ਬ੍ਰਿਟੇਨ ਦੀ ਇੱਕ ਅਦਾਲਤ ਨੇ ਭਗੌੜੇ ਸ਼ਰਾਬ ਕਾਰੋਬਾਰੀ ਵਿਜੇ ਮਾਲੀਆ ਨੂੰ ਕਿਹਾ ਹੈ ਉਹ 13 ਭਾਰਤੀ ਬੈਂਕਾਂ ਨੂੰ ਉਸਦੇ ਨਾਲ ਕਾਨੂੰਨੀ ਲੜਾਈ ਵਿੱਚ ਹੋਈ
ਲੰਦਨ, ਬ੍ਰਿਟੇਨ ਦੀ ਇੱਕ ਅਦਾਲਤ ਨੇ ਭਗੌੜੇ ਸ਼ਰਾਬ ਕਾਰੋਬਾਰੀ ਵਿਜੇ ਮਾਲੀਆ ਨੂੰ ਕਿਹਾ ਹੈ ਉਹ 13 ਭਾਰਤੀ ਬੈਂਕਾਂ ਨੂੰ ਉਸਦੇ ਨਾਲ ਕਾਨੂੰਨੀ ਲੜਾਈ ਵਿੱਚ ਹੋਈ ਲਾਗਤ ਦੇ ਘੱਟ ਤੋਂ ਘੱਟ 2,00,000 ਪੌਂਡ (ਲੱਗਭੱਗ 1.81 ਕਰੋੜ ਰੁਪਏ) ਦਾ ਭੁਗਤਾਨੇ ਕਰੇ। ਇਹ ਬੈਂਕ ਮਾਲੀਆ ਨਾਲ ਅਪਣੇ ਬਾਕੀ ਕਰਜ਼ ਦੀ ਵਸੂਲੀ ਲਈ ਕਾਨੂੰਨੀ ਲੜਾਈ ਲੜ ਰਹੇ ਹਨ। ਜੱਜ ਐਂਡ੍ਰਿਊ ਹੇਨਸ਼ਾ ਨੇ ਪਿਛਲੇ ਮਹੀਨੇ ਮਾਲੀਆ ਦੀਆਂ ਸੰਪਤੀਆਂ ਨੂੰ ਕੁਰਕ ਕਰਨ ਦੇ ਇੱਕ ਵਿਸ਼ਵਵਿਆਪੀ ਹੁਕਮ ਨੂੰ ਪਲਟਣ ਤੋਂ ਇਨਕਾਰ ਕਰ ਦਿੱਤਾ ਸੀ।
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਭਾਰਤੀ ਅਦਾਲਤ ਦੀ ਇਸ ਵਿਵਸਥਾ ਨੂੰ ਠੀਕ ਦੱਸਿਆ ਕਿ ਭਾਰਤੀ ਸਟੇਟ ਬੈਂਕ ਦੀ ਅਗਵਾਈ ਵਾਲਾ 13 ਭਾਰਤੀ ਬੈਂਕਾਂ ਦਾ ਸਮੂਹ ਮਾਲੀਆ ਤੋਂ ਲਗਭਗ 1.145 ਅਰਬ ਪੌਂਡ ਦੀ ਵਸੂਲੀ ਦਾ ਹੱਕਦਾਰ ਹੈ। ਇਸ ਹੁਕਮ ਦੇ ਤਹਿਤ ਅਦਾਲਤ ਨੇ ਮਾਲੀਆ ਨੂੰ ਕਿਹਾ ਕਿ ਉਹ ਬ੍ਰਿਟੇਨ ਵਿਚ ਵਿਸ਼ਵਵਿਆਪੀ ਕੁਰਕੀ ਆਦੇਸ਼ ਅਤੇ ਕਰਨਾਟਕ ਦੇ ਕਰਜ਼ ਵਸੂਲੀ ਟ੍ਰਿਬਿਊਨਲ (ਡੀਆਰਟੀ) ਦੇ ਫੈਸਲੇ ਦੇ ਪੰਜੀਕਰਣ ਵਿਚ ਲਾਗਤ ਦਾ ਭੁਗਤਾਨ ਕਰੇ।
ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਇੱਕ ਕਾਨੂੰਨੀ ਮਾਹਰ ਨੇ ਕਿਹਾ ਕਿ ਅਦਾਲਤ ਨੇ ਮਾਲੀਆ ਨੂੰ ਹੁਕਮ ਦਿੱਤਾ ਕਿ ਬੈਂਕ ਦੀ ਲਾਗਤ ਦਾ ਭੁਗਤਾਨੇ ਕੀਤਾ ਜਾਵੇ। ਆਦੇਸ਼ ਹੈ ਕਿ ਜੇਕਰ ਸਬੰਧਤ ਪੱਖ ਭੁਗਤੀ ਜਾਣ ਵਾਲੀ ਰਾਸ਼ੀ ਨੂੰ ਲੈ ਕੇ ਸਹਿਮਤ ਨਾ ਹੋਏ ਤਾਂ ਅਦਾਲਤ ਇਸਤੇ ਕਾਰਵਾਈ ਕਰੇਗੀ। ਅਦਾਲਤ ਵੱਲੋਂ ਕਾਰਵਾਈ ਦੀ ਲਾਗਤ ਇੱਕ ਵੱਖਰੀ ਪਰਿਕ੍ਰੀਆ ਹੈ ਜੋ ਕਿ ਵਿਸ਼ੇਸ਼ ਜੱਜ ਦੇ ਸਾਹਮਣੇ ਹੋਰ ਅਦਾਲਤੀ ਸੁਣਵਾਈ ਦੇ ਨਾਲ ਖ਼ਤਮ ਹੋਵੇਗੀ। ਪਰ ਇਸ ਵਿਚ ਮਾਲੀਆ ਨੂੰ ਕਾਨੂੰਨੀ ਲਾਗਤ ਜਵਾਬਦੇਹੀ ਵਿਚ 2,00,000 ਪੌਂਡ ਦਾ ਭੁਗਤਾਨ ਕਰਨਾ ਹੀ ਹੋਵੇਗਾ।
ਮਾਲੀਆ ਦੇ ਕਰਜ਼ ਵਸੂਲੀ ਲਈ ਭਾਰਤੀ ਸਟੇਟ ਬੈਂਕ, ਬੈਂਕ ਆਫ ਬੜੌਦਾ, ਕਾਰਪੋਰੇਸ਼ਨ ਬੈਂਕ, ਫੇਡਰਲ ਬੈਂਕ, ਆਈਡੀਬੀਆਈ ਬੈਂਕ, ਇੰਡਿਅਨ ਓਵਰਸੀਜ ਬੈਂਕ, ਜੰਮੂ ਕਸ਼ਮੀਰ ਬੈਂਕ, ਪੰਜਾਬ ਐਂਡ ਸਿੰਧ ਬੈਂਕ, ਪੰਜਾਬ ਨੈਸ਼ਨਲ ਬੈਂਕ, ਸਟੇਟ ਬੈਂਕ ਆਫ ਮੈਸੂਰ, ਯੂਕੋ ਬੈਂਕ, ਯੂਨਾਇਟੇਡ ਬੈਂਕ ਆਫ ਇੰਡਿਆ ਅਤੇ ਜੇਐਮ ਵਿੱਤੀ ਐਸੇਟ ਸ਼ਾਮਿਲ ਹਨ। ਦੱਸਣਯੋਗ ਹੈ ਕਿ ਭਾਰਤ ਤੋਂ ਭੱਜੇ ਮਾਲੀਆ ਉੱਤੇ ਭਾਰਤੀ ਬੈਂਕਾਂ ਨੂੰ ਲੱਗਭੱਗ 9000 ਕਰੋੜ ਰੁਪਏ ਦਾ ਕਰਜ਼ ਬਾਕੀ ਹੈ।