'ਉੱਚਾ ਦਰ ਬਾਬੇ ਨਾਨਕ ਦਾ' ਦੇ ਲਾਈਫ਼ ਮੈਂਬਰ ਸ. ਮਨਜਿੰਦਰ ਸਿੰਘ ਕਾਕਾ ਉੜਾਂਗ ਦੀ ਅਗਵਾਈ ਵਿਚ ਪਿੰਡ ਉੜਾਂਗ ਦੇ ਫੱਤਾ ਪੱਤੀ ਦੇ ਵਾਸੀਆਂ ਵਲੋਂ ਸਿਹਤਮੰਦ ਫ਼ੈਸਲਾ ਕਰਦਿਆਂ
ਸ੍ਰੀ ਮੁਕਤਸਰ ਸਾਹਿਬ-ਪੰਨੀਵਾਲਾ : 'ਉੱਚਾ ਦਰ ਬਾਬੇ ਨਾਨਕ ਦਾ' ਦੇ ਲਾਈਫ਼ ਮੈਂਬਰ ਸ. ਮਨਜਿੰਦਰ ਸਿੰਘ ਕਾਕਾ ਉੜਾਂਗ ਦੀ ਅਗਵਾਈ ਵਿਚ ਪਿੰਡ ਉੜਾਂਗ ਦੇ ਫੱਤਾ ਪੱਤੀ ਦੇ ਵਾਸੀਆਂ ਵਲੋਂ ਸਿਹਤਮੰਦ ਫ਼ੈਸਲਾ ਕਰਦਿਆਂ ਕਿਸੇ ਵੀ ਮ੍ਰਿਤਕ ਪ੍ਰਾਣੀ ਦੇ ਫੁੱਲ (ਅਸਥੀਆਂ) ਜਲ ਪ੍ਰਵਾਹ ਨਹੀਂ ਕਰਨਗੇ ਬਲਕਿ ਡੂੰਘਾ ਟੋਆ ਪੁੱਟ ਕੇ ਅਸਥੀਆਂ ਦਬਾ ਦਿਤੀਆਂ ਜਾਇਆ ਕਰਨਗੀਆਂ, ਤਾਂ ਕਿ ਪਾਣੀ ਨੂੰ ਪ੍ਰਦੂਸ਼ਣ ਤੋਂ ਬਚਾਇਆ ਜਾ ਸਕੇ। ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਮਨਜਿੰਦਰ ਸਿੰਘ ਕਾਕਾ ਉੜਾਂਗ ਨੇ ਦੱਸਿਆ ਕਿ ਪਿੰਡ ਦੀ ਫੱਤਾ ਪੱਤੀ ਦੇ ਮੈਂਬਰ ਹਰਮੀਕ ਸਿੰਘ ਦੀ ਪੀਲੀਏ ਦੀ ਸੰਖੇਪ ਬੀਮਾਰੀ ਉਪਰੰਤ ਮੌਤ ਹੋ ਗਈ।
ਪੰਜਾਬ ਵਿਚ ਪਾਣੀ ਦੇ ਪ੍ਰਦੂਸ਼ਣ ਕਾਰਨ ਇਹ ਬੀਮਾਰੀ ਦਿਨੋਂ ਦਿਨ ਅਪਣੇ ਪੈਰ ਪਸਾਰ ਰਹੀ ਹੈ ਇਸ ਸਮੱਸਿਆ ਨੂੰ ਧਿਆਨ ਵਿਚ ਰੱਖਦਿਆਂ ਪਿੰਡ ਉੜਾਂਗ ਦੀ ਫੱਤਾ ਪੱਤੀ ਦੇ ਸਮੂਹ ਵਸਨੀਕਾਂ ਵਲੋਂ ਫ਼ੈਸਲਾ ਕੀਤਾ ਗਿਆ ਕਿ ਅੱਗੇ ਤੋਂ ਕਿਸੇ ਵੀ ਮ੍ਰਿਤਕ ਵਿਅਕਤੀ ਦੀਆਂ ਅਸਥੀਆਂ ਪਾਣੀ ਵਿਚ ਪ੍ਰਵਾਹ ਨਹੀਂ ਕੀਤੇ ਜਾਣਗੇ। ਇਸ ਮੌਕੇ ਸਵ. ਹਰਮੀਕ ਸਿੰਘ ਦੇ ਬੇਟੇ ਪਰਤੀਕ ਸਿੰਘ ਨੇ ਪਿੰਡ ਉੜਾਂਗ ਦੇ ਸ਼ਮਸ਼ਾਨ ਘਾਟ ਵਿੱਚ ਡੂੰਘਾ ਟੋਇਆ ਪੁੱਟ ਕੇ ਅਸਥੀਆਂ ਦਬਾ ਦਿੱਤੀਆਂ
ਅਤੇ ਉਪਰ ਬੂਟਾ ਲਗਾਇਆ ਗਿਆ ਤਾਂ ਕਿ ਵਾਤਾਵਰਣ ਸਾਫ਼ ਰਹੇ। ਇਸ ਮੌਕੇ ਹਰਮੀਕ ਸਿੰਘ ਦੇ ਵੱਡੇ ਭਰਾ ਰਾਜ ਸਿੰਘ, ਕਾਕਾ ਉੜਾਂਗ, ਸਾਜਨ ਬਰਾੜ, ਇਕਬਾਲ ਸਿੰਘ, ਸੁਖਮੰਦਰ ਸਿੰਘ ਕਿੰਦਾ, ਜਸ਼ਨ, ਰਿੱਕੀ ਸਿੱਧੂ ਅਤੇ ਤੇਜਵਿੰਦਰ ਸਿੰਘ ਆਦਿ ਹਾਜਰ ਸਨ। ਸਵ. ਹਰਮੀਕ ਸਿੰਘ ਨਮਿਤ ਪਾਠ ਦੇ ਭੋਗ ਤੇ ਕੀਰਤਨ ਸਮਾਗਮ ਮਿਤੀ 19 ਅਪ੍ਰੈਲ 2019 ਨੂੰ ਪਿੰਡ ਉੜਾਂਗ ਦੇ ਗੁਰਦੁਆਰਾ ਸਾਹਿਬ ਵਿਖੇ ਦੁਪਹਿਰ 12-00 ਵਜੇ ਤੋਂ 1-00 ਤਕ ਹੋਣਗੇ।
