Ranveer - Deepika

ਮੁੰਬਈ : (ਪੀਟੀਆਈ) ਬਾਲੀਵੁਡ ਦੇ ਨਵੇਂ ਵਿਆਹੁਤਾ ਜੋੜੇ ਯਾਨੀ ਰਣਵੀਰ ਸਿੰਘ ਅਤੇ ਦੀਪੀਕਾ ਪਾਦੁਕੋਣ ਭਾਰਤ ਪਰਤ ਆਏ ਹਨ। ਅੱਜ ਸਵੇਰੇ ਭਾਰਤ ਪੁੱਜੇ ਪਤੀ - ਪਤਨੀ ਰਣਵੀਰ ਅਤੇ ਦੀਪਿਕਾ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਹੋ ਰਹੀਆਂ ਹਨ। ਰਵਾਇਤੀ ਲੁਕ ਵਿਚ ਇਹ ਦੋਨੇ ਸਟਾਰਸ ਬੇਹੱਦ ਖੂਬਸੂਰਤ ਲੱਗ ਰਹੇ ਸਨ। ਦੀਪਵੀਰ ਨੂੰ ਇਸ ਨਵੇਂ ਅਵਤਾਰ ਯਾਨੀ ਕਿ ਪਤੀ - ਪਤਨੀ ਦੇ ਰੂਪ ਵਿਚ ਵੇਖ ਕੇ ਫੈਨਸ ਵਿਚ ਖੁਸ਼ੀ ਦੀ ਲਹਿਰ ਦੋੜ ਗਈ ਹੈ।

ਰਣਵੀਰ ਅਤੇ ਦੀਪਿਕਾ ਨੇ 14 - 15 ਨਵੰਬਰ ਨੂੰ ਇਟਲੀ ਦੇ ਝੀਲ ਕੋਮੋ ਵਿਚ ਸਿੰਧੀ ਅਤੇ ਕੋਂਕਣੀ ਰੀਤੀ ਰਿਵਾਜ਼ ਨਾਲ ਵਿਆਹ ਕੀਤਾ। ਰਣਵੀਰ - ਦੀਪਿਕਾ ਦੇ ਫੈਨਸ ਦੇ ਨਾਲ - ਨਾਲ ਇਨ੍ਹਾਂ ਦੇ ਪਰਵਾਰ ਵਾਲਿਆਂ ਨੂੰ ਵੀ ਇਹਨਾਂ ਦੇ ਵਿਆਹ ਦਾ ਲੰਮੇ ਸਮੇਂ ਤੋਂ ਇੰਤਜ਼ਾਰ ਸੀ। ਰਣਵੀਰ ਅਤੇ ਦੀਪਿਕਾ 6 ਸਾਲ ਤੋਂ ਰਿਲੇਸ਼ਨਸ਼ਿਪ ਵਿਚ ਸਨ ਅਤੇ 21 ਅਕਤੂਬਰ ਨੂੰ ਇਕ ਸੋਸ਼ਲ ਮੀਡੀਆ ਪੋਸਟ ਦੇ ਜ਼ਰੀਏ ਇਨ੍ਹਾਂ ਦੋਨਾਂ ਨੇ ਅਪਣੇ ਵਿਆਹ ਦੀ ਤਰੀਕ ਦਾ ਐਲਾਨ ਕੀਤਾ।

ਦੀਪਵੀਰ ਦਾ ਵਿਆਹ ਬਹੁਤ ਹੀ ਨਿਜੀ ਤਰੀਕੇ ਨਾਲ ਹੋਇਆ ਅਤੇ ਇਸ ਵੈਡਿੰਗ ਸੈਰੇਮਨੀ ਵਿਚ ਇਨ੍ਹਾਂ ਦੋਨਾਂ  ਦੇ ਪਰਵਾਰ ਵਾਲਿਆਂ ਤੋਂ ਇਲਾਵਾ ਕੁੱਝ ਬੇਹੱਦ ਕਰੀਬੀ ਲੋਕਾਂ ਨੂੰ ਸੱਦਾ ਦਿਤਾ ਗਿਆ ਸੀ। ਵਿਆਹ ਦੀ ਪਹਿਲੀ ਤਸਵੀਰਾਂ ਨੂੰ ਜਦੋਂ ਇਨ੍ਹਾਂ ਦੋਹਾਂ ਸਟਾਰਸ ਨੇ ਅਪਣੇ ਸੋਸ਼ਲ ਮੀਡੀਆ ਅਕਾਉਂਟ ਉਤੇ ਸ਼ੇਅਰ ਕੀਤਾ ਤਾਂ ਵੇਖਦੇ ਹੀ ਵੇਖਦੇ ਵਧਾਈ ਸੰਦੇਸ਼ਾਂ ਦਾ ਜਮਾਵੜਾ ਲੱਗ ਗਿਆ।

ਡਿਜ਼ਾਇਨਰ ਸਬਿਅਸਾਚੀ ਵਲੋਂ ਡਿਜ਼ਾਈਨ ਕੀਤੇ ਗਏ ਆਉਟਫਿਟ ਵਿਚ ਲਾੜਾ - ਲਾੜੀ ਬੇਹੱਦ ਖੂਬਸੂਰਤ ਲੱਗ ਰਹੇ ਸਨ। ਰਣਵੀਰ - ਦੀਪਿਕਾ 28 ਨਵੰਬਰ ਨੂੰ ਮੁੰਬਈ ਵਿਚ ਗਰੈਂਡ ਰਿਸੈਪਸ਼ਨ ਦੇਣ ਵਾਲੇ ਹਨ। ਅਪਣੇ ਰਿਸੈਪਸ਼ਨ ਨੂੰ ਦੀਪਵੀਰ ਬਹੁਤ ਖਾਸ ਬਣਾਉਣ ਵਾਲੇ ਹਨ।

ਦਰਅਸਲ ਰਣਵੀਰ ਅਤੇ ਦੀਪਿਕਾ ਨੇ ਅਪਣੇ ਮਹਿਮਾਨਾਂ ਨੂੰ ਗਿਫਟ ਨਾ ਦੇਣ ਦੀ ਅਪੀਲ ਕਰਦੇ ਹੋਏ ਕਿਹਾ ਕਿ ਉਹ ਜੋ ਵੀ ਗਿਫਟ ਦੇਣਾ ਚਾਹੁੰਦੇ ਹੈ ਉਸ ਨੂੰ ਉਹ ਇਕ ਚੈਰਿਟੀ ਨੂੰ ਡੋਨੇਟ ਕਰ ਦੇਣ। ਰਣਵੀਰ ਅਤੇ ਦੀਪਿਕਾ ਵਲੋਂ ਲਏ ਗਏ ਇਸ ਫੈਸਲੇ ਦੀ ਹਰ ਪਾਸੇ ਸ਼ਲਾਘਾ ਹੋ ਰਹੀ ਹੈ।