਰਤ ਦੇ ਤਿੰਨ ਵਿਕਟ ਝਟਕਾਏ। ਤੇਜ਼ ਗੇਂਦਬਾਜ ਮਿਸ਼ੇਲ ਸਟਾਰਕ ਨੂੰ ਵੀ ਤਿੰਨ ਕਾਮਯਾਬੀਆਂ ਹਾਸਲ ਹੋਈਆਂ। ਹੁਣ ਸੀਰੀਜ ਦਾ ਤੀਜਾ ਮੈਚ 26 ਦਸੰਬਰ ਨੂੰ ਮੇਲਬੋਰਨ ਵਿਚ ਖੇਡਿਆ ਜਾਵੇਗਾ। ਆਸਟ੍ਰੇਲੀਅਨ ਕਪਤਾਨ ਦੇ ਰੂਪ ਵਿਚ ਇਹ ਟੀਮ ਪੇਨ ਦੀ ਪਹਿਲੀ ਜਿੱਤ ਹੈ। ਬਾਲ ਟੇਪਿੰਗ ਵਿਵਾਦ ਤੋਂ ਬਾਅਦ ਇਹ ਕੰਗਾਰੂ ਟੀਮ ਦੀ ਪਹਿਲੀ ਘਰੇਲੂ ਸੀਰੀਜ ਹੈ। ਐਡੀਲੇਡ ਵਿਚ ਜਿੱਥੇ ਉਸਨੂੰ 31 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ ਉਥੇ ਹੀ ਪਰਥ ਵਿਚ ਉਸ ਨੇ ਸ਼ਾਨਦਾਰ ਵਾਪਸੀ ਕੀਤੀ ਅਤੇ ਮੈਚ ਅਪਣੇ ਨਾਮ ਕੀਤਾ।
Nathan Lyon
ਪੰਜਵੇਂ ਦਿਨ ਜਦੋਂ ਭਾਰਤੀ ਟੀਮ ਬੱਲੇਬਾਜੀ ਕਰਨ ਉਤਰੀ ਤਾਂ ਉਸਦਾ ਸਕੋਰ ਪੰਜ ਵਿਕਟ ਉੱਤੇ 112 ਸਕੋਰ ਸੀ। ਪਰਥ ਦੇ ਆਪਟਸ ਸਟੇਡੀਅਮ 'ਤੇ ਬੱਲੇਬਾਜੀ ਕਰਨਾ ਸੌਖਾ ਨਹੀਂ ਸੀ। ਭਾਰਤੀ ਜੌੜੀ ਦੀ ਕੋਸ਼ਿਸ਼ ਸੀ ਕਿ ਉਹ ਉਸੇ ਤਰ੍ਹਾਂ ਦੀ ਬੱਲੇਬਾਜੀ ਕਰੇ ਜਿਵੇਂ ਉਸਮਾਨ ਖਵਾਜਾ ਅਤੇ ਟੀਮ ਪੇਨ ਨੇ ਚੌਥੇ ਦਿਨ ਕੀਤੀ ਸੀ। ਇਸ ਆਸਟ੍ਰੇਲੀਅਨ ਜੌੜੀ ਨੇ ਚੌਥੇ ਦਿਨ ਪਹਿਲਾਂ ਸੈਸ਼ਨ ਵਿਚ ਕੋਈ ਵਿਕਟ ਨਹੀਂ ਗਵਾਇਆ। ਦੋਨਾਂ ਭਾਰਤੀ ਬੱਲੇਬਾਜਾਂ ਨੇ ਸ਼ੁਰੁਆਤ ਤਾਂ ਸੰਜਮ ਦੇ ਨਾਲ ਕੀਤੀ।
Usman Khawaja
ਆਸਟ੍ਰੇਲੀਆ ਨੇ ਦਿਨ ਦੇ ਛੇਵੇਂ ਓਵਰ ਵਿਚ ਹੀ ਹਨੁਮਾ ਵਿਹਾਰੀ ਅਤੇ ਰਿਸ਼ਭ ਪੰਤ ਦੀ ਭਾਈਵਾਲੀ ਨੂੰ ਤੋੜਿਆ ਅਤੇ ਇਸ ਤੋਂ ਬਾਅਦ ਭਾਰਤੀ ਨਿਚਲੇਕਰਮ ਨੂੰ ਸਮੇਟਣ ਵਿਚ ਉਸਨੇ ਬਹੁਤ ਜ਼ਿਆਦਾ ਵਕਤ ਨਹੀਂ ਲਿਆ। ਆਸਟ੍ਰੇਲੀਆ ਨੇ ਬਹੁਤ ਆਸਾਨੀ ਨਾਲ ਮੈਚ ਅਪਣੇ ਨਾਮ ਕੀਤਾ।
ਮਿਸ਼ੇਲ ਸਟਾਰਕ ਦੀ ਰਫ਼ਤਾਰ ਅਤੇ ਉਛਾਲ ਹੇਠਲੇ ਕ੍ਰਮ ਲਈ ਖ਼ਤਰਨਾਕ ਰਿਹਾ। ਉਨ੍ਹਾਂ ਦੀ ਗੇਂਦਾਂ ਦਾ ਸਾਹਮਣਾ ਕਰਨਾ ਉਮੇਸ਼ ਯਾਦਵ ਅਤੇ ਹੋਰ ਬੱਲੇਬਾਜਾਂ ਨੂੰ ਕਾਫ਼ੀ ਵਿਆਕੁਲ ਕਰਦਾ ਰਿਹਾ। ਸਟਾਰਕ ਨੇ ਹਨੁਮਾ ਵਿਹਾਰੀ ਨੂੰ 28 ਦੇ ਨਿਜੀ ਸਕੋਰ ਉਤੇ ਆਉਟ ਕਰਕੇ ਅਪਣੀ ਟੀਮ ਨੂੰ ਦਿਨ ਦੀ ਪਹਿਲੀ ਕਾਮਯਾਬੀ ਦਵਾਈ। ਸਟਾਰਕ ਦੀ ਇਕ ਗੇਂਦ ਉਨ੍ਹਾਂ ਦੇ ਬੱਲੇ ਨਾਲ ਲੱਗਕੇ ਥਾਈ ਪੈਡ ਉਤੇ ਲੱਗੀ ਅਤੇ ਸਕਵੇਅਰ ਲੈਗ ਦੇ ਫੀਲਡਰ ਨੇ ਉਨ੍ਹਾਂ ਦਾ ਇਕ ਆਸਾਨ ਜਿਹਾ ਕੈਚ ਫੜਿਆ। ਗੇਂਦ ਥਾਈ ਪੈਡ ਨਾਲ ਲੱਗਣ ਤੋਂ ਬਾਅਦ ਕਾਫ਼ੀ ਦੂਰ ਤੱਕ ਗਈ।
Virat Kohli
ਰਿਸ਼ਭ ਪੰਤ 30 ਸਕੋਰ ਬਣਾ ਕੇ ਨਾਥਨ ਲਿਓਨ ਦੀ ਗੇਂਦ ਉਤੇ ਆਉਟ ਹੋਏ। ਉਨ੍ਹਾਂ ਨੇ ਪਹਿਲਕਾਰ ਸ਼ਾਟ ਖੇਡਣ ਦੀ ਕੋਸ਼ਿਸ਼ ਕੀਤੀ ਪਰ ਪੀਟਰਹੈਂਡਸਕਾੰਬ ਨੇ ਛਾਲ ਮਾਰਕੇ ਉਨ੍ਹਾਂ ਦਾ ਸ਼ਾਨਦਾਰ ਕੈਚ ਝੱਪਟਿਆ। ਭਾਰਤ ਦੇ ਆਖਰੀ ਚਾਰ ਬੱਲੇਬਾਜਾਂ ਨੇ ਸਿਰਫ ਦੋ ਸਕੋਰਾਂ ਦਾ ਯੋਗਦਾਨ ਦਿਤਾ। ਇਹ ਦੋ ਸਕੋਰ ਉਮੇਸ਼ ਯਾਦਵ ਦੇ ਬੱਲੇ ਤੋਂ ਨਿਕਲੇ। ਈਸ਼ਾਂਤ ਸ਼ਰਮਾ ਅਤੇ ਜਸਪ੍ਰੀਤ ਬੁਮਰਾਹ ਖਾਤਾ ਵੀ ਨਹੀਂ ਖੋਲ ਸਕੇ। ਮੁਹੰਮਦ ਸ਼ਮੀ 0 ਸਕੋਰ ਉਤੇ ਨਾਬਾਦ ਰਹੇ।
Team
ਨਾਥਨ ਲਿਓਨ ਨੇ ਪਹਿਲੀ ਪਾਰੀ ਵਿਚ ਪੰਜ ਵਿਕਟ ਲੈਣ ਤੋਂ ਬਾਅਦ ਦੂਜੀ ਪਾਰੀ ਵਿਚ ਵੀ ਵਿਰਾਟ ਕੋਹਲੀ ਦਾ ਵਿਕਟ ਲੈ ਕੇ ਭਾਰਤੀ ਟੀਮ ਨੂੰ ਮੁਸ਼ਕਲ ਵਿਚ ਪਾ ਦਿਤਾ। ਉਨ੍ਹਾਂ ਦੀ ਬੋਲਿੰਗ ਨੇ ਆਸਟ੍ਰੇਲੀਆ ਨੂੰ ਸੀਰੀਜ ਵਿਚ ਮੁਕਾਬਲਾ ਕਰਨ ਦਾ ਮੌਕਾ ਦਿਤਾ। ਪਰਥ ਦੇ ਇਸ ਨਵੇਂ ਸਟੇਡੀਅਮ ਉਤੇ ਆਸਟ੍ਰੇਲੀਅਨ ਟੀਮ ਨੇ ਸ਼ਾਨਦਾਰ ਖੇਲ ਵਖਾਇਆ ਹੈ। 2014 ਤੋਂ ਬਾਅਦ 124 ਕੋਸ਼ਿਸ਼ਾਂ ਵਿਚ ਸਿਰਫ਼ ਛੇ ਟੀਮਾਂ ਨੇ 200 ਤੋਂ ਜ਼ਿਆਦਾ ਦਾ ਸਕੋਰ ਹਾਸਲ ਕੀਤਾ ਹੈ ਅਤੇ ਕੁੱਲ ਮਿਲਾਕੇ ਭਾਰਤੀ ਟੀਮ ਨੇ ਟੈਸਟ ਕ੍ਰਿਕੇਟ ਵਿਚ ਸਿਰਫ਼ ਦੋ ਵਾਰ 287 ਜਾਂ ਉਸ ਤੋਂ ਜ਼ਿਆਦਾ ਦਾ ਟੀਚਾ ਹਾਸਲ ਕੀਤਾ ਹੈ।
