Priyanka Chopra

ਮੁੰਬਈ : ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਨੇ ਇਕ ਵੀਡੀਓ ਜਾਰੀ ਕਰ ਦੱਸਿਆ ਹੈ ਕਿ ਉਹ ਲੰਮੇ ਸਮੇਂ ਤੋਂ ਅਸਥਮਾ ਦੀ ਮਰੀਜ ਹੈ,  ਪਰ ਇਸ ਦੇ ਬਾਵਜੂਦ ਉਹ ਅਪਣਾ ਰੁਟੀਨ 'ਚ ਪੂਰੇ ਤਰੀਕੇ ਨਾਲ ਵਿਅਸਤ ਰਹਿੰਦੀ ਹੈ l ਅਪਣੀ ਬਿਮਾਰੀ ਬਾਰੇ ਦਸਦੇ ਹੋਏ ਪ੍ਰਿਅੰਕਾ ਚੋਪੜਾ ਨੇ ਕਿਹਾ ਕਿ ਜੋ ਲੋਕ ਮੈਨੂੰ ਚੰਗੀ ਤਰ੍ਹਾਂ ਜਾਣਦੇ ਹੈ, ਉਨ੍ਹਾਂ ਨੂੰ ਪਤਾ ਹੈ ਕਿ ਮੈਨੂੰ ਅਸਥਮਾ ਦੀ ਸ਼ਿਕਾਇਤ ਹੈ।  ਇਸ ਗੱਲ ਨੂੰ ਮੈਂ ਕਦੇ ਵੀ ਛੁਪਾਇਆ ਨਹੀਂ ਹੈ।

ਪ੍ਰਿਅੰਕਾ ਦੱਸਦੀ ਹੈ ਕਿ ਕਈ ਵਾਰ ਸਟੇਜ 'ਤੇ ਪਰਫਾਰਮ ਕਰਨ ਤੋਂ ਬਾਅਦ ਮੈਨੂੰ ਇਨਹੇਲਰ ਦੀ ਲੋੜ ਪੈਂਦੀ ਹੈl ਜਦੋਂ ਵੀ ਮੈਂ ਕਦੇ ਮਿੱਟੀ ਦੇ ਆਲੇ ਦੁਆਲੇ ਹੁੰਦੀ ਹਾਂ, ਤੱਦ ਵੀ ਮੈਨੂੰ ਇਨਹੇਲਰ ਦੀ ਜ਼ਰੂਰਤ ਹੁੰਦੀ ਹੈ।  ਇਸ ਲਈ ਮੇਰੇ ਨਾਲ ਰਹਿਣ ਵਾਲੇ ਸਾਰੇ ਲੋਕਾਂ ਨੂੰ ਚੰਗੀ ਤਰ੍ਹਾਂ ਪਤਾ ਹੁੰਦਾ ਹੈ ਕਿ ਮੈਨੂੰ ਅਸਥਮਾ ਹੈ। 

ਪ੍ਰਿਅੰਕਾ ਚੋਪੜਾ ਕਹਿੰਦੀ ਹੈ ਕਿ ਵਿਅਸਤ ਸ਼ੈਡਿਊਲ ਹੋਣ ਕਾਰਨ ਉਹ ਖੁਦ ਨੂੰ ਸੰਭਾਲ ਕੇ ਰੱਖਦੀ ਹੈ। ਮੈਂ ਅਪਣੀ ਬਿਮਾਰੀ 'ਤੇ ਖੁਦ ਕਾਬੂ ਰੱਖਦੀ ਹਾਂl ਅਸਥਮਾ ਨੂੰ ਅਪਣੇ ਆਪ 'ਤੇ ਕਾਬੂ ਨਹੀਂ ਰੱਖਣ ਦਿੰਦੀ। ਮੈਨੂੰ ਲੱਗਦਾ ਹੈ ਕਿਸੇ ਵੀ ਵਿਸ਼ੇ 'ਤੇ ਖੁਦ ਨੂੰ ਸਿੱਖਿਅਤ ਕਰਨਾ ਬੇਹੱਦ ਜ਼ਰੂਰੀ ਹੈl ਦਮੇ ਦੀ ਇਸ ਬਿਮਾਰੀ ਨੂੰ ਮੈਨੇਜ ਕੀਤਾ ਜਾ ਸਕਦਾ ਹੈ। ਇਸ ਨੂੰ ਲੈ ਕੇ ਕਈ ਤਰ੍ਹਾਂ ਦੀਆਂ ਗਲਤ ਧਾਰਨਾਵਾਂ ਵੀ ਸਾਹਮਣੇ ਆਉਂਦੀ ਰਹਿੰਦੀਆਂ ਹਨ।

ਪ੍ਰਿਅੰਕਾ ਨੇ ਦੱਸਿਆ ਕਿ ਦਮਾ ਹੋਣ ਦੀ ਹਾਲਤ ਵਿਚ ਤੁਸੀਂ ਸੱਭ ਤੋਂ ਚੰਗੀ ਚੀਜ਼ ਅਪਣੇ ਨਾਲ ਇਹ ਕਰ ਸਕਦੇ ਹੋ ਕਿ ਤੁਸੀਂ ਸਮੇਂ ਤੇ ਇਸ ਨੂੰ ਪੂਰੀ ਤਰੀਕੇ ਨਾਲ ਸਮਝੋ ਅਤੇ ਇਸ ਬਾਰੇ ਵਿਚ ਹਰ ਤਰ੍ਹਾਂ ਨਾਲ ਅਪਣੇ ਆਪ ਨੂੰ ਸਿੱਖਿਅਤ ਕਰੋ। ਅਪਣੀ ਬਿਮਾਰੀ ਨੂੰ ਲੈ ਕੇ ਤੁਸੀਂ ਜਿਨ੍ਹਾਂ ਜਾਣਕਾਰੀ ਰੱਖੋਗੇ, ਉਹਨਾਂ ਜ਼ਿਆਦਾ ਉਸ ਨੂੰ ਤੁਸੀਂ ਕਾਬੂ ਕਰ ਪਾਓਗੇ। ਇਨੀਂ ਦਿਨੀਂ ਪ੍ਰਿਅੰਕਾ ਅਸਥਮਾ ਨਾਲ ਜੁਡ਼ੀ ਦਵਾਈਆਂ ਦਾ ਪ੍ਚਾਰ ਵੀ ਕਰ ਰਹੀ ਹੈ।

ਪ੍ਰਿਅੰਕਾ ਦੇ ਮੰਗੇਤਰ ਨਿਕ ਜੋਨਸ ਵੀ ਸੂਗਰ ਦੇ ਮਰੀਜ ਹਨ। ਨਿਕ ਨੂੰ ਟਾਈਪ 1 ਡਾਇਬਟੀਜ਼ ਹੈ। ਡਾਇਬਿਟੀਜ਼ ਤੋਂ ਪੀਡ਼ਤ ਨਿਕ ਵੀ ਡਾਇਬਿਟੀਜ਼ ਦੀਆਂ ਦਵਾਈਆਂ ਦਾ ਪ੍ਚਾਰ ਕਰਦੇ ਹਨ। ਪ੍ਰਿਅੰਕਾ ਨੇ ਹਾਲ ਹੀ ਵਿਚ ਅਸਥਮਾ ਦੀ ਦਵਾਈ ਦੇ ਪ੍ਚਾਰ ਦਾ ਵੀਡੀਓ ਮੁੰਬਈ ਵਿਚ ਸ਼ੂਟ ਕੀਤਾ ਸੀ।