ਇਸ ਗੈਂਗਸਟਰ ਦਾ ਨਾਮ ਕਲਾਓਵਿਨੋ ਦਾ ਸਿਲਵਾ ਉਰਫ਼ ਸ਼ਾਟੀ ਹੈ, ਜੋ ਰਿਓ ਡੀ ਜੇਨੇਰੀਓ ਦੇ ਪੱਛਮੀ ਇਲਾਕੇ ਵਿਚ ਸਥਿਤ ਜੇਲ੍ਹ ਵਿਚ ਬੰਦ ਸੀ।
ਬ੍ਰਾਜ਼ੀਲ: ਫਿਲਮਾਂ ਵਿਚ ਤੁਸੀਂ ਨਕਲੀ ਚਿਹਰਾ ਲਗਾ ਕੇ ਪੁਲਿਸ ਤੋਂ ਬਚ ਕੇ ਭੱਜਣ ਵਾਲੇ ਵਿਲੇਨ ਨੂੰ ਤਾਂ ਦੇਖਿਆ ਹੀ ਹੋਵੇਗਾ। ਇਸੇ ਤੋਂ ਪ੍ਰੇਰਿਤ ਹੋ ਕੇ ਹੁਣ ਇਕ ਅਸਲੀ ਗੈਂਗਸਟਰ ਵੱਲੋਂ ਵੀ ਜੇਲ੍ਹ ਤੋਂ ਭੱਜਣ ਲਈ ਅਜਿਹੀ ਕੋਸ਼ਿਸ਼ ਕੀਤੀ ਗਈ ਜੋ ਕਾਮਯਾਬ ਨਹੀਂ ਹੋ ਸਕੀ ਅਤੇ ਜਲਦ ਹੀ ਉਸ ਨੂੰ ਪੁਲਿਸ ਨੇ ਫਿਰ ਤੋਂ ਗ੍ਰਿਫ਼ਤਾਰ ਕਰ ਲਿਆ।
ਤਸਵੀਰਾਂ ਵਿਚ ਤੁਸੀਂ ਸਾਫ਼ ਦੇਖ ਸਕਦੇ ਹੋ ਕਿ ਕਿਸ ਤਰ੍ਹਾਂ ਇਸ ਗੈਂਗਸਟਰ ਨੇ ਬ੍ਰਾਜ਼ੀਲ ਦੀ ਜੇਲ੍ਹ ਵਿਚੋਂ ਭੱਜਣ ਲਈ ਲੜਕੀ ਦੀ ਸ਼ਕਲ ਵਾਲਾ ਨਕਾਬ ਪਹਿਨਿਆ ਹੋਇਆ ਹੈ ਅਤੇ ਲੜਕੀਆ ਵਾਲੇ ਕੱਪੜੇ ਵੀ ਪਾਏ ਹੋਏ ਹਨ ਜੋ ਬਿਲਕੁਲ ਕਿਸੇ ਲੜਕੀ ਵਾਂਗ ਲੱਗ ਰਿਹਾ ਹੈ ਪਰ ਪੁਲਿਸ ਅੱਗੇ ਉਸ ਦੀ ਇਹ ਚਾਲ ਕਾਮਯਾਬ ਨਹੀਂ ਹੋ ਸਕੀ।
ਇਸ ਗੈਂਗਸਟਰ ਦਾ ਨਾਮ ਕਲਾਓਵਿਨੋ ਦਾ ਸਿਲਵਾ ਉਰਫ਼ ਸ਼ਾਟੀ ਹੈ, ਜੋ ਰਿਓ ਡੀ ਜੇਨੇਰੀਓ ਦੇ ਪੱਛਮੀ ਇਲਾਕੇ ਵਿਚ ਸਥਿਤ ਜੇਲ੍ਹ ਵਿਚ ਬੰਦ ਸੀ। ਸ਼ਾਟੀ ਨੇ ਅਪਣੀ 19 ਸਾਲਾ ਬੇਟੀ ਵਰਗਾ ਗੈੱਟਅੱਪ ਕੀਤਾ ਅਤੇ ਜੇਲ੍ਹ ਤੋਂ ਫ਼ਰਾਰ ਹੋਣ ਦੀ ਸੋਚੀ ਪਰ ਲੜਕੀ ਦੇ ਹੁਲੀਏ ਅਤੇ ਮਾਸਕ ਵਿਚ ਉਸ ਦੀ ਨਰਵਸਨੈੱਸ ਲਗਾਤਾਰ ਜ਼ਾਹਰ ਹੁੰਦੀ ਰਹੀ। ਜਿਸ ਦੇ ਸਿੱਟੇ ਵਜੋਂ ਉਹ ਫੜਿਆ ਗਿਆ।
ਦਰਸਅਲ ਸ਼ਾਟੀ ਦੀ ਯੋਜਨਾ ਸੀ ਕਿ ਉਹ ਮੁਲਾਕਾਤ ਲਈ ਆਈ ਅਪਣੀ ਬੇਟੀ ਨੂੰ ਜੇਲ੍ਹ ਵਿਚ ਛੱਡ ਕੇ ਹੀ ਫ਼ਰਾਰ ਹੋ ਜਾਵੇਗਾ। ਸ਼ਾਟੀ ਦਾ ਇਹ ਵੀਡੀਓ ਪੁਲਿਸ ਵੱਲੋਂ ਜਾਰੀ ਕੀਤਾ ਗਿਆ ਹੈ, ਜਿਸ ਵਿਚ ਗੈਂਗਸਟਰ ਦੀ ਹਰਕਤ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੋ ਰਿਹਾ ਹੈ।
