ਸਿੱਖ ਆਗੂ ਜਗਮੀਤ ਸਿੰਘ ਦੀ ਵੀਡੀਓ ਵਾਇਰਲ
ਕੈਨੇਡਾ- ਕੈਨੇਡਾ ਦੇ ਨਿਊ ਡੈਮੋਕਰੈਟਿਕ ਪਾਰਟੀ ਦੇ ਸਿੱਖ ਆਗੂ ਜਗਮੀਤ ਸਿੰਘ ਦੀ ਇਕ ਅਜਿਹੀ ਵੀਡੀਓ ਵਾਇਰਲ ਹੋ ਰਹੀ ਹੈ। ਜਿਸ ‘ਚ ਜਗਮੀਤ ਸਿੰਘ ਨੇ ਕੈਨੇਡੀਅਨ ਵਿਅਕਤੀ ਨੂੰ ਆਪਣੀ ਦਸਤਾਰ ਨੂੰ ਲੈ ਕੇ ਠੋਕਵਾਂ ਜਵਾਬ ਦਿੱਤਾ ਹੈ। ਜਿਸ ਨੂੰ ਸੁਣ ਕੇ ਵਿਅਕਤੀ ਵੀ ਸੁੰਨ ਹੋ ਗਿਆ। ਘਟਨਾ ਕੈਨੇਡਾ ਦੇ ਕਿਊਬਿਕ ਦੇ ਮਾਂਟਰੀਅਲ ਦੀ ਹੈ, ਜਿਥੇ ਚੋਣ ਪ੍ਰਚਾਰ ਲਈ ਗਏ ਜਗਮੀਤ ਸਿੰਘ ਨੂੰ ਇਕ ਕੈਨੇਡੀਅਨ ਵਿਅਕਤੀ ਵੱਲੋਂ ਪੱਗ ਉਤਾਰਨ ਲਈ ਕਿਹਾ ਗਿਆ। ਜਿਸ ਤੋਂ ਬਾਅਦ ਸਿੱਖ ਆਗੂ ਜਗਮੀਤ ਸਿੰਘ ਨੇ ਉਸ ਵਿਅਕਤੀ ਨੂੰ ਮੂੰਹ ਤੋੜ ਜਵਾਬ ਦਿੱਤਾ।
Beaucoup de Canadien·nes se font dire qu'on doit changer qui nous sommes pour réussir. Mon message pour vous : ne changez pas qui vous êtes. Tout le monde mérite sa place. https://t.co/T8wDnfsNMi
— Jagmeet Singh (@theJagmeetSingh) October 2, 2019
ਵੀਡੀਓ ਵਿਚ ਤੁਸੀਂ ਦੇਖ ਸਕਦੇ ਹੋ ਕਿ ਜਗਮੀਤ ਸਿੰਘ ਨਾਲ ਪਹਿਲਾਂ ਇਕ ਵਿਅਕਤੀ ਹੱਥ ਮਿਲਾਉਂਦਾ ਹੈ ਜਿਵੇਂ ਹੀ ਇਹ ਵਿਅਕਤੀ ਹੱਥ ਮਿਲਾਉਂਦਾ ਹੈ ਤਾਂ ਵਿਅਕਤੀ ਕੁਝ ਸਕਿੰਟਾਂ ਬਾਅਦ ਜਗਮੀਤ ਸਿੰਘ ਦੇ ਕੰਨ ਵਿਚ ਕਹਿੰਦਾ ਹੈ ਕਿ "ਤੁਹਾਨੂੰ ਆਪਣੀ ਪੱਗ ਉਤਾਰ ਦੇਣੀ ਚਾਹੀਦੀ ਹੈ। ਤੁਸੀਂ ਕੈਨੇਡੀਅਨ ਲੱਗੋਗੇ।" ਜਿਵੇਂ ਹੀ ਵਿਅਕਤੀ ਵੱਲੋਂ ਜਗਮੀਤ ਸਿੰਘ ਨੂੰ ਇਹ ਸ਼ਬਦ ਕਹੇ ਗਏ ਤਾਂ ਉਸ ਨੂੰ ਠੋਕਵਾਂ ਜਵਾਬ ਦਿੰਦੇ ਹੋਏ ਜਗਮੀਤ ਸਿੰਘ ਨੇ ਕਿਹਾ ਕਿ "ਕੈਨੇਡੀਅਨ ਹਰ ਤਰ੍ਹਾਂ ਦੇ ਲਗਦੇ ਹਨ, ਇਹ ਹੀ ਕੈਨੇਡਾ ਦੀ ਖਾਸੀਅਤ ਹੈ। ਦੱਸ ਦਈਏ ਕਿ ਜਗਮੀਤ ਸਿੰਘ ਵੱਲੋਂ ਦਿੱਤੇ ਗਏ ਇਸ ਜਵਾਬ ਦੀ ਹੁਣ ਹਰ ਕੋਈ ਸ਼ਲਾਘਾ ਕਰ ਰਿਹਾ ਹੈ।
