ਨਵੀਂ ਦਿੱਲੀ: ਜਾਨ ਇਬਾਰਹਿਮ ਦੀ ਥ੍ਰੀਲਰ ਫ਼ਿਲਮ ਬਾਟਲਾ ਹਾਉਸ ਦਾ ਟੀਜ਼ਰ ਰਿਲੀਜ ਹੋ ਗਿਆ ਹੈ। ਫ਼ਿਲਮ ਵਿਚ ਜਾਨ ਨੇ ਪੁਲਿਸ ਅਫ਼ਸਰ ਦਾ ਰੋਲ ਨਿਭਾਇਆ ਹੈ। ਟੀਜਰ ਦੀ ਸ਼ੁਰੂਆਤ ਇਕ ਡਾਇਲਾਗ ਤੋਂ ਹੁੰਦੀ ਹੈ ਅਤੇ ਉਸ ਤੋਂ ਬਾਅਦ ਸਿਰਫ਼ ਗੋਲੀਆਂ ਚਲਣ ਦੀ ਆਵਾਜ਼ ਆਉਂਦੀ ਹੈ। ਫ਼ਿਲਮ ਦਾ ਟੀਜ਼ਰ ਸ਼ੇਅਰ ਕਰਦੇ ਹੋਏ ਜਾਨ ਇਬਰਾਹਿਮ ਨੇ ਲਿਖਿਆ ਕਿ ਉਸ ਦਿਨ ਚੱਲੀਆਂ ਗੋਲੀਆਂ ਦੀ ਆਵਾਜ਼ ਉਸ ਨੂੰ ਅੱਜ ਵੀ ਸੁਣਾਈ ਦਿੰਦੀ ਹੈ।
ਫ਼ਿਲਮ ਵਿਚ ਜਾਨ ਇਬਰਾਹਿਮ ਬਾਟਲਾ ਹਾਉਸ ਐਨਕਾਉਂਟਰ ਵਿਚ ਸ਼ਾਮਲ ਪੁਲਿਸ ਅਫ਼ਸਰ ਸੰਜੀਵ ਕੁਮਾਰ ਯਾਦਵ ਦੇ ਰੋਲ ਵਿਚ ਨਜ਼ਰ ਆਉਣਗੇ। ਕਈ ਇਨਾਮ ਹਾਸਲ ਕਰ ਚੁੱਕੇ ਸੰਜੀਵ ਕੁਮਾਰ ਯਾਦਵ ਦੇਸ਼ ਦੇ ਵਿਵਾਦਿਤ ਪੁਲਿਸ ਅਫ਼ਸਰ ਦੀ ਸੂਚੀ ਵਿਚ ਵੀ ਸ਼ਾਮਲ ਹਨ।
ਦਿੱਲੀ ਦੇ ਜਾਮੀਆ ਨਗਰ ਵਿਚ 19 ਦਸੰਬਰ 2008 ਨੂੰ ਇੰਡੀਅਨ ਮੁਜਾਹਿਦੀਨ ਦੇ ਅਤਿਵਾਦੀ ਵਿਰੁਧ ਹੋਏ ਐਨਕਾਉਂਟਰ 'ਤੇ ਆਧਾਰਿਤ ਇਸ ਫ਼ਿਲਮ ਨੂੰ ਨਿਖਿਲ ਆਡਵਾਣੀ ਡਾਇਰੈਕਟ ਕਰ ਰਹੇ ਹਨ।
ਫ਼ਿਲਮ ਦਾ ਇਕ ਪੋਸਟਰ ਵੀ ਰਿਲੀਜ਼ ਹੋ ਗਿਆ ਹੈ। ਬਾਟਲਾ ਹਾਉਸ 15 ਅਗਸਤ ਨੂੰ ਰਿਲੀਜ਼ ਹੋਵੇਗੀ। ਇਸ ਦਿਨ ਅਕਸ਼ੇ ਕੁਮਾਰ ਦੀ ਮਿਸ਼ਨ ਮੰਗਲ ਅਤੇ ਪ੍ਰਭਾਸ ਦੀ ਮਚ ਅਵੇਟੇਡ ਫ਼ਿਲਮ ਸਾਹੋ ਵੀ ਰਿਲੀਜ਼ ਹੋਵੇਗੀ। ਮਿਸ਼ਨ ਮੰਗਲ ਭਾਰਤ ਦੇ ਮਹੱਤਵ ਮੰਗਲ ਮਿਸ਼ਨ 'ਤੇ ਆਧਾਰਿਤ ਹੈ। ਫ਼ਿਲਮ ਵਿਚ ਅਕਸ਼ੇ, ਵਿਦਿਆ ਤੋਂ ਇਲਾਵਾ ਸੋਨਾਕਸ਼ੀ ਸਿਨਹਾ, ਤਾਪਸੀ ਪੰਨੂ,ਕੀਰਤੀ ਕੁਲਹਾਰੀ ਅਤੇ ਸ਼ਰਮਨ ਜੋਸ਼ੀ ਲੀਡ ਰੋਲ ਵਿਚ ਹੈ। ਸਾਹੋ ਵਿਚ ਪ੍ਰਭਾਸ ਅਤੇ ਸ਼ਰਧਾ ਕਪੂਰ ਦੀ ਜੋੜੀ ਨਜ਼ਰ ਆਵੇਗੀ।