Priyanka And Nick

ਮੁੰਬਈ ( ਪੀ.ਟੀ.ਆਈ ): ਹਾਲੀਵੁੱਡ ਵਿਚ ਧਮਾਲਾਂ ਪਾਉਣ ਵਾਲੀ ਅਤੇ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਪ੍ਰਿਅੰਕਾ ਚੋਪੜਾ ਅਤੇ ਨਿਕ ਜੋਨਸ ਪਿਛਲੇ ਸਾਲ ਨਿਊਯਾਰਕ ਸਿਟੀ ਵਿਚ ਆਯੋਜਿਤ ਕੀਤੇ ਗਏ ਮੇਟ ਗਾਲਾ ਸਮਾਗਮ ਵਿਚ ਇਕੱਠੇ ਨਜ਼ਰ ਆਏ ਸਨ। ਉਹ ਦੋਨੈ ਇਕ-ਦੂਜੇ ਨਾਲ ਕੁਝ ਇਸ ਤਰ੍ਹਾਂ ਨਜ਼ਰ ਆਏ ਕਿ ਸਾਰਿਆਂ ਦਾ ਧਿਆਨ ਉਨ੍ਹਾਂ ਵੱਲ ਕੇਂਦਰਿਤ ਹੋ ਗਿਆ।  ਇਸ ਦੇ ਤਕਰੀਬਨ ਇਕ ਸਾਲ ਬਾਅਦ ਦੋਨਾਂ ਨੇ ਇਕ ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕਰ ਦਿਤਾ ਅਤੇ ਇਹ ਮੁਲਾਕਾਤਾਂ ਹੌਲੀ-ਹੌਲੀ ਮੁਹੱਬਤ ਵਿਚ ਤਬਦੀਲ ਹੋ ਗਈਆਂ।

ਦੱਸ ਦਈਏ ਕਿ ਇਸ ਸਾਲ ਅਗਸਤ ਵਿਚ ਦੋਨਾਂ ਨੇ ਮੰਗਣੀ ਕੀਤੀ ਅਤੇ ਪ੍ਰਿਅੰਕਾ ਦੀ ਰੋਕਾ ਸਮਾਰੋਹ ਹੋਇਆ। ਪ੍ਰਿਅੰਕਾ ਦੇ ਵਿਆਹ ਅਤੇ ਮੰਗਣੀ ਨਾਲ ਜੁੜੀਆਂ ਸਾਰੀਆਂ ਖਬਰਾਂ ਨੂੰ ਹੁਣ ਤੱਕ ਲੁਕਾ ਕੇ ਰੱਖਿਆ ਗਿਆ ਹੈ ਅਤੇ ਹੁਣ ਦੋਨਾਂ ਦੇ ਵਿਆਹ ਦੀਆਂ ਖਬਰਾਂ ਆ ਰਹੀਆਂ ਹਨ। ਦੇਖਣਾ ਇਹ ਹੋਵੇਗਾ ਕਿ ਦੋਨਾਂ ਦੇ ਵਿਆਹ ਦੀ ਤਾਰੀਖ ਦਾ ਖੁਲਾਸਾ ਮੀਡਿਆ ਵਿਚ ਕਰਦੇ ਹਨ ਜਾਂ ਚੁਪ-ਚਾਪ ਤਰੀਕੇ ਨਾਲ ਵਿਆਹ ਕਰਦੇ ਹਨ। ਪ੍ਰਿਅੰਕਾ ਲਈ ਨਿਕ ਮਹੱਤਵਪੂਰਨ ਹਨ ਅਤੇ ਉਹ ਅਕਸਰ ਨਿਕ ਦੇ ਨਾਲ ਅਪਣੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ਉਤੇ ਸਾਂਝੀਆਂ ਕਰਦੀ ਰਹਿੰਦੀ ਹੈ।

ਨਿਕ ਜੋਨਸ ਹਾਲ ਹੀ ਵਿਚ ਲਾਸ ਏੰਜੇਲਿਸ ਵਿਚ ਆਯੋਜਿਤ ਲਾ ਲੇਕਰਜ਼ ਵੀਅਸ ਮਿਨੇਸੋਟਾ ਟਿੰਬਰਵੋਲਵਜ਼ ਗੇਮ ਵਿਚ ਭਰਾ ਜੋ ਜੋਨਸ ਦੇ ਨਾਲ ਨਜ਼ਰ ਆਏ। ਦੋਨਾਂ ਭਰਾਵਾਂ ਨੇ ਖੇਡ ਦਾ ਪੂਰਾ ਅਨੰਦ ਮਾਣੀਆ। ਇੰਨ੍ਹੀਂ ਹੀ ਨਹੀਂ ਸਗੋਂ ਦੋਨਾਂ ਨੇ ਅਪਣੇ ਇੰਸਟਾਗਰਾਮ ਖਾਤੇ ‘ਤੇ ਇਕ ਵੀਡੀਓ ਵੀ ਸਾਂਝੀ ਕੀਤੀ ਹੈ। ਇਸ ਖੇਡ ਵਿਚ ਸਰੋਤਿਆਂ ਨੇ ਨੋਟਿਸ ਕੀਤਾ ਕਿ ਨਿਕ ਜੋਨਸ ਦੇ ਫੋਨ ਉਤੇ ਪ੍ਰਿਅੰਕਾ ਚੋਪੜਾ ਦਾ ਵਾਲਪੇਪਰ ਹੈ। ਇਹ ਤਸਵੀਰ ਅਸਲ ਵਿਚ ਪ੍ਰਿਅੰਕਾ ਅਤੇ ਨਿਕ ਦੇ ਨਾਲ ਖਿੱਚੀ ਗਈ ਪਹਿਲੀ ਤਸਵੀਰ ਹੈ। ਇਹ ਤਸਵੀਰ ਤਕਰੀਬਨ ਸਾਲ ਭਰ ਪਹਿਲਾਂ ਖਿੱਚੀ ਗਈ ਸੀ।

ਸੂਤਰਾਂ ਪਤਾ ਲੱਗਿਆ ਹੈ ਕਿ ਪ੍ਰਿਅੰਕਾ ਅਤੇ ਨਿਕ ਛੇਤੀ ਹੀ ਜੋਧਪੁਰ ਵਿਚ ਵਿਆਹ ਦੇ ਬੰਧਨ ਵਿਚ ਬੰਨ੍ਹੇ ਜਾ ਸਕਦੇ ਹਨ। ਇਹ ਵੀ ਖਬਰਾਂ ਮਿਲੀਆਂ ਹਨ ਕਿ ਦੋਨਾਂ ਨੇ ਅਪਣੇ ਵਿਆਹ ਨੂੰ ਅਮਰੀਕਾ ਵਿਚ ਰਜਿਸਟਰ ਕਰਵਾਉਣਾ ਹੈ।