ਚੀਨ ਹਾਲੇ ਪੂਰੀ ਤਾਂ ਕੋਰੋਨਾ ਵਾਇਰਸ ਦੀ ਜਕੜ ਤੋਂ ਨਿਕਲ ਵੀ ਨਹੀਂ ਪਾਇਆ ਕਿ ਉੱਥੇ ਇਕ ਨਵੇਂ ਵਾਇਰਸ ਦੇ ਪ੍ਰਕੋਪ ਦੀਆਂ ਖ਼ਬਰਾਂ ਆ ਰਹੀਆਂ ਹਨ।
ਨਵੀਂ ਦਿੱਲੀ: ਚੀਨ ਹਾਲੇ ਪੂਰੀ ਤਾਂ ਕੋਰੋਨਾ ਵਾਇਰਸ ਦੀ ਜਕੜ ਤੋਂ ਨਿਕਲ ਵੀ ਨਹੀਂ ਪਾਇਆ ਕਿ ਉੱਥੇ ਇਕ ਨਵੇਂ ਵਾਇਰਸ ਦੇ ਪ੍ਰਕੋਪ ਦੀਆਂ ਖ਼ਬਰਾਂ ਆ ਰਹੀਆਂ ਹਨ। ਚੀਨ ਦੀ ਸਰਕਾਰੀ ਮੀਡੀਆ ਸੰਸਥਾ ਅਨੁਸਾਰ ਚੀਨ ਦੇ ਯੂਨਾਨ ਸੂਬੇ ਵਿਚ ਨਵਾਂ ਵਾਇਰਸ ਫੈਲਿਆ ਹੈ। ਇਸ ਨਾਲ ਇਕ ਇਨਸਾਨ ਦੀ ਮੌਤ ਹੋ ਗਈ ਹੈ। ਇਸ ਦਾ ਨਾਂਅ ਹੈ ਹੰਤਾ ਵਾਇਰਸ।
Photo
ਯੂਐਸ ਸੈਂਟਰ ਫਾਰ ਡਿਸੀਸਿਜ਼ ਐਂਡ ਕੰਟਰੋਲ ਵੱਲੋਂ ਹੰਤਾ ਵਾਇਰਸ ਦੀਆਂ ਤਸਵੀਰਾਂ ਜਾਰੀ ਕੀਤੀਆਂ ਗਈਆਂ ਹਨ। ਮੀਡੀਆ ਅਨੁਸਾਰ ਹੰਤਾ ਵਾਇਰਸ ਨਾਲ ਪੀੜਤ ਵਿਅਕਤੀ ਬਸ ਤੋਂ ਸ਼ਾਡੋਂਗ ਪ੍ਰਾਂਤ ਪਰਤ ਰਿਹਾ ਸੀ। ਇਸੇ ਦੌਰਾਨ ਕੋਰੋਨਾ ਵਾਇਰਸ ਦੀ ਜਾਂਚ ਦੌਰਾਨ ਇਸ ਵਾਇਰਸ ਦਾ ਪਤਾ ਚੱਲਿਆ। ਇਸ ਬੱਸ ਵਿਚ ਕੁੱਲ 32 ਲੋਕ ਸਨ।
Photo
ਸਾਰੇ ਯਾਤਰੀਆਂ ਦੀ ਜਾਂਚ ਕੀਤੀ ਗਈ। ਜਦ ਤੋਂ ਚੀਨ ਨੇ ਇਹ ਜਾਣਕਾਰੀ ਸਾਂਝੀ ਕੀਤੀ ਹੈ, ਉਸ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਹੰਗਾਮਾ ਮਚਿਆ ਹੋਇਆ ਹੈ। ਯੂਐਸ ਸੈਂਟਰ ਫਾਰ ਡਿਸੀਸਿਜ਼ ਐਂਡ ਕੰਟਰੋਲ ਅਨੁਸਾਰ ਹੰਤਾ ਵਾਇਰਸ ਚੂਹਿਆਂ ਦੇ ਮਲ, ਮੂਤਰ ਅਤੇ ਥੁੱਕ ਵਿਚ ਹੁੰਦਾ ਹੈ। ਇਸ ਨਾਲ ਇਨਸਾਨ ਉਸ ਸਮੇਂ ਪ੍ਰਭਾਵਿਤ ਹੁੰਦਾ ਹੈ ਜਦੋਂ ਚੂਹੇ ਇਸ ਨੂੰ ਹਵਾ ਵਿਚ ਛੱਡ ਦਿੰਦੇ ਹਨ। ਹੰਤਾ ਵਾਇਰਸ ਸਾਹ ਦੇ ਜ਼ਰੀਏ ਸਰੀਰ ਵਿਚ ਜਾਂਦਾ ਹੈ।
Photo
ਇਸ ਦੇ ਸ਼ੁਰੂਆਤੀ ਲੱਛਣਾਂ ਵਿਚ ਇਨਸਾਨਾਂ ਨੂੰ ਠੰਢ ਲੱਗਣਾ ਅਤੇ ਬੁਖ਼ਾਰ ਆਉਂਦਾ ਹੈ। ਇਸ ਤੋਂ ਬਾਅਦ ਮਾਸਪੇਸ਼ੀਆਂ ਵਿਚ ਦਰਦ ਹੁੰਦਾ ਹੈ। ਇਕ ਦੋ ਦਿਨ ਬਾਅਦ ਸੁੱਕੀ ਖਾਂਸੀ ਆਉਂਦੀ ਹੈ। ਸਿਰ ਵਿਚ ਦਰਦ ਹੁੰਦਾ ਹੈ। ਉਲਟੀ ਆਉਂਦੀ ਹੈ ਅਤੇ ਸਾਹ ਲੈਣ ਵਿਚ ਤਕਲੀਫ਼ ਹੁੰਦੀ ਹੈ। ਇਹ ਜ਼ਿਆਦਾਤਰ ਚੀਨ ਦੇ ਪੇਂਡੂ ਇਲਾਕਿਆਂ ਵਿਚ ਹੁੰਦਾ ਹੈ।
Photo
ਇਸ ਦੇ ਕਾਰਨ ਕਈ ਵਾਰ ਪਹਾੜ ਅਤੇ ਕੈਂਪਿੰਗ ਕਰਨ ਵਾਲੇ ਸੈਲਾਨੀਆਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਹੈ ਹਾਲਾਂਕਿ, ਇਹ ਕੋਰੋਨਾ ਵਾਇਰਸ ਦੀ ਤਰ੍ਹਾਂ ਘਾਤਕ ਨਹੀਂ ਹੈ। ਹੁਣ ਚੀਨ ਵਿਚ ਵੱਡੀ ਗਿਣਤੀ ਵਿਚ ਲੋਕ ਟਵੀਟ ਕਰਕੇ ਇਹ ਡਰ ਜਤਾ ਰਹੇ ਹਨ ਕਿ ਇਹ ਕਿਤੇ ਕੋਰੋਨਾ ਵਾਇਰਸ ਦੀ ਤਰ੍ਹਾਂ ਮਹਾਮਾਰੀ ਨਾ ਬਣ ਜਾਵੇ।
Photo
ਲੋਕ ਕਹਿ ਰਹੇ ਹਨ ਕਿ ਜੇਕਰ ਚੀਨ ਦੇ ਲੋਕ ਜਾਨਵਰਾਂ ਨੂੰ ਜਿਉਂਦਾ ਖਾਣਾ ਬੰਦ ਨਹੀਂ ਕਰਨਗੇ ਤਾਂ ਇਹ ਹੁੰਦਾ ਰਹੇਗਾ। ਹੰਤਾ ਵਾਇਰਸ ਇਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿਚ ਨਹੀਂ ਜਾਂਦਾ ਹੈ। ਸੀਡੀਸੀ ਮੁਤਾਬਕ ਹੰਤਾ ਵਾਇਰਸ ਜਾਨਲੇਵਾ ਹੈ। ਚੀਨ ਵਿਚ ਹੰਤਾ ਵਾਇਰਸ ਦਾ ਮਾਮਲਾ ਅਜਿਹੇ ਸਮੇਂ ਸਾਹਮਣੇ ਆਇਆ ਹੈ ਜਦੋਂ ਪੂਰੀ ਦੁਨੀਆ ਵੂਹਾਨ ਤੋਂ ਨਿਕਲੇ ਕੋਰੋਨਾ ਵਾਇਰਸ ਦੀ ਮਹਾਮਾਰੀ ਨਾਲ ਜੂਝ ਰਹੀ ਹੈ।
