ਦੁਨਿਆਂਭਰ ਵਿਚ ਸਾਲ 2018 ਵਿਚ 80 ਪੱਤਰਕਾ ਮਾਰੇ ਗਏ। ਇਸ ਤੋਂ ਇਲਾਵਾ 60 ਬੰਧਕ ਬਣਾਏ ਗਏ ਜਦੋਂ ਕਿ 348 ਪੱਤਰਕਾਰਾਂ ਅਤੇ ਗ਼ੈਰਪੱਤਰਕਾਰਾਂ ਨੂੰ ਰਾਜਨੇਤਾਵਾਂ...
ਲੌਸ ਐਂਜਲਸ : (ਭਾਸ਼ਾ) ਦੁਨੀਆਂਭਰ ਵਿਚ ਸਾਲ 2018 ਵਿਚ 80 ਪੱਤਰਕਾ ਮਾਰੇ ਗਏ। ਇਸ ਤੋਂ ਇਲਾਵਾ 60 ਬੰਧਕ ਬਣਾਏ ਗਏ ਜਦੋਂ ਕਿ 348 ਪੱਤਰਕਾਰਾਂ ਅਤੇ ਗ਼ੈਰਪੱਤਰਕਾਰਾਂ ਨੂੰ ਰਾਜਨੇਤਾਵਾਂ ਦੇ ਨਾਵਾਜਬ ਆਦੇਸ਼ਾਂ ਅਤੇ ਧਾਰਮਿਕ ਚਿੰਨ੍ਹ ਅਤੇ ਕਾਰੋਬਾਰੀਆਂ ਦੇ ਬੇਰਹਿਮੀ ਹਿੰਸਾ ਦਾ ਸ਼ਿਕਾਰ ਹੋਣਾ ਪਿਆ ਹੈ।
Jamal Khashoggi
ਇਹਨਾਂ ਪੱਤਰਕਾਰਾਂ ਵਿਚ ਜਮਾਲ ਖਸ਼ੋਗੀ ਨੂੰ ਬੇਰਹਿਮੀ ਨਾਲ ਕਤਲ ਦੇ ਸ਼ਿਕਾਰ ਹੋਣ ਲਈ ਸੂਚੀ ਵਿਚ ਪਹਿਲੇ ਸਥਾਨ ਉਤੇ ਰੱਖਿਆ ਗਿਆ ਹੈ। ਖਸ਼ੋਗੀ ਨੂੰ ਦਿ ਟਾਈਮਜ਼ ਵੀਕਲੀ ਨੇ ਵੀ ਸਾਲ 2018 ਵਿਚ ਮਾਰੇ ਗਏ 65 ਪੱਤਰਕਾਰਾਂ ਦੀ ਸੂਚੀ ਵਿਚ ਪਹਿਲੇ ਸਥਾਨ 'ਤੇ ਰੱਖਿਆ ਹੈ।
Viktoria Marinova TV presenter was brutally murdered
ਹਿੰਸਾ ਦੇ ਸ਼ਿਕਾਰ ਪੰਜ ਭਾਰਤੀ ਪੱਤਰਕਾਰਾਂ ਵਿਚ ਸ਼੍ਰੀਨਗਰ ਦੇ ਪੱਤਰਕਾਰ ਸ਼ੁਜਾਤ ਬੁਖ਼ਾਰੀ, ਨਵੀਨ ਨਿਸ਼ਚਲ (ਦੈਨਿਕ ਭਾਸਕਰ), ਸੰਦੀਪ ਸ਼ਰਮਾ (ਨਿਊਜ਼ ਵਰਲਡ), ਚੰਦਨ ਤੀਵਾਰੀ (ਅੱਜ), ਅਚਿਉਤਾਨੰਦ ਸਾਹੂ (ਦੂਰਦਰਸ਼ਨ) ਨੂੰ ਵਿਸ਼ੇਸ਼ ਤੌਰ 'ਤੇ ਉਨ੍ਹਾਂ ਦੇ ਕੰਮ ਦੀ ਸ਼ਾਬਾਸ਼ੀ ਦਿੰਦੇ ਹੋਏ ਯਾਦ ਕੀਤਾ ਗਿਆ ਹੈ।
Shujaat Bukhari
ਰਿਪੋਰਟਰਸ ਵਿਦਾਉਟ ਬੌਰਡਰਜ਼ ਦੀ ਜਾਰੀ ਇਕ ਰਿਪੋਰਟ ਵਿਚ ਹਿੰਸਾ ਦੇ ਸ਼ਿਕਾਰ ਮ੍ਰਿਤਕ ਪੱਤਰਕਾਰਾਂ ਵਿਚ ਅਫ਼ਗਾਨਿਸਤਾਨ (15), ਸੀਰੀਆ (11) ਅਤੇ ਮੈਕਸਿਕੋ ਵਿਚ ਨੌਂ ਪੱਤਰਕਾਰਾਂ ਨੂੰ ਅਪਣੀ ਡਿਊਟੀ ਕਰਦੇ ਹੋਏ ਜਾਨੋਂ ਹੱਥ ਧੋਣਾ ਪਿਆ ਹੈ।
Data
ਪਿਛਲੇ ਜੂਨ ਵਿਚ ਅਮਰੀਕਾ ਦੇ ਮੈਰੀਲੈਂਡ ਵਿਚ ਕੈਪਿਟਲ ਗੈਜੇਟ ਵਿਚ ਇਕੱਠੇ ਪੰਜ ਪੱਤਰਕਾਰਾਂ ਨੂੰ ਗੋਲੀਆਂ ਨਾਲ ਭੁੰਨ ਦਿਤਾ ਗਿਆ ਸੀ। ਪੱਤਰਕਾਰਾਂ ਲਈ ਐਡਵੋਕੇਸੀ ਗਰੁਪ ਰਿਪੋਰਟਰਸ ਵਿਦਾਉਟ ਬੌਰਡਰਜ਼ ਨੇ ਅਪਣੀ ਵੈਬਸਾਈਟ ਵਿਚ ਦਾਅਵਾ ਕੀਤਾ ਹੈ ਕਿ ਸਾਲ 2018 ਵਿਚ ਸੱਭ ਤੋਂ ਜ਼ਿਆਦਾ ਪੱਤਰਕਾਰ ਹਿੰਸਾ ਦੇ ਸ਼ਿਕਾਰ ਹੋਏ ਹਨ, ਜੋ ਇਕ ਰੀਕਾਰਡ ਹੈ। ਰੀਪੋਰਟ ਵਿਚ ਕਿਹਾ ਗਿਆ ਹੈ ਕਿ ਚੀਨ ਅਜਿਹਾ ਪਹਿਲਾ ਦੇਸ਼ ਹੈ,
Data
ਜਿੱਥੇ ਸੱਭ ਤੋਂ ਵੱਧ 60 ਪੱਤਰਕਾਰਾਂ ਨੂੰ ਸਰਕਾਰੀ ਦਮਨ ਦੇ ਕਾਰਨ ਜੇਲ੍ਹ ਦੀ ਸਜ਼ਾ ਭੁਗਤਣ ਨੂੰ ਮਜ਼ਬੂਰ ਹੋਣਾ ਪਿਆ ਹੈ। ਇਹਨਾਂ ਵਿਚ 46 ਬਲੋਗਰ ਹਨ, ਜਦੋਂ ਕਿ ਤੁਰਕੀ ਅਜਿਹਾ ਦੂਜਾ ਦੇਸ਼ ਹੈ ਜਿੱਥੇ 33 ਪੱਤਰਕਾਰ ਬੰਦੀ ਹਨ। ਪੱਤਰਕਾਰਾਂ ਉਤੇ ਅਣਮਨੁੱਖੀ ਅਤੇ ਦਮਨਕਾਰੀ ਕਾਰਵਾਈ ਕਰਨ ਵਾਲੇ ਦੇਸ਼ਾਂ ਵਿਚ ਈਰਾਨ ਅਤੇ ਮਿਸਰ ਨੂੰ ਵੀ ਕਾਲੀ ਸੂਚੀ ਵਿਚ ਰੱਖਿਆ ਗਿਆ ਹੈ।
