Deepika Padukone

ਮੁੰਬਈ : ਬਾਲੀਵੁੱਡ ਦੀ ਮਸਤਾਨੀ ਦੀਪਿਕਾ ਪਾਦੁਕੋਣ ਅੱਜ ਅਪਣਾ 33ਵਾਂ ਜਨਮਦਿਨ ਮਨਾ ਰਹੀ ਹੈ। 5 ਜਨਵਰੀ 1986 ਨੂੰ ਜੰਮੀ ਦੀਪਿਕਾ ਹਾਲ ਹੀ ਵਿਚ ਰਣਵੀਰ ਸਿੰਘ ਦੇ ਨਾਲ ਵਿਆਹ ਦੇ ਬੰਧਨ 'ਚ ਬੱਝੀ ਹੈ। ਅਪਣੇ ਕਰੀਅਰ ਦੇ ਸ਼ੁਰੂਆਤੀ ਦਿਨਾਂ ਵਿਚ ਦੀਪਿਕਾ ਨੇ ਮਾਡਲਿੰਗ ਵੀ ਕੀਤੀ ਅਤੇ ਮਿਊਜਿਕ ਐਲਬਮ ਵਿਚ ਵੀ ਨਜ਼ਰ ਆਈ। ਉਹ 2005 ਵਿਚ ਕਿੰਗਫ‍ਿਸ਼ਰ ਮਾਡਲ ਅਵਾਰਡ ਨਾਲ ਨਵਾਜੀ ਗਈ ਸੀ। ਪਿਤਾ ਪ੍ਰਕਾਸ਼ ਪਾਦੁਕੋਣ ਦੀ ਰਾਹ ਤੇ ਚੱਲ ਕੇ ਦੀਪਿਕਾ ਨੈਸ਼ਨਲ ਲੈਵਲ 'ਤੇ ਬੈਡਮਿੰਟਨ ਵੀ ਖੇਡ ਚੁੱਕੀ ਹੈ। ਦੀਪਿਕਾ ਦੀ ਪਹਿਲੀ ਡੈਬਿਊ ਫ਼ਿਲਮ 'ਐਸ਼ਵਰਿਆ' ਸੀ ਜੋ ਕਿ ਇਕ ਕੰਨੜ ਫਿਲਮ ਸੀ।

ਦੀਪਿਕਾ ਨੇ ਸਾਲ 2007 ਵਿਚ ਸ਼ਾਹਰੁੱਖ ਦੀ ਫ਼ਿਲਮ 'ਓਮ ਸ਼ਾਂਤੀ ਓਮ' ਤੋਂ ਅਪਣਾ ਬਾਲੀਵੁੱਡ ਡੈਬਿਊ ਕੀਤਾ ਸੀ। ਇਸ ਫਿਲਮ ਵਿਚ ਦੀਪਿਕਾ ਦੀ ਦਮਦਾਰ ਐਕਟਿੰਗ ਲੋਕਾਂ ਨੂੰ ਕਾਫ਼ੀ ਪਸੰਦ ਆਈ। ਇਕ ਤੋਂ ਬਾਅਦ ਇਕ ਕਰਕੇ ਉਨ੍ਹਾਂ ਨੂੰ ਕਈ ਵੱਡੀ ਫਿਲਮਾਂ ਦੇ ਆਫਰ ਮਿਲੇ। ਦੀਪਿਕਾ ਹੁਣ ਤੱਕ ਕਈ ਸੁਪਰਹਿੱਟ ਫ਼ਿਲਮਾਂ ਦੇ ਚੁੱਕੀ ਹੈ। ਜਿਨ੍ਹਾਂ ਵਿਚ 'ਲਵ ਆਜ ਕੱਲ', 'ਕਾਕਟੇਲ', ਚੇਨਈ ਐਕਸਪ੍ਰੈਸ', 'ਗੋਲੀਉਂ ਕੀ ਰਾਸਲੀਲਾ - ਰਾਮਲੀਲਾ' ਅਤੇ 'ਬਾਜੀਰਾਵ ਮਸਤਾਨੀ' ਵਰਗੀਆਂ ਫਿਲਮਾਂ ਹਨ।

ਪਿਛਲੇ ਸਾਲ 'ਪਦਮਾਵਤ' ਰਿਲੀਜ਼ ਹੋਈ ਜਿਸ ਨੇ ਬਾਕਸ ਆਫਿਸ ਦਮਦਾਰ ਕਮਾਈ ਕਰਦੇ ਹੋਏ ਕਈ ਰਿਕਾਰਡ ਅਪਣੇ ਨਾਮ ਕੀਤੇ। ਸੰਜੈ ਲੀਲਾ ਭੰਸਾਲੀ ਦੀ ਫਿਲਮ 'ਪਦਮਾਵਤ' ਵਿਚ ਦੀਪਿਕਾ ਤੋਂ ਇਲਾਵਾ ਸ਼ਾਹਿਦ ਕਪੂਰ ਅਤੇ ਰਣਵੀਰ ਸਿੰਘ ਲੀਡ ਰੋਲ ਵਿਚ ਸਨ। ਦੀਪਿਕਾ ਹੁਣ ਮੇਘਨਾ ਗੁਲਜਾਰ ਦੀ ਫ਼ਿਲਮ 'ਛਪਾਕ' ਵਿਚ ਨਜ਼ਰ ਆਉਣ ਵਾਲੀ ਹੈ। ਇਸ ਫਿਲਮ ਦੀ ਸ਼ੂਟਿੰਗ ਮਾਰਚ ਵਿਚ ਸ਼ੁਰੂ ਹੋਣ ਵਾਲੀ ਹੈ।

'ਛਪਾਕ' ਐਸਿਡ ਅਟੈਕ ਸਰਵਾਈਵਲ ਲਕਸ਼ਮੀ ਅੱਗਰਵਾਲ ਦੀ ਕਹਾਣੀ ਹੈ। ਇਸ ਫ਼ਿਲਮ ਵਿਚ ਦੀਪਿਕਾ ਦੇ ਨਾਲ ਵਿਕ੍ਰਾਂਤ ਮੇਸੀ ਵੀ ਨਜ਼ਰ ਆਉਣ ਵਾਲੇ ਹਨ। ਦੀਪਿਕਾ ਦੀ ਫੈਨ ਫਾਲੋਇੰਗ ਕਾਫ਼ੀ ਲੰਮੀ ਹੈ। ਦੱਸ ਦਈਏ ਕਿ ਇਸ ਖਾਸ ਮੌਕੇ 'ਤੇ ਦੀਪਿਕਾ ਨੇ ਅਪਣੇ ਪ੍ਰਸ਼ੰਸਕਾਂ ਨੂੰ ਛੇਤੀ ਹੀ ਇਕ ਰੋਚਕ ਗੱਲ ਦੱਸਣ ਦਾ ਜਿਕਰ ਕੀਤਾ ਹੈ।

ਦੀਪਿਕਾ ਨੇ ਇੰਸਟਾਗਰਾਮ ਅਕਾਉਂਟ 'ਤੇ ਇੰਸਟਾ ਸਟੋਰੀ ਦੇ ਜਰੀਏ ਦੱਸਿਆ ਜਲਦ ਹੀ ਕੁੱਝ ਬਹੁਤ ਰੋਚਕ ਸਾਹਮਣੇ ਆਉਣ ਵਾਲਾ ਹੈ। ਤੁਹਾਡੇ ਸਾਰਿਆਂ ਦੇ ਨਾਲ ਸ਼ੇਅਰ ਕਰਨ ਦਾ ਇੰਤਜਾਰ ਨਹੀਂ ਕਰ ਸਕਦਾ। ਢੇਰ ਸਾਰਾ ਪਿਆਰ।

ਸਾਫ਼ ਹੈ ਕਿ ਦੀਪਿਕਾ ਦੇ ਇਸ ਪੋਸਟ ਨੇ ਪ੍ਰਸ਼ੰਸਕਾਂ ਨੂੰ ਇਹ ਜਾਣਨ ਲਈ ਬੇਸਬਰ ਕਰ ਦਿਤਾ ਹੈ ਕਿ ਉਹ ਰੋਚਕ ਚੀਜ਼ ਕੀ ਹੈ। ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਇਹ ਉਨ੍ਹਾਂ ਦੀ ਆਉਣ ਵਾਲੀ ਫ਼ਿਲਮ ਨੂੰ ਲੈ ਕੇ ਕੋਈ ਖੁਲਾਸਾ ਹੋ ਸਕਦਾ ਹੈ।