Deepika padukone

ਮੁੰਬਈ : ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੇ ਆਪਣੇ ਸਕੂਲ ਦੇ ਦਿਨਾਂ ਦੇ ਬਾਰੇ 'ਚ ਬਹੁਤ ਹੀ ਦਿਲਚਸਪ ਅੰਦਾਜ਼ ਵਿੱਚ ਜਾਣਕਾਰੀ ਦਿੱਤੀ ਹੈ। ਦੀਪਿਕਾ ਪਾਦੂਕੋਣ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੇ ਸਕੂਲ ਦੇ ਦਿਨਾਂ ਦਾ ਰਿਪੋਰਟ ਕਾਰਡ ਸ਼ੇਅਰ ਕੀਤਾ ਹੈ।ਇਹ ਰਿਪੋਰਟ ਕਾਰਡ ਉਸ ਦੇ ਸਕੂਲ ਟਾਈਮ ਦਾ ਹੈ ਜਿਸ ਵਿਚ ਉਸ ਦੀ ਟੀਚਰ ਨੇਕ ਲਾਸ 'ਚ ਉਸ ਦੇ ਵਿਵਹਾਰ ਬਾਰੇ ਦੱਸਿਆ ਹੈ।

 

ਰਿਪੋਰਟ ਕਾਰਡ 'ਚ ਟੀਚਰ ਨੇ ਦੀਪਿਕਾ ਦੀ ਸ਼ਿਕਾਇਤ ਕੀਤੀ ਹੈ। ਇਸ ਰਿਪੋਰਟ ਕਾਰਡ ਨੂੰ ਦੇਖ ਕੇ ਇਕ ਗੱਲ ਤਾਂ ਸਾਫ਼ ਸਮਝ ਆ ਰਹੀ ਹੈ ਕਿ ਅਦਾਕਾਰਾ ਸਕੂਲ ਟਾਈਮ 'ਚ ਕਾਫ਼ੀ ਸ਼ਰਾਰਤੀ ਸੀ। ਉਸ ਨੇ ਇੰਸਟਾਗ੍ਰਾਮ 'ਤੇ ਰਿਪੋਰਟ ਕਾਰਡ ਦੀਆਂ ਤਿੰਨ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਪਹਿਲੇ ਰਿਪੋਰਟ ਕਾਰਡ 'ਚ ਲਿਖਿਆ ਹੈ, 'ਦੀਪਿਕਾ ਕਲਾਸ 'ਚ ਬਹੁਤ ਗੱਲਾਂ ਕਰਦੀ ਹੈ।'

ਦੂਸਰੇ ਰਿਪੋਰਟ ਕਾਰਡ 'ਚ ਲਿਖਿਆ ਹੈ, 'ਦੀਪਿਕਾ ਨੂੰ ਹਦਾਇਤਾਂ ਦੀ ਪਾਲਣਾ ਕਰਨੀ ਸਿੱਖਣੀ ਚਾਹੀਦੀ ਹੈ।' ਤੀਸਰੇ ਰਿਪੋਰਟ ਕਾਰਡ 'ਚ ਲਿਖਿਆ ਹੈ, 'ਦੀਪਿਕਾ ਦਿਨ ਵੇਲੇ ਸੁਪਨੇ ਦੇਖਦੀ ਹੈ। ਅਦਾਕਾਰ ਦੇ ਰਿਪੋਰਟ ਕਾਰਡ 'ਤੇ ਉਸ ਦੇ ਪਤੀ ਰਣਵੀਰ ਸਿੰਘ ਨੇ ਵੀ ਕੁਮੈਂਟ ਕੀਤਾ ਹੈ। ਇਕ ਫੋਟੋ 'ਤੇ ਰਣਵੀਰ ਨੇ ਲਿਖਿਆ, 'ਟ੍ਰਬਲ ਮੇਕਰ', ਦੂਸਰੀ ਫੋਟੋ 'ਤੇ ਲਿਖਿਆ, 'ਹਾਂ, ਟੀਚਰ ਮੈਂ ਤੁਹਾਡੀ ਗੱਲ ਨਾਲ ਬਿਲਕੁਲ ਸਹਿਮਤ ਹਾਂ।'

ਉਂਝ ਦੀਪਿਕਾ ਤੇ ਰਣਵੀਰ ਦੀ ਟਿਊਨਿੰਗ ਪਰਦੇ ਤੋਂ ਇਲਾਵਾ ਸੋਸ਼ਲ ਮੀਡੀਆ 'ਤੇ ਵੀ ਕਾਫ਼ੀ ਜ਼ਬਰਦਸਤ ਹੈ। ਸੋਸ਼ਲ ਮੀਡੀਆ 'ਤੇ ਦੋਵੇਂ ਇਕ-ਦੂਸਰੇ ਦੀ ਖਿਚਾਈ ਕਰਨ ਦਾ ਕੋਈ ਮੌਕਾ ਨਹੀਂ ਛੱਡਦੇ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਦੀਪਿਕਾ ਜਲਦ ਹੀ ਦੋ ਫਿਲਮਾਂ 'ਚ ਨਜ਼ਰ ਆਵੇਗੀ। ਇਕ 'ਛਪਾਕ' ਤੇ ਦੂਸਰੀ '83'। 'ਛਪਾਕ' 'ਚ ਉਹ ਐਸਿਡ ਅਟੈਕ ਸਰਵਾਈਵਰ ਲਕਸ਼ਮੀ ਅਗਰਵਾਲ ਦਾ ਕਿਰਦਾਰ ਨਿਭਾਅ ਰਹੀ ਹੈ। ਉੱਥੇ ਹੀ '83' 'ਚ ਉਹ ਰਣਵੀਰ ਸਿੰਘ ਦੀ ਪਤਨੀ ਬਣੀ ਹੈ। ਦੋਵੇਂ ਹੀ ਫਿਲਮਾਂ ਸਾਲ 2020 'ਚ ਰਿਲੀਜ਼ ਹੋਣਗੀਆਂ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।