Dev Anand's grandson Rishi

ਮੁੰਬਈ : ਬੀਤੇ ਸਾਲ ਬਾਲੀਵੁਡ ਵਿਚ ਸੁਰਗਵਾਸੀ ਐਕਟਰੈਸ ਸ਼੍ਰੀਦੇਵੀ ਦੀ ਧੀ ਜਾਹਨਵੀ ਕਪੂਰ ਅਤੇ ਅੰਮ੍ਰਿਤਾ ਸਿੰਘ ਦੀ ਧੀ ਸਾਰਾ ਅਲੀ ਖਾਨ ਦੇ ਡੈਬਿਊ ਤੋਂ ਬਾਅਦ ਇਸ ਸਾਲ ਸਟਾਰਕਿਡਸ ਦੇ ਡੈਬਿਊ ਦੀ ਹੜ੍ਹ ਲੱਗਣ ਵਾਲੀ ਹੈ। ਅਭਿਮਨਯੂ ਦਸਾਨੀ, ਅਨੰਨਿਆ ਪਾਂਡੇ, ਕਰਨ ਦੇਓਲ, ਆਲਿਆ ਫਰਨੀਚਰਵਾਲਾ ਅਤੇ ਪਰਨੂਤਨ ਬਹਿਲ ਵਰਗੇ ਨਾਮ ਹੈ, ਜੋ ਸਾਲ 2019 ਵਿਚ ਫਿਲਮੀ ਪਰਦੇ 'ਤੇ ਅਪਣੀ ਸ਼ੁਰੂਆਤ ਕਰਣਗੇ। ਇਨ੍ਹਾਂ ਤੋਂ ਇਲਾਵਾ ਇਕ ਹੋਰ ਨਾਮ ਹੈ, ਜੋ ਖਬਰਾਂ ਤੋਂ ਦੂਰ ਪਰ ਐਕਟਿੰਗ ਦੀ ਦੁਨੀਆਂ ਵਿਚ ਅਪਣੇ ਕਦਮ ਜਮਾਉਣ ਨੂੰ ਤਿਆਰ ਹਨ।

ਇਹ ਨਾਮ ਹੈ ਸਦਾਬਹਾਰ ਐਕਟਰ ਦੇਵ ਆਨੰਦ ਦੇ ਪੋਤਰੇ ਰਿਸ਼ੀ ਆਨੰਦ ਯਾਨੀ ਰਿਸ਼ੀ ਦੇਵ ਸਾਹਿਬ ਦੇ ਪੋਤਰੇ ਦਾ। ਰਿਸ਼ੀ ਇਨੀਂ ਦਿਨੀਂ ਬੇਹੱਦ ਖਾਮੋਸ਼ ਕਦਮਾਂ ਨਾਲ ਬਾਲੀਵੁਡ ਵਿਚ ਅਪਣੀ ਜਗ੍ਹਾ ਬਣਾਉਣ ਲਈ ਤਿਆਰੀ ਵਿਚ ਲੱਗੇ ਹਨ। ਉਹ ਗੋਵਿੰਦਾ ਦੀ ਸੁਪਰਹਿਟ ਫ਼ਿਲਮ 'ਸਾਜਨ ਚਲੇ ਸਸੁਰਾਲ' ਦੇ ਰੀਮੇਕ ਨਾਲ ਬਾਲੀਵੁਡ ਵਿਚ ਐਂਟਰੀ ਕਰਣਗੇ।  ਰਿਸ਼ੀ ਦੇ ਨਾਲ ਸਾਜਨ ਚਲੇ ਸਸੁਰਾਲ ਦੇ ਰੀਮੇਕ ਵਿਚ ਐਕਟਰ ਚੰਕੀ ਪਾਂਡੇ, ਆਰਿਆ ਬੱਬਰ, ਹੇਮੰਤ ਪਾਂਡੇ ਅਤੇ ਇਸ਼ਿਤਾ ਰਾਜ ਵਰਗੇ ਐਕਟਰ ਨਜ਼ਰ ਆਉਣਗੇ। ਇਕ ਗੱਲਬਾਤ ਦੇ ਦੌਰਾਨ ਰਿਸ਼ੀ ਨੇ ਕਿਹਾ ਕਿ ਉਹ 'ਸਾਜਨ ਚਲੇ ਸਸੁਰਾਲ' ਦੇ ਰੀਮੇਕ ਨੂੰ ਲੈ ਕੇ ਬੇਹੱਦ ਉਤਸ਼ਾਹਿਤ ਹਨ।

ਫ਼ਿਲਮ ਦੇ ਬਾਰੇ ਵਿਚ ਇਸ ਸਮੇਂ ਕੁੱਝ ਵੀ ਕਹਿਣਾ ਬਹੁਤ ਜਲਦਬਾਜ਼ੀ ਹੋਵੇਗੀ। ਲੋਕ ਫ਼ਿਲਮ ਦੀ ਕਹਾਣੀ ਨਾਲ ਵਾਕਫ਼ ਹੈ। ਮਸ਼ਹੂਰ ਡਾਇਰੈਕਟਰ ਡੇਵਿਡ ਧਵਨ ਦੇ ਨਿਰਦੇਸ਼ਨ ਵਿਚ ਬਣੀ ਫ਼ਿਲਮ 'ਸਾਜਨ ਚਲੇ ਸਸੁਰਾਲ' ਸਾਲ 1996 ਵਿਚ ਰਿਲੀਜ਼ ਹੋਈ ਸੀ। ਇਸ ਫ਼ਿਲਮ ਵਿਚ ਗੋਵਿੰਦਾ, ਕਰਿਸ਼ਮਾ ਕਪੂਰ, ਤੱਬੂ, ਸਤੀਸ਼ ਕੌਸ਼ਿਕ ਅਤੇ ਕਾਦਰ ਖਾਨ ਨੇ ਮੁੱਖ ਭੂਮਿਕਾ ਨਿਭਾਈ ਸੀ।