ਇਸ ਸਾਲ ਦੇ ਅੰਤ ਤੱਕ ਦੁਨੀਆ ਦੀ ਪਹਿਲੀ ਨਾਨ ਸਟਾਪ ਉਡਾਣ ਸ਼ੁਰੂ
ਸਿੰਗਾਪੁਰ— ਸਿੰਗਾਪੁਰ ਏਅਰਲਾਈਨਜ਼ ਇਸ ਸਾਲ ਦੇ ਅੰਤ ਤੱਕ ਦੁਨੀਆ ਦੀ ਪਹਿਲੀ ਨਾਨ ਸਟਾਪ ਉਡਾਣ ਸ਼ੁਰੂ ਕਰਨ ਜਾ ਰਹੀ ਹੈ। ਇਸ ਉਡਾਣ ਵਿਚ ਜਹਾਜ਼ ਕਰੀਬ 20 ਘੰਟੇ ਤੱਕ ਲਗਾਤਾਰ ਹਵਾ ਵਿਚ ਰਹੇਗਾ। ਇਕ ਖਬਰ ਮੁਤਾਬਕ ਸਿੰਗਾਪੁਰ ਏਅਰਲਾਈਨਜ਼ ਦਾ ਨਵਾਂ ਜਹਾਜ਼ ਦਿ ਏਅਰਬੱਸ ਏ350-900ਯੂ.ਐਲ.ਆਰ ਲੰਬੀ ਯਾਤਰਾ ਲਈ ਹੈ, ਜੋ ਰਿਕਾਰਡ ਤੋੜ ਯਾਤਰਾ ਕਰੇਗਾ ਅਤੇ ਸਿੰਗਾਪੁਰ ਨੂੰ ਸਿੱਧਾ ਨਿਊਯਾਰਕ ਨਾਲ ਜੋੜੇਗਾ।
ਇਸ ਤੋਂ ਪਹਿਲਾਂ ਇਸ 9,500 ਮੀਲ ਲੰਬੇ ਸਫ਼ਰ ਲਈ 4 ਇੰਜਣ ਵਾਲਾ ਗੈਸ ਯੁਕਤ ਜਹਾਜ਼ ਏ340-500 ਇਸਤੇਮਾਲ ਕੀਤਾ ਜਾਂਦਾ ਸੀ, ਜਿਸ ਵਿਚ 100 ਬਿਜਨੈਸ ਸ਼੍ਰੇਣੀ ਦੀਆਂ ਸੀਟਾਂ ਹੁੰਦੀਆਂ ਸਨ। ਇਹ ਸੇਵਾ ਅਣਉਚਿਤ ਸਾਬਤ ਹੋਈ ਅਤੇ ਸਿੰਗਾਪੁਰ ਏਅਰਲਾਈਨਜ਼ ਨੇ ਉਡਾਣਾਂ ਨੂੰ 2013 ਵਿਚ ਰੱਦ ਕਰ ਦਿੱਤਾ। ਸਿੰਗਾਪੁਰ ਏਅਰਲਾਈਨਜ਼ ਹੁਣ ਨਵੇਂ ਲੰਬੇ ਚੌੜੇ ਏਅਰਬੱਸ ਏ350-900 ਦੀ ਡਿਲੀਵਰੀ ਲੈਣ ਲੱਗਾ ਹੈ। ਹਵਾਬਾਜ਼ੀ ਕੰਪਨੀ ਨੇ 76 ਜਹਾਜ਼ਾਂ ਦਾ ਆਰਡਰ ਦਿੱਤਾ ਸੀ, ਜਿਸ ਵਿਚੋਂ ਇਸ ਦੇ ਬੇੜੇ ਵਿਚ ਫਿਲਹਾਲ 21 ਜਹਾਜ਼ ਸ਼ਾਮਲ ਹੋਏ ਹਨ। ਇਨ੍ਹਾਂ ਵਿਚੋਂ 7 ਉਚੀ ਲੰਬੀ ਰੇਂਜ ਵਾਲੇ ਜਹਾਜ਼ ਦਾ ਆਰਡਰ ਵੀ ਦਿੱਤਾ ਗਿਆ ਹੈ।
Airbus A 350- 900 ULR
ਜਹਾਜ਼ ਦਾ 23 ਅਪ੍ਰੈਲ ਨੂੰ ਕਰੀਬ 5 ਘੰਟੇ ਤੱਕ ਪਹਿਲਾ ਪ੍ਰੀਖਣ ਕੀਤਾ ਗਿਆ। ਇਸ ਨੂੰ ਫਰਾਂਸ ਦੇ ਤੁਲੂਜ ਸਥਿਤ ਏਅਰਕ੍ਰਾਫਟ ਅਸੈਂਬਲੀ ਪਲਾਂਟ ਤੋਂ ਰਵਾਨਾ ਕੀਤਾ ਗਿਆ ਸੀ। ਉਚ ਲੰਬੀ ਰੇਂਜ ਵਾਲਾ ਜਹਾਜ਼ 11,160 ਮੀਲ ਦੀ ਅਸਾਧਾਰਨ ਉਡਾਣ ਭਰਨ ਵਿਚ ਸਮਰਥ ਹੈ, ਜੋ ਪਿਛਲੇ ਸਟੈਂਡਰਡ ਏ350 ਤੋਂ ਕਰੀਬ 1800 ਮੀਲ ਜ਼ਿਆਦਾ ਹੈ। ਇਸ ਦਾ ਭਾਵ ਹੈ ਕਿ ਸਿੰਗਾਪੁਰ ਏਅਰਲਾਈਨਜ਼ ਹੁਣ ਦੁਨੀਆ ਦੇ ਸਭ ਤੋਂ ਲੰਬੇ ਨਾਨ ਸਟਾਪ ਹਵਾਈ ਮਾਰਗ 'ਤੇ ਉਡਾਣ ਭਰਨ ਦਾ ਤਾਜ਼ ਆਪਣੇ ਨਾਂ ਕਰ ਸਕਦਾ ਹੈ।
