ਦੁਨੀਆ ਤੋਂ ਵੱਖਰੀ ਪਹਿਚਾਣ ਰੱਖਣ ਵਾਲੀ ਅਮਰੀਕੀ ਫ਼ੌਜ ਨੇ ਹੁਣ ਅਪਣੇ ਇੱਥੇ ਫ਼ੌਜ ਦੇ ਕੁਤਿਆਂ...
ਨਿਊਯਾਰਕ: ਦੁਨੀਆ ਤੋਂ ਵੱਖਰੀ ਪਹਿਚਾਣ ਰੱਖਣ ਵਾਲੀ ਅਮਰੀਕੀ ਫ਼ੌਜ ਨੇ ਹੁਣ ਅਪਣੇ ਇੱਥੇ ਫ਼ੌਜ ਦੇ ਕੁਤਿਆਂ ਦੀ ਸੁਰੱਖਿਆ ਦੇ ਲਈ ਵੀ ਇਕ ਕਦਮ ਚੁੱਕਿਆ ਹੈ। ਫ਼ੌਜੀ ਉਪਕਰਨਾਂ ਦੇ ਮਾਮਲਿਆਂ ਵਿਚ ਨੰਬਰ ਇਕ ਮੰਨੀ ਜਾਣ ਵਾਲੀ ਅਮਰੀਕੀ ਫ਼ੌਜ ਨੇ ਹੁਣ ਫ਼ੌਜੀ ਕੁੱਤਿਆਂ ਦੇ ਲਈ ਨਵੇਂ ਹੈਡ ਕਵਰ ਤਿਆਰ ਕੀਤਾ ਹੈ। ਜਿਸ ਵਿਚ ਉਨ੍ਹਾਂ ਦੇ ਸਿਰ ਕਿਸੇ ਅਭਿਆਨ ਦੌਰਾਨ ਜਖ਼ਮੀ ਨਹੀਂ ਹੋਵੇਗਾ। ਇਸ ਤੋਂ ਇਲਾਵਾ ਇਨ੍ਹਾਂ ਕੁੱਤਿਆਂ ਦੇ ਲਈ ਹੁਣ ਫ਼ੌਜ ਨੇ ਹੈਲੀਕਾਪਟਰਾਂ ਵਿਚ ਸੇਫ਼ਟੀ ਦੇ ਲਈ ਵੱਖ ਤੋਂ ਵਿਵਸਥਾ ਕੀਤੀ ਗਈ ਹੈ।
US Army Dogs
ਜਿਸ ਵਿਚ ਉਹ ਉੱਥੇ ਬੈਠਣ ਦੌਰਾਨ ਕਿਸੇ ਤਰ੍ਹਾਂ ਦੀ ਦੁਰਘਟਨਾ ਦਾ ਸ਼ਿਕਾਰ ਨਾ ਹੋ ਸਕਣ। ਦਰਅਸਲ ਕਈ ਵਾਰ ਫ਼ੌਜ ਦੇ ਹੈਲੀਕਾਪਟਰ ਵਿਚ ਬੈਠਣ ਦੌਰਾਨ ਇਨ੍ਹਾਂ ਕੁੱਤਿਆਂ ਦੇ ਲਈ ਕੋਈ ਵਿਵਸਥਾ ਨਹੀਂ ਹੁੰਦੀ ਹੈ। ਜਿਸ ਦੀ ਵਜ੍ਹਾ ਨਾਲ ਉਹ ਠੀਕ ਤਰ੍ਹਾਂ ਨਾਲ ਨਹੀਂ ਬੈਠ ਪਾਉਂਦੇ ਸਗੋਂ ਹੈਲੀਕਾਪਟਰ ਵਿਚ ਬੈਠੇ ਫ਼ੌਜ ਦੇ ਜਵਾਨ ਨੂੰ ਹੀ ਉਸਦੀ ਗਲੇ ਵਿਚ ਪਾਈ ਰੱਸੀ ਨੂੰ ਫੜ੍ਹ ਕੇ ਬੈਠਣਾ ਪੈਂਦਾ ਹੈ ਜਿਸ ਨਾਲ ਉਹ ਸੁਰੱਖਿਅਤ ਰਹਿਣ। ਕੈਨਾਇਨ ਆਡਿਟਰੀ ਪ੍ਰੋਟੈਕਸ਼ਨ ਸਿਸਟਮ ਹੈਡ ਕਵਰਿੰਗ ਨੂੰ ਫ਼ੌਜੀ ਕੁੱਤਿਆਂ ਨੂੰ ਹੋਣ ਵਾਲੇ ਨੁਕਸਾਨ ਤੋਂ ਬਚਾਉਣ ਲਈ ਡਿਜਾਇਨ ਕੀਤਾ ਗਿਆ ਹੈ।
US Army Dogs
ਜਦੋਂ ਇਨ੍ਹਾਂ ਕੁੱਤਿਆਂ ਨੂੰ ਫ਼ੌਜੀ ਅਭਿਆਨਾਂ ਉਤੇ ਲੈ ਜਾਇਆ ਜਾਂਦਾ ਹੈ ਤਾਂ ਇਨ੍ਹਾਂ ਦੇ ਜੀਵਨ ਦਾ ਖ਼ਤਰਾ ਵਧ ਜਾਂਦਾ ਹੈ। ਜੋ ਉਪਕਰਨ ਇਨ੍ਹਾਂ ਦੇ ਲਈ ਬਣਾਏ ਗਏ ਹਨ ਉਸ ਨਾਲ ਇਨ੍ਹਾਂ ਦੇ ਕੰਨਾਂ ਵਿਚ ਜਾਣ ਵਾਲੀ ਤੇਜ਼ ਆਵਾਜ਼ ਤੋਂ ਬਚਾਇਆ ਜਾ ਸਕੇਗਾ। ਇਹ ਕਵਰ ਇਸ ਤਰ੍ਹਾਂ ਬਣਾਏ ਗਏ ਹਨ ਜਿਹੜੇ ਕਿਸੇ ਵੀ ਤਰ੍ਹਾਂ ਦੇ ਜਾਨਵਰ ਦੇ ਸਿਰ ਦੇ ਆਕਾਰ ਅਤੇ ਉਸਨੂੰ ਸੰਗਠਿਤ ਕਰਨ ਦੇ ਲਈ ਖਿਚਾਅ ਕਰ ਸਕਦਾ ਹੈ। ਜਾਂ ਸੁੰਗੜ ਵੀ ਸਕਦਾ ਹੈ। ਫ਼ੌਜ ਅਧੀਕਾਰੀ ਨੇ ਕਿਹਾ ਕਿ ਇੱਥੇ ਤੱਕ ਕਿ ਇਕ ਛੋਟੀ ਹੈਲੀਕਾਪਟਰ ਉਡਾਨ ਇਕ ਕੁੱਤੇ ਦੀ ਸੁਣਵਾਈ ਨੂੰ ਪ੍ਰਭਾਵਿਤ ਕਰ ਸਕਦੀ ਹੈ।
ਇਹ ਨਵੀਂ ਤਕਨੀਕ ਮਿਸ਼ਨਾਂ ਦੇ ਦੌਰਾਨ ਕੈਨਾਇਨ ਦੀ ਰੱਖਿਆ ਕਰਦੀ ਹੈ ਅਤੇ ਕੁੱਤੇ ਦੇ ਕੰਮਕਾਰ ਜੀਵਨ ਦਾ ਵਿਸਤਾਰ ਕਰ ਸਕਦੀ ਹੈ। ਇਨ੍ਹਾਂ ਫ਼ੌਜੀ ਕੁੱਤਿਆਂ ਨੂੰ ਜੋ ਕੈਪਸ ਕਵਰ ਪਹਿਨਾਈ ਜਾ ਰਹੀ ਹੈ ਉਹ ਲਗਪਗ ਇਕ ਇੰਚ ਮੋਟੀ ਹੈ। ਇਸਨੂੰ ਫ਼ੌਜੀ ਕੁੱਤਿਆਂ ਦੇ ਲਈ ਤਿਆਰ ਕੀਤੇ ਗਏ ਹੈਲਮੇਟ, ਕਾਲੇ ਚਸ਼ਮੇ ਅਤੇ ਹੋਰ ਸੁਰੱਖਿਆ ਉਪਕਰਨ ਹੈਡਗੇਅਰ ਦੇ ਨਾਲ ਕੰਮ ਕਰਨ ਦੇ ਲਈ ਡਿਜਾਇਨ ਕੀਤਾ ਗਿਆ ਸੀ।
