Advertisement

ਤੇਰਾ ਗਰਾਂ

ਸਪੋਕਸਮੈਨ ਸਮਾਚਾਰ ਸੇਵਾ
Published Oct 13, 2019, 12:06 pm IST
Updated Oct 13, 2019, 12:06 pm IST
ਸੱਭ ਥਾਵਾਂ ਤੋਂ ਸੋਹਣਾ ਤੇਰਾ ਗਰਾਂ ਵੇ ਸੱਜਣਾ।
ਤੇਰਾ ਗਰਾਂ
 ਤੇਰਾ ਗਰਾਂ

ਸੱਭ ਥਾਵਾਂ ਤੋਂ ਸੋਹਣਾ ਤੇਰਾ ਗਰਾਂ ਵੇ ਸੱਜਣਾ।

ਜਦ ਇੱਥੋਂ ਮੈਂ ਲੰਘਾਂ ਸਿਜਦਾ ਕਰਾਂ ਵੇ ਸੱਜਣਾ।

Advertisement

ਜਿੰਨੇ ਵੀ ਰੁੱਖ ਲੱਗੇ ਹੋਏ ਨੇ ਇਸਦੀ ਜੂਹ 'ਚ,

ਦਿੰਦੇ ਨੇ ਸੱਭ ਰੁੱਖਾਂ ਤੋਂ ਠੰਢੀ ਛਾਂ ਵੇ ਸੱਜਣਾ।

ਵਖਰੀ ਤੇ ਨਿਵੇਕਲੀ ਦਿੱਖ ਬਣੀ ਏ ਇਸ ਦੀ,

ਹੁੰਦਾ ਏ ਕੋਈ ਅਜੂਬਾ ਜਿਸ ਤਰ੍ਹਾਂ ਵੇ ਸੱਜਣਾ।

ਪੈਦਾ ਹੋਣ ਲੱਗਣ ਉਦੋਂ ਖ਼ੁਸ਼ੀ ਦੀਆਂ ਤਰੰਗਾਂ,

ਪੈਰ ਤੇਰੀ ਦਹਿਲੀਜ਼ ਤੇ ਜਦ ਧਰਾਂ ਵੇ ਸੱਜਣਾ।

ਜੀਅ ਕਰਦਾ ਪਰ ਚੱਲਦਾ ਨਹੀਂ ਕੋਈ ਵੱਸ ਮੇਰਾ,

ਇੱਥੇ ਮੈਂ ਜੀਵਾਂ ਤੇ ਇੱਥੇ ਹੀ ਮਰਾਂ ਵੇ ਸੱਜਣਾ।

ਪਿਆਰ ਤੇ ਮੁਹੱਬਤ ਦੇ ਵਹਿੰਦੇ ਨੇ ਇੱਥੇ ਚਸ਼ਮੇ,

ਵਾਂਗ 'ਨਾਗਰਾ' ਮੈਂ ਇਨ੍ਹਾਂ ਵਿਚ ਤਰਾਂ ਵੇ ਸੱਜਣਾ।

-ਜਸਪਾਲ ਸਿੰਘ ਨਾਗਰਾ 'ਮਹਿੰਦਪੁਰੀਆ',

ਸੰਪਰਕ : 001-360-448-1989

Advertisement

 

Advertisement
Advertisement