ਕਾਨਪੁਰ ਵਿਚ ਅੰਨ੍ਹਾ ਤਸ਼ੱਦਦ ਵੀ ਸਿੱਖ ਨੇ ਝੱਲਿਆ ਤੇ ਉਲਟਾ ਐਫ਼ ਆਈ ਆਰ ਵੀ ਕਰ ਦਿਤੀ ਗਈ?
Published : Oct 4, 2023, 6:59 am IST
Updated : Oct 4, 2023, 6:59 am IST
SHARE ARTICLE
Image: For representation purpose only.
Image: For representation purpose only.

ਦਿੱਲੀ ਕਮੇਟੀ ਤੇ ਸ਼੍ਰੋਮਣੀ ਕਮੇਟੀ ਵਲੋਂ ਪੀੜਤ ਸਿੱਖ ਦੇ ਹੱਕ ਵਿਚ ਨਾ ਖੜਨਾ, ਸ਼ਰਮ ਦੀ ਗੱਲ : ਬਿੰਦਰਾ

 

ਨਵੀਂ ਦਿੱਲੀ: ਕਾਨਪੁਰ ਵਿਖੇ ਸਿੱਖ ਨੌਜਵਾਨ ਅਮੋਲਦੀਪ ਸਿੰਘ ’ਤੇ ਭਾਜਪਾ ਕੌਂਸਲਰ ਦੇ ਬੰਦਿਆਂ ਨੇ ਹਮਲਾ ਕਰ ਕੇ, ਉਸ ਦੀ ਇਕ ਅੱਖ ਬਾਹਰ ਕੱਢ ਦਿਤੀ। ਇਸ ਦਰਿੰਦਗੀ ਬਾਰੇ ਯੂਪੀ ਪੁਲਿਸ ਨੇ ਬਹੁਤ ਹੀ ਹਲਕੀਆਂ ਧਾਰਾਵਾਂ ਵਿਚ ਐਫ਼ ਆਈ ਆਰ ਦਰਜ ਕੀਤੀ, ਪਰ ਹੁਣ ਉਸ ਨੌਜਵਾਨ ਨੂੰ ਡਰਾਉਣ ਤੇ ਧਮਕਾਉਣ ਲਈ ਉਲਟਾ ਉਸ ’ਤੇ ਕੌਂਸਲਰ ਨਾਲ ਛੇੜਛਾੜ ਆਦਿ ਕਰਨ ਦੀ ਐਫ਼ਆਈਆਰ ਦਰਜ ਕਰ ਦੇਣਾ ਮੰਦਭਾਗਾ ਹੈ।

ਇਥੇ ਇਹ ਪ੍ਰਗਟਾਵਾ ਕਰਦੇ ਹੋਏ ਦਿੱਲੀ ਘੱਟ-ਗਿਣਤੀ ਕਮਿਸ਼ਨ ਦੇ ਸਾਬਕਾ ਮੈਂਬਰ ਸ.ਅਜੀਤਪਾਲ ਸਿੰਘ ਬਿੰਦਰਾ ਨੇ ਕਿਹਾ,“ਇਹ ਅਫ਼ਸੋਸ ਦੀ ਗੱਲ ਹੈ ਕਿ ਇਸ ਮਾਮਲੇ ਵਿਚ ਸ਼੍ਰੋਮਣੀ ਕਮੇਟੀ ਤੇ ਦਿੱਲੀ ਕਮੇਟੀ ਨੇ ਪੀੜਤ ਸਿੱਖ ਨਾਲ ਖੜੇ ਹੋਣ ਦੀ ਕੋਈ ਜ਼ਿੰਮੇਵਾਰੀ ਨਹੀਂ ਸਮਝੀ। ਕੀ ਦਿੱਲੀ ਕਮੇਟੀ ਭਾਜਪਾ ਦੀ ਨਾਰਾਜ਼ਗੀ ਤੋਂ ਡਰ ਕੇ ਚੁੱਪ ਹੈ?  ਸ਼੍ਰੋਮਣੀ ਕਮੇਟੀ ਦੀ ਜ਼ਮੀਰ ਕਿਉਂ ਨਹੀਂ ਜਾਗ ਰਹੀ, ਉਹ ਤਾਂ ਸਿੱਖਾਂ ਦੇ ਰਾਖੇ ਬਣੇ ਫਿਰਦੇ ਹਨ?

ਸਿੱਖਾਂ ਦੇ ਹੱਕ ਵਿਚ ਵੱਡੇ ਵੱਡੇ ਦਾਅਵੇ ਕਰਨ ਵਾਲੇ ਭਾਜਪਾ ਦੇ ਕੌਮੀ ਸਕੱਤਰ ਮਨਜਿੰਦਰ ਸਿੰਘ ਸਿਰਸਾ ਕਿਉਂ ਚੁਪ ਹਨ, ਉਹ ਕਿਉਂ ਨਹੀਂ ਅਪਣੀ ਲੀਡਰਸ਼ਿਪ ਨਾਲ ਗੱਲ ਕਰ ਕੇ ਪੀੜਤ ਸਿੱਖ ਨੂੰ ਇਨਸਾਫ਼ ਦਿਵਾਉਂਦੇ? ਵੱਖ-ਵੱਖ ਸਿਆਸੀ ਪਾਰਟੀਆਂ ਦੇ ਸਿੱਖ ਅਹੁਦੇਦਾਰਾਂ ਨੇ ਵੀ ਇਸ ਮਾਮਲੇ ਤੋਂ ਕਿਨਾਰਾ ਕੀਤਾ ਹੋਇਆ ਹੈ। ਪੀੜਤ ਸਿੱਖ ਇਨਸਾਫ਼ ਲਈ ਜਾਏ ਤਾਂ ਜਾਏ ਕਿਥੇ? ਕੀ ਇਕ

 

ਸਿੱਖ ਦੇ ਮਸਲੇ ਨੂੂੰ ਹੁਣ ਪਾਰਟੀਆਂ ਦੇ ਚਸ਼ਮੇ ਵਿਚੋਂ ਵੇਖ ਕੇ, ਉਸ ਦੀ ਮਦਦ ਕੀਤੀ ਜਾਵੇਗੀ ਜਾਂ ਦੁਤਕਾਰ ਦਿਤਾ ਜਾਵੇਗਾ?” ਸ.ਬਿੰਦਰਾ ਨੇ ਕਿਹਾ, ਤਿਲਕ ਨਗਰ ਤੋਂ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਤੇ ਪੰਜਾਬ ਦੇ ਸਹਿ ਇੰਚਾਰਜ ਸ.ਜਰਨੈਲ ਸਿੰਘ ਦੀ ਅਗਵਾਈ ਹੇਠ ਕੌਮੀ ਘੱਟ-ਗਿਣਤੀ ਕਮਿਸ਼ਨ ਨੂੰ ਮੰਗ ਪੱਤਰ ਦਿਤਾ ਗਿਆ ਸੀ, ਬਾਵਜੂਦ ਇਸ ਦੇ ਪੀੜਤ ਸਿੱਖ ਦੀ ਕੋਈ ਸੁਣਵਾਈ ਨਾ ਹੋਣਾ, ਹੈਰਾਨ ਕਰਦਾ ਹੈ।
 

 

 

Tags: kanpur, sikh

Location: India, Delhi, New Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਪੈਕਟਾਂ ਵਾਲੇ ਖਾਣੇ ਨੂੰ ਕਿਉਂ ਤਰਜ਼ੀਹ?... ਬਿਮਾਰੀਆਂ ਨੂੰ ਖੁਦ ਸੱਦਾ ਦੇਣਾ ਕਿੰਨਾ ਸਹੀ?...

18 Jul 2025 9:08 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 18/07/2025

18 Jul 2025 9:06 PM

ਭੀਖ ਮੰਗਣ ਵਾਲੇ ਨਿਆਣਿਆਂ ਤੇ ਉਨ੍ਹਾਂ ਦੇ ਮਾਪਿਆਂ ਦਾ ਰੈਸਕਿਊ, ਪੂਰੇ ਪੰਜਾਬ 'ਚ ਭਿਖਾਰੀਆਂ ਦੇ ਕੀਤੇ ਜਾਣਗੇ DNA ਟੈਸਟ

17 Jul 2025 7:49 PM

ਕਿਸਾਨ ਲੈਣਗੇ ਸਿਆਸਤਦਾਨਾਂ ਦੀ ਕਲਾਸ, ਸੱਦ ਲਈ ਸਭ ਤੋਂ ਵੱਡੀ ਬੈਠਕ, ਜ਼ਮੀਨ ਦੀ ਸਰਕਾਰੀ ਖ਼ਰੀਦ ਖ਼ਿਲਾਫ਼ ਲਾਮੰਬਦੀ

17 Jul 2025 7:47 PM

'Punjab 'ਚ ਚਿੱਟਾ ਲਿਆਉਣ ਵਾਲੇ ਹੀ ਅਕਾਲੀ ਨੇ' ਅਕਾਲ ਤਖ਼ਤ ਸਾਹਿਬ 'ਤੇ Sukhbir ਨੇ ਕਿਉਂ ਕਬੂਲੀ ਸੀ ਬੇਅਦਬੀ ਦੀ ਗੱਲ ?

17 Jul 2025 5:24 PM
Advertisement