ਟਾਟਾ ਮੋਟਰਸ ਨੇ 'Zest Premio' ਨਾਂ ਨਾਲ ਆਪਣੀ Zest ਸੇਡਾਨ ਕਾਰ ਦਾ ਸਪੈਸ਼ਲ ਐਡੀਸ਼ਨ ਲਾਂਚ ਕਰ ਦਿੱਤਾ ਹੈ| ਇਸ ਕਾਰ 'ਚ 13 ਨਵੇਂ ਫੀਚਰਸ ਦਿੱਤੇ ਗਏ ਹਨ। ਨਵੀਂ Zest Premio ਕਾਰ ਦੀ ਕੀਮਤ 7.53 ਲੱਖ ਰੁਪਏ (ਐਕਸ-ਸ਼ੋਰੂਮ, ਦਿੱਲੀ) ਹੈ। ਇਹ ਕੀਮਤ ਡੀਜ਼ਲ ਵੇਰੀਐਂਟ ਦੀ ਹੈ ਅਤੇ ਇਸਦੀ ਵਿਕਰੀ ਦੇਸ਼-ਭਰ ਦੇ ਟਾਟਾ ਮੋਟਰ ਸੇਲਜ਼ ਆਉਟਲੇਟ 'ਚ ਹੋਵੇਗੀ।
ਟਾਟਾ ਮੋਟਰਸ ਵੱਲੋਂ Zest Premio ਨੂੰ 13 ਨਵੇਂ ਫੀਚਰਸ ਦੇ ਨਾਲ ਪੇਸ਼ ਕੀਤਾ ਗਿਆ ਹੈ। ਕਾਰ ਦੀ ਰੂਫ 'ਤੇ ਗਲਾਸੀ ਬਲੈਕ ਫਿਨਿਸ਼, ਰਿਅਰਵਿਊ ਮਿਰਰਸ 'ਚ ਬਾਹਰਲੇ ਪਾਸੇ ਪਿਆਨੋ ਬਲੈਕ ਕਲਰ, ਮਲਟੂ-ਰੀਫਲੈਕਟਰ ਹੈੱਡਲੈਂਪਸ , ਇਕ ਪਿਆਨੋ ਬਲੈਕ ਹੁਡ ਸਟਰਿੱਪ, ਡਿਊਲ ਟੋਨ ਬੰਪਰ, ਪਿਆਨੋ ਬਲੈਕ ਬੂਟ ਲਿਡ ਗਾਰਨਿਸ਼ ਅਤੇ ਇਕ 'Premio' ਬੈਡ ਸ਼ਾਮਿਲ ਹਨ, ਪਰ ਵ੍ਹੀਲਜ਼ ਦੇ ਲਈ ਵੀ ਸਟੈਂਡਰਡ ਸਿਲਵਰ ਕਲਰ ਦਿੱਤਾ ਗਿਆ ਹੈ, ਪਰ ਗਾਹਕ ਵਾਧੂ ਐਕਸੈਸਰੀ ਦੇ ਤੌਰ 'ਤੇ ਇਕ ਪਿਆਨੋ ਬਲੈਕ ਸਪਾਇਲਰ ਐਡ ਕਰ ਸਕਦੇ ਹਨ।
ਕਾਰ ਦੇ ਸਟੈਂਡਰਡ ਫੀਚਰ ਤੋਂ ਇਲਾਵਾ, Premio ਐਂਡੀਸ਼ਨ ਦੇ ਇੰਟੀਰਿਅਰ 'ਚ ਡੈਸ਼ਬੋਰਡ 'ਤੇ ਇਕ ਚਿਕ ਟੈਨ ਫਿਨਿਸ਼ ਵਾਲਾ ਮਿਡ ਪੈਡ ਹੈ। ਸੀਟਾਂ ਨੂੰ ਵੀ ਨਵੇਂ ਪ੍ਰੀਮਿਅਮ ਫੈਬਰਿਕ ਨਾਲ ਬਣਾਇਆ ਗਿਆ ਹੈ, ਜਿਸ ਦੀ ਸਿਲਾਈ ਕੰਟਰਾਸਟ ਕਲਰ 'ਚ ਹੈ ਅਤੇ Premio ਬ੍ਰਾਂਡਿੰਗ ਵੀ ਹਨ।
Zest ਦੇ ਨਵੇਂ ਮਾਡਲ 'ਚ ਹਾਰਮਨ ਦਾ ਬਣਾਇਆ ਹੋਇਆ ਟਾਟਾ ਦਾ ਸਫਲ ਕੁਨੈਕਟ ਨੈਕਸਟ ਟੱਚਸਕਰੀਨ ਇਨਫੋਟੇਨਮੈਂਟ ਸਿਸਟਮ ਦਿੱਤਾ ਗਿਆ ਹੈ।
ਕਾਰ 'ਚ ਕੋਈ ਮੈਕੇਨਿਕਲ ਅਪਡੇਟ ਨਹੀਂ ਕੀਤਾ ਗਿਆ ਹੈ ਅਤੇ Zest Premio 'ਚ 1.3 ਲੀਟਰ, 4 ਸਿਲੰਡਰ, ਟਰਬੋਡੀਜ਼ਲ ਇੰਜਣ ਨੂੰ ਬਰਕਰਾਰ ਰੱਖਿਆ ਗਿਆ ਹੈ। ਸਟੈਂਡਰਡ ਵਰਜ਼ਨ 'ਚ ਵੀ ਇਸ ਪਾਵਰ ਦੇ ਇੰਜਣ ਹੈ। 5 ਸਪੀਡ ਮੈਨੂਅਲੀ ਟਰਾਂਸਮਿਸ਼ਨ ਦੇ ਨਾਲ ਮੋਟਰ ਨਾਲ 75ps ਦੀ ਪਾਵਰ ਅਤੇ 190Nm ਟਾਰਕ ਬਣਦਾ ਹੈ ।
