ਦਖਣ 'ਚ ਅਮਰੀਕੀ ਫ਼ੌਜ ਦੇ ਕਮਾਂਡਰ ਮੁਤਾਬਕ ਉੱਤਰੀ ਕੋਰੀਆ ਦੇ ਅਧਿਕਾਰੀਆਂ ਨੇ ਕੋਰੋਨਾ ਵਾਇਰਸ ਤੋਂ ....
ਵਾਸ਼ਿੰਗਟਨ: ਦਖਣ 'ਚ ਅਮਰੀਕੀ ਫ਼ੌਜ ਦੇ ਕਮਾਂਡਰ ਮੁਤਾਬਕ ਉੱਤਰੀ ਕੋਰੀਆ ਦੇ ਅਧਿਕਾਰੀਆਂ ਨੇ ਕੋਰੋਨਾ ਵਾਇਰਸ ਤੋਂ ਪ੍ਰਭਾਵਤ ਵਿਅਕਤੀਆਂ ਨੂੰ ਚੀਨ ਤੋਂ ਦੇਸ਼ 'ਚ ਦਾਖ਼ਲ ਹੋਣ ਤੋਂ ਰੋਕਣ ਲਈ ਦੇਖਦੇ ਸਾਰ ਹੀ ਗੋਲੀ ਮਾਰਨ ਦੇ ਆਦੇਸ਼ ਦਿਤੇ ਹਨ। ਉੱਤਰੀ ਕੋਰੀਆ ਨੇ ਹਾਲੇ ਤਕ ਦੇਸ਼ 'ਚ ਇਕ ਵੀ ਕੋਰੋਨਾ ਮਾਮਲੇ ਦੀ ਪੁਸ਼ਟੀ ਨਹੀਂ ਕੀਤੀ ਹੈ।
Kim Jong-un
ਪਿਓਂਗਯਾਂਗ ਨੇ ਕੋਰੋਨਾ ਦੇ ਵੱਧ ਰਹੇ ਮਾਮਲਿਆਂ ਦੇ ਮੱਦੇਨਜ਼ਰ ਜਨਵਰੀ 'ਚ ਚੀਨ ਨਾਲ ਲਗਦੀ ਸਰਹੱਦ ਨੂੰ ਬੰਦ ਕਰ ਦਿਤਾ ਸੀ। ਜੁਲਾਈ 'ਚ, ਰਾਜ ਮੀਡੀਆ ਨੇ ਕਿਹਾ ਕਿ ਉਸਨੇ ਅਪਣੀ ਐਮਰਜੈਂਸੀ ਦੀ ਸਥਿਤੀ ਨੂੰ ਵੱਧ ਤੋਂ ਵੱਧ ਪੱਧਰ ਤੇ ਵਧਾ ਦਿਤਾ ਹੈ।
coronavirus
ਯੂਐਸ ਫੋਰਸ ਕੋਰੀਆ (ਯੂਐਸਐਫਕੇ) ਦੇ ਕਮਾਂਡਰ ਰੌਬਰਟ ਅਬ੍ਰਾਹਮਸ ਨੇ ਕਿਹਾ ਕਿ ਸਰਹੱਦ ਦੇ ਬੰਦ ਹੋਣ ਕਾਰਨ ਮਾਲ ਦੀ ਤਸਕਰੀ 'ਚ ਵਾਧਾ ਹੋਇਆ ਹੈ, ਜਿਸ ਕਾਰਨ ਪ੍ਰਸ਼ਾਸਨ ਨੂੰ ਦਖ਼ਲ ਦੇਣਾ ਪਿਆ ਹੈ।
Kim Jong-un
ਵਾਸ਼ਿੰਗਟਨ 'ਚ ਰਣਨੀਤਕ ਅਤੇ ਇੰਟਰਨੈਸ਼ਨਲ ਸਟੱਡੀਜ਼ ਸੈਂਟਰ (ਸੀ.ਐਸ.ਆਈ.ਐਸ) ਵਲੋਂ ਵੀਰਵਾਰ ਨੂੰ ਆਨਲਾਈਨ ਕਾਨਫਰੰਸ 'ਚ, ਰਾਬਰਟ ਅਬਰਾਹਿਮ ਨੇ ਕਿਹਾ, “ਉੱਤਰ ਕੋਰੀਆ ਨੇ ਚੀਨੀ ਸਰਹੱਦ ਦੇ ਨਾਲ ਇਕ ਜਾਂ ਦੋ ਕਿਲੋਮੀਟਰ ਦੇ ਅੰਦਰ ਨਵਾਂ ਬਫਰ ਜ਼ੋਨ ਬਣਾਇਆ ਹੈ।
Coronavirus
ਉਸਨੇ ਉੱਤਰੀ ਕੋਰੀਆ ਦੀ ਸਪੈਸ਼ਲ ਆਪ੍ਰੇਸ਼ਨ ਫੋਰਸ (ਐਸਓਐਫ) ਨੂੰ ਉੱਥੇ ਤਾਇਨਾਤ ਕੀਤਾ ਹੈ। ਉਨ੍ਹਾਂ ਨੂੰ ਦੇਖ ਦੇ ਸਾਰ ਹੀ ਸ਼ੂਟ ਕਰਨ ਦੇ ਆਦੇਸ਼ ਦਿਤੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਸਰਹੱਦ ਦੇ ਬੰਦ ਹੋਣ ਨਾਲ ਚੀਨ ਵਿੱਤੀ ਤੌਰ 'ਤੇ ਪ੍ਰਭਾਵਤ ਹੋਇਆ ਹੈ।
Kim Jong-un
ਚੀਨ ਦੀ ਦਰਾਮਦ 85 ਫ਼ੀ ਸਦੀ ਘੱਟ ਗਈ ਹੈ। ਉੱਤਰ ਕੋਰੀਆ ਨੇ ਅਪਣੇ ਪ੍ਰਮਾਣੂ ਪ੍ਰੋਗਰਾਮਾਂ 'ਤੇ ਅਸਰਦਾਰ ਢੰਗ ਨਾਲ ਆਰਥਕ ਪਾਬੰਦੀਆਂ ਵਧਾ ਦਿਤੀਆਂ ਹਨ। ਦੂਜੇ ਪਾਸੇ ਉੱਤਰੀ ਕੋਰੀਆ ਵੀ ਮੀਸਕ ਤੂਫ਼ਾਨ ਨਾਲ ਜੂਝ ਰਿਹਾ ਹੈ। ਮੀਡੀਆ ਰੀਪੋਰਟ ਮੁਤਾਬਕ, ਤੂਫ਼ਾਨ ਕਾਰਨ 2000 ਤੋਂ ਵੱਧ ਘਰ ਤਬਾਹ ਹੋ ਗਏ ਹਨ।
