ਇਸ ਪ੍ਰਦਰਸ਼ਨੀ ਵਿਚ ਇਹ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਕਿ ਕਪੜਿਆਂ ਦਾ ਕੁਕਰਮ ਪੀੜਤਾ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।
ਬ੍ਰਸੇਲ੍ਜ਼ : ਬੈਲਜੀਅਮ ਦੀ ਰਾਜਧਾਨੀ ਬ੍ਰਸੇਲ੍ਜ਼ ਵਿਚ ਵੱਖਰੀ ਤਰ੍ਹਾਂ ਦੀ ਪ੍ਰਦਰਸ਼ਨੀ ਲਗੀ ਹੈ। ਇਸ ਦਾ ਮਕਸਦ ਕੁਕਰਮ ਪੀੜਤਾਵਾਂ ਨੂੰ ਸ਼ਰਮਸਾਰ ਹੋਣ ਤੋਂ ਰੋਕਣਾ ਅਤੇ ਕੁਕਰਮ ਪ੍ਰਤੀ ਲੋਕਾਂ ਨੂੰ ਜਾਗਰੂਕ ਕਰਨਾ ਹੈ। ਇਸ ਪ੍ਰਦਰਸ਼ਨੀ ਵਿਚ ਕੁਕਰਮ ਦੀਆਂ ਸ਼ਿਕਾਰ ਔਰਤਾਂ ਦੀ ਕਹਾਣੀ ਨੂੰ ਦਰਸਾਇਆ ਗਿਆ ਹੈ। ਹਰ ਕੁਕਰਮ ਪੀੜਤ ਔਰਤ ਨੂੰ ਇਹੋ ਸਵਾਲ ਕੀਤਾ ਜਾਂਦਾ ਹੈ ਕਿ ਵਾਰਦਾਤ ਦੌਰਾਨ ਤੁਸੀਂ ਕੀ ਪਾਇਆ ਸੀ? ਇਸ ਪ੍ਰਦਰਸ਼ਨੀ ਵਿਚ ਇਹ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਕਿ ਕਪੜਿਆਂ ਦਾ ਕੁਕਰਮ ਪੀੜਤਾ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ।
Rape victims' clothing
ਇਰ ਕਦੇ ਵੀ, ਕਿਤੇ ਵੀ ਅਤੇ ਕਿਸੇ ਨਾਲ ਵੀ ਹੋ ਸਕਦਾ ਹੈ। ਇਸ ਦੇ ਲਈ ਕੁਕਰਮ ਕਰਨ ਵਾਲਿਆਂ ਦੀ ਮਾਨਸਿਕਤਾ ਜਿੰਮੇਵਾਰ ਹੁੰਦੀ ਹੈ ਅਤੇ ਉਸ ਨੂੰ ਹੀ ਇਸ ਲਈ ਦੋਸ਼ੀ ਮੰਨਣਾ ਚਾਹੀਦਾ ਹੈ। ਕੰਸਾਸ ਯੂਨੀਵਰਸਿਟੀ ਵਿਚ ਵਿਦਿਆਰਥੀਆਂ ਵੱਲੋਂ ਬਣਾਏ ਗਏ ਇਕ ਪ੍ਰੋਜੈਕਟ ਤੋਂ ਪ੍ਰੇਰਣਾ ਲੈ ਕੇ ਇਸ ਪ੍ਰਦਰਸ਼ਨੀ ਵਿਚ ਉਹਨਾਂ ਕਪੜਿਆਂ ਨੂੰ ਦਿਖਾਇਆ ਗਿਆ ਹੈ ਜੋ ਕਪੜੇ ਕੁਕਰਮ ਪੀੜਤਾਵਾਂ ਵੱਲੋਂ ਕੁਕਰਮ ਦੋਰਾਨ ਪਾਏ ਹੋਏ ਸਨ। ਰੋਕਥਾਮ ਸੇਵਾਵਾਂ ਵਿਚ ਵਰਕਰ ਡੇਲਫੀਨ ਗੌਸੇਨਸ ਨੇ ਕੰਸਾਸ ਦੀਆਂ ਵਿਦਿਆਰਥਣਾਂ ਦੀ ਅਸਲੀ ਕਹਾਣੀ ਨੂੰ ਸੁਣਿਆ।
'What Were You Wearing' exhibition
ਉਹਨਾਂ ਨੇ ਇਸ ਦਾ ਡਚ ਅਤੇ ਫਰੈਂਚ ਭਾਸ਼ਾਵਾਂ ਵਿਚ ਅਨੁਵਾਦ ਕੀਤਾ ਅਤੇ ਪ੍ਰਦਰਸ਼ਨੀ ਲਈ ਅਪਣੇ ਅਤੇ ਨਾਲ ਦੇ ਕਰਮਚਾਰੀਆਂ ਦੇ ਕਪੜਿਆਂ ਨੂੰ ਲੈ ਕੇ 'ਵਾਟ ਵਰ ਯੂ ਵਿਅਰਿੰਗ' ਨਾਮ ਦੀ ਪ੍ਰਦਰਸ਼ਨੀ ਵਿਚ ਦਿਖਾਏ ਗਏ ਕਪੜਿਆਂ ਦੀ ਨਕਲ ਪੇਸ਼ ਕੀਤੀ। ਪਿਛਲੇ ਸੰਤਬਰ ਵਿਚ ਇਸ ਪ੍ਰਦਰਸ਼ਨੀ ਬਾਰੇ ਪੜ੍ਹਣ ਤੋਂ ਬਾਅਦ ਕੰਸਾਸ ਵਿਚ ਲਗੀ ਪ੍ਰਦਰਸ਼ਨੀ ਨੂੰ ਮੁੜ ਤੋਂ ਤਿਆਰ ਕਰਨ ਲਈ ਗੌਸੇਨਸ ਨੇ ਪ੍ਰਦਰਸ਼ਨੀ ਦੇ ਮੂਲ ਰਚਨਾਕਾਰਾਂ ਤੋਂ ਇਜਾਜ਼ਤ ਲਈ। ਉਹਨਾਂ ਨੂੰ ਆਸ ਹੈ ਕਿ ਇਹ ਪ੍ਰਦਰਸ਼ਨੀ ਪੂਰੇ ਯੂਰਪ ਵਿਚ ਫੈਲ ਜਾਵੇਗੀ।
Rape is never the victim's fault
ਉਹਨਾਂ ਕਿਹਾ ਕਿ ਮੈਨੂੰ ਲਗਦਾ ਹੈ ਕਿ ਕੋਈ ਵੀ ਸਕੂਲ ਜਾਂ ਕਾਲਜ ਇਸ ਪ੍ਰਦਰਸ਼ਨੀ ਨੂੰ ਲਗਾ ਸਕਦਾ ਹੈ। ਮੈਨੂੰ ਆਸ ਹੈ ਕਿ ਇਹ ਪ੍ਰਦਰਸ਼ਨੀ ਲੋਕਾਂ ਦੀ ਮਾਨਸਿਕਤਾ ਨੂੰ ਬਦਲ ਸਕਦੀ ਹੈ, ਜੋ ਹਿੰਸਾ ਅਤੇ ਕੁਕਰਮ ਸਬੰਧੀ ਮਾਮਲਿਆਂ ਵਿਚ ਪੀੜਤਾ ਅਤੇ ਉਸ ਦੇ ਕਪੜਿਆਂ ਨੂੰ ਦੋਸ਼ੀ ਠਹਿਰਾਉਂਦੇ ਹਨ। ਇਹਨਾਂ ਕਪੜਿਆਂ ਵਿਚ ਇਕ ਪਜਾਮਾ, ਬਾਥਿੰਗ ਸੂਟ, ਬੱਚੇ ਦੇ ਸਕੂਲ ਦੀ ਵਰਦੀ ਅਤੇ ਪੁਲਿਸ ਦੀ ਵਰਦੀ ਵੀ ਸ਼ਾਮਲ ਹੈ।
