ਕਦੇ ਮਾਸਕ ਦੇ ਨਾਮ ‘ਤੇ ਅੰਡਰਵਿਅਰ ਦੇ ਟੁਕੜੇ ਸਿਲਵਾ ਕੇ ਪਾਕਿਸਤਾਨ...
ਨਵੀਂ ਦਿੱਲੀ: ਕਦੇ ਮਾਸਕ ਦੇ ਨਾਮ ‘ਤੇ ਅੰਡਰਵਿਅਰ ਦੇ ਟੁਕੜੇ ਸਿਲਵਾ ਕੇ ਪਾਕਿਸਤਾਨ ਭੇਜਣ ਵਾਲੇ ਚੀਨ ਨੇ ਕੋਰੋਨਾ ਵੈਕਸੀਨ ਦੇ ਮਾਮਲੇ ਵਿਚ ਵੀ ਅਪਣੇ ਦੋਸਤ ਦੀਆਂ ਉਮੀਦਾਂ ਉਤੇ ਪਾਣੀ ਫੇਰ ਦਿੱਤਾ ਹੈ। 22 ਕਰੋੜ ਦੀ ਆਬਾਦੀ ਵਾਲੇ ਪਾਕਿਸਤਾਨ ਨੂੰ ਚੀਨ ਨੇ ਸਿਰਫ਼ 5 ਕਰੋੜ ਟੀਕੇ ਦੇਕੇ ਟਰਕਾ ਦਿੱਤਾ ਹੈ, ਉਹ ਵੀ ਉਦੋਂ ਜਦੋਂ ਪਾਕਿਸਤਾਨ ਨੇ ਦੋਸਤ ਦੇ ਸਾਹਮਣੇ ਅਪਣੀ ਝੋਲੀ ਫੈਲਾ ਕੇ ਮੱਦਦ ਦੀ ਗੁਹਾਰ ਲਗਾਈ।
CORONA
ਚੀਨ ਨੇ ਪਾਕਿਸਤਾਨ ਦੀ ਬੇਜ਼ਤੀ ਵੀ ਕਰ ਦਿੱਤੀ ਹੈ ਅਤੇ ਕਿਹਾ ਕਿ ਅਪਣਾ ਜਹਾਜ਼ ਲੈ ਕੇ ਆਉਣਾ ਟੀਕੇ ਲੈ ਜਾਣਾ। ਖ਼ੁਦ ਨੂੰ ਮਹਾਸ਼ਕਤੀ ਦੱਸਣ ਵਾਲੇ ਚੀਨ ਦਾ ਦਿਲ ਕਿੰਨਾ ਛੋਟਾ ਹੈ ਇਸਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਕਿ ਭਾਰਤ ਨੇ ਗੁਆਢੀ ਦੇਸ਼ ਨੇਪਾਲ ਨੂੰ 10 ਲੱਖ ਟੀਕੇ ਭੇਜੇ ਹਨ, ਜਦਕਿ ਉਸਦੀ ਆਬਾਦੀ 3 ਕਰੋੜ ਤੋਂ ਵੀ ਘੱਟ ਹੈ।
corona vaccine
ਉਥੇ ਹੀ 16 ਕਰੋੜ ਦੀ ਆਬਾਦੀ ਵਾਲੇ ਬੰਗਲਾਦੇਸ਼ ਨੂੰ ਭਾਰਤ ਨੇ 20 ਲੱਖ ਡੋਜ਼ ਦਿੱਤੀ ਹੈ। ਇਹ ਚੀਨ ਵੱਲੋਂ ਨੇਪਾਲ ਨੂੰ ਦਿੱਤੇ ਗਏ ਟੀਕਿਆਂ ਦੇ ਮੁਕਾਬਲੇ ਚਾਰ ਗੁਣਾ ਵੱਧ ਹੈ। ਪਾਕਿਸਤਾਨ ਦੇ ਵਿਦੇਸ਼ ਮੰਤਰੀ ਸ਼ਾਹ ਮਹਿਮੂਦ ਕੁਰੈਸ਼ੀ ਨੇ ਇਸ ਗੱਲ ਦਾ ਐਲਾਨ ਕਰਦੇ ਹੋਏ ਕਿਹਾ ਹੈ ਕਿ ਚੀਨ ਨੇ ਪਾਕਿਸਤਾਨ ਨੂੰ 31 ਜਨਵਰੀ ਤੱਕ ਕੋਰੋਨਾ ਵੈਕਸੀਨ ਦੀ 5 ਲੱਖ ਡੋਜ਼ ਉਪਲਬਧ ਕਰਾਉਣ ਦਾ ਵਾਅਦਾ ਕੀਤਾ ਹੈ।
Imran Khan
ਚਾਈਨੀਜ਼ ਬੁਲਾਰੇ ਵਾਂਗ ਯੀ ਦੇ ਨਾਲ ਟੈਲੀਫੋਨ ਉਤੇ ਗੱਲਬਾਤ ਤੋਂ ਬਾਅਦ ਕੁਰੈਸ਼ੀ ਨੇ ਇਕ ਵੀਡੀਓ ਮੈਸੇਜ਼ ਦੇ ਜਰੀਏ ਮੁਲਕ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਬੀਜਿੰਗ ਨੇ ਇਸਲਾਮਾਬਾਦ ਨੂੰ ਕਿਹਾ ਕਿ ਅਪਣਾ ਜਹਾਜ਼ ਭੇਜਕੇ ਵੈਕਸੀਨ ਲੈ ਜਾਣਾ।
