ਅਮਰੀਕਾ ਵਿਚ ਗ਼ੈਰਕਾਨੂੰਨੀ ਤਰੀਕੇ ਨਾਲ ਵੜਣ ਦੇ ਇਲਜ਼ਾਮ ਵਿਚ ਗ੍ਰਿਫ਼ਤਾਰ ਕੀਤੇ ਗਏ ਭਾਰਤੀਆਂ ਦੀ ਗਿਣਤੀ ਵਿਚ ਇਸ ਸਾਲ ਤਿੰਨ ਗੁਣਾ ਵਾਧਾ ਹੋਇਆ ਹੈ। ਸ਼ੁਕਰਵਾਰ ਨੂੰ...
ਵਾਸ਼ਿੰਗਟਨ : ਅਮਰੀਕਾ ਵਿਚ ਗ਼ੈਰਕਾਨੂੰਨੀ ਤਰੀਕੇ ਨਾਲ ਵੜਣ ਦੇ ਇਲਜ਼ਾਮ ਵਿਚ ਗ੍ਰਿਫ਼ਤਾਰ ਕੀਤੇ ਗਏ ਭਾਰਤੀਆਂ ਦੀ ਗਿਣਤੀ ਵਿਚ ਇਸ ਸਾਲ ਤਿੰਨ ਗੁਣਾ ਵਾਧਾ ਹੋਇਆ ਹੈ। ਸ਼ੁਕਰਵਾਰ ਨੂੰ ਅਮਰੀਕੀ ਕਸਟਮ ਡਿਊਟੀ ਅਤੇ ਸੁਰੱਖਿਆ (ਸੀਬੀਪੀ) ਏਜੰਸੀ ਨੇ ਕਿਹਾ ਕਿ ਇਹ ਗਿਣਤੀ ਅਮਰੀਕਾ ਵਿਚ ਗ਼ੈਰਕਾਨੂੰਨੀ ਸ਼ਰਨਾਰਥੀਆਂ ਦੇ ਸੱਭ ਤੋਂ ਵੱਡੇ ਸਮੂਹਾਂ ਵਿਚੋਂ ਇਕ ਹੈ। ਖਬਰਾਂ ਦੇ ਮੁਤਾਬਕ ਸੀਬੀਪੀ ਦੇ ਬੁਲਾਰੇ ਸੈਲਵਡਾਰ ਜਮੋਰਾ ਨੇ ਦੱਸਿਆ ਕਿ 25,000 ਤੋਂ 50,000 ਡਾਲਰ ਪ੍ਰਤੀ ਵਿਅਕਤੀ ਦੇ ਹਿਸਾਬ ਨਾਲ ਭਾਰਤੀਆਂ ਨੂੰ ਚੋਰੀ - ਛਿਪੇ ਅਮਰੀਕਾ - ਮੈਕਸਿਕੋ ਸਰਹੱਦ ਪਾਰ ਕਰਾਈ ਜਾ ਰਹੀ ਹੈ।
Indians in America
ਸੀਬੀਪੀ ਨੇ ਕਿਹਾ ਕਿ ਇਹ ਲੋਕ ਪਰੇਸ਼ਾਨੀ ਦਾ ਬਹਾਨਾ ਕਰ ਕੇ ਅਮਰੀਕਾ ਵਿਚ ਐਂਟਰ ਹੋ ਰਹੇ ਰਹੇ ਹਨ। ਇਸ ਮਾਮਲੇ ਵਿਚ ਭਾਰਤੀਆਂ ਵਲੋਂ ਅੱਗੇ ਸਿਰਫ਼ ਮੈਕਸਿਕੋ, ਗਵਾਤੇਮਾਲਾ, ਹੋਂਡੁਰਾਸ ਅਤੇ ਈਆਈ ਸੈਲਵਡਾਰ ਦੇ ਨਾਗਰਿਕ ਹਨ। ਖਬਰ ਦੇ ਮੁਤਾਬਕ ਜਮੋਰਾ ਨੇ ਕਿਹਾ ਕਿ ਗ਼ੈਰਕਾਨੂੰਨੀ ਭਾਰਤੀ ਸ਼ਰਨਾਰਥੀ ਪਰੇਸ਼ਾਨੀ ਦਾ ਦਾਅਵਾ ਕਰਦੇ ਹਨ ਪਰ, ਉਨ੍ਹਾਂ ਵਿਚੋਂ ਕਈ ਆਰਥਕ ਸ਼ਰਨਾਰਥੀ ਹੁੰਦੇ ਹਨ ਜੋ ਅਮਰੀਕਾ ਆਉਣ ਤੋਂ ਬਾਅਦ ਬੇਈਮਾਨੀ ਨਾਲ ਪਟੀਸ਼ਨਾ ਦਰਜ ਕਰ ਸਿਸਟਮ ਲਈ ਖਤਰਾ ਪੈਦਾ ਕਰਦੇ ਹਨ।
Indians in America
ਉਨ੍ਹਾਂ ਨੇ ਕਿਹਾ ਕਿ ਇਸ ਨਾਲ ਅਸਲ ਕਾਨੂੰਨੀ ਸਿਸਟਮ ਪ੍ਰਭਾਵਿਤ ਹੁੰਦੇ ਹਨ। ਜਮੋਰਾ ਨੇ ਇਕ ਇੰਟਰਵੀਊ ਵਿਚ ਕਿਹਾ ਕਿ ਸੀਬੀਪੀ ਇਸ ਵਿੱਤੀ ਸਾਲ ਦੇ ਤਹਿਤ 30 ਸਤੰਬਰ ਤੱਕ ਗ਼ੈਰਕਾਨੂੰਨੀ ਤੌਰ ਨਾਲ ਅਮਰੀਕਾ ਆਉਣ ਵਾਲੇ 9000 ਭਾਰਤੀਆਂ ਦਾ ਡੇਟਾ ਜਾਰੀ ਕਰ ਦੇਵੇਗਾ। ਉਨ੍ਹਾਂ ਨੇ ਦੱਸਿਆ ਕਿ ਪਿਛਲੇ ਵਿੱਤੀ ਸਾਲ ਵਿਚ ਇਹ ਗਿਣਤੀ 3162 ਸੀ। ਉੱਧਰ, ਇਸ ਮਾਮਲੇ ਵਿਚ ਵਾਸ਼ਿੰਗਟਨ ਸਥਿਤ ਭਾਰਤੀ ਦੂਤਾਵਾਸ ਅਤੇ ਸੈਨ ਫਰਾਂਸਿਸਕੋ ਸਥਿਤ ਵਾਣਿਜ ਦੂਤਾਵਾਸ ਨੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿਤੀ ਹੈ।
