ਨਵੀਂ ਦਿੱਲੀ- ਟੀਵੀ ਦਾ ਸਭ ਤੋਂ ਧਮਾਕੇਦਾਰ ਅਤੇ ਵਿਵਾਦਿਤ ਸ਼ੋਅ ਬਿਗ ਬਾਸ 13, ਲੋਕਾਂ ਦਾ ਖੂਬ ਮਨੋਰੰਜਨ ਕਰਦਾ ਹੈ। 'ਬਿੱਗ ਬੌਸ 13' ਵਿਚ ਹੋਣ ਵਾਲੇ ਨਵੇਂ ਟਾਸਕ ਜਾਂ ਗਤੀਵਿਧੀਆਂ ਦਰਸ਼ਕਾਂ ਨੂੰ ਮਨੋਰੰਜਿਤ ਕਰਨ ਦੇ ਨਾਲ-ਨਾਲ ਉਹਨਾਂ ਨੂੰ ਕਈ ਵਾਰ ਖੂਬ ਹਸਾਉਂਦਾ ਵੀ ਹੈ। ਪਰ ਹਾਲ ਹੀ ਵਿਚ ਬਿਗ ਬਾਸ ਦੀ ਸਾਬਕਾ ਕੰਟੈਸਟੈਂਟ ਅਤੇ ਅਦਾਕਾਰਾ ਰਾਖੀ ਸਾਵੰਤ ਸ਼ੋਅ ਦੇ ਕੁੱਝ ਮੈਂਬਰਾਂ 'ਤੇ ਬਹੁਤ ਭੜਕੀ ਹੈ। ਇਨ੍ਹਾਂ ਹੀ ਨਹੀਂ ਉਸ ਨੇ ਸ਼ਹਿਨਾਜ਼ ਗਿੱਲ ਅਤੇ ਸ਼ੈਫਲੀ ਜਰੀਵਾਲਾ ਅਤੇ ਹਿਮਾਸ਼ੀ ਖੁਰਾਨਾ ਦੇ ਖ਼ਿਲਾਫ਼ ਸ਼ਿਕਾਇਤ ਦਰਜ ਕਰਵਾਉਣ ਦੀ ਗੱਲ ਕਹੀ ਹੈ।

ਦਰਅਸਲ ਇਕ ਟਾਸਕ ਦੌਰਾਨ ਸ਼ਹਿਨਾਜ਼ ਗਿੱਲ ਦਾ ਵਿਵਹਾਰ ਦੇਖ ਕੇ ਕਾਂਟਾ ਲਗਾ ਗਰਲ ਸ਼ੈਫਲੀ ਜਰੀਵਾਲਾ ਨੇ ਉਸ ਨੂੰ ਪੰਜਾਬ ਦੀ ਰਾਖੀ ਸਾਵੰਤ ਕਹਿ ਦਿੱਤਾ ਸੀ। ਜਿਸ ਨੂੰ ਸੁਣ ਕੇ ਰਾਖੀ ਸਾਵੰਤ ਕਾਫ਼ੀ ਭੜਕੀ ਨਜ਼ ਆ ਰਹੀ ਸੀ। ਰਾਖੀ ਸਾਵੰਤ ਨੇ ਇੰਸਟਾਗ੍ਰਾਮ 'ਤੇ ਆਪਣੀ ਵੀਡੀਓ ਸ਼ੇਅਰ ਕਰ ਕੇ ਸ਼ੈਫਲੀ ਜ਼ਰੀਵਾਲਾ ਅਤੇ ਸ਼ਹਿਨਾਜ਼ ਗਿੱਲ 'ਤੇ ਆਪਣਾ ਗੁੱਸਾ ਕੱਢਿਆ। ਉਸ ਨੇ ਵੀਡੀਓ ਵਿਚ ਕਿਹਾ ਕਿ ''ਤੁਸੀਂ ਲੋਕ ਮੈਨੂੰ ਕੀ ਸਮਝਦੇ ਹੋ ਮੈਂ ਸ਼ਹਿਨਾਜ਼ ਗਿੱਲ ਅਤੇ ਸ਼ੈਫਲੀ ਜ਼ਰੀਵਾਲਾ ਖਿਲਾਫ਼ ਸ਼ਿਕਾਇਤ ਕਰ ਦਿੱਤੀ ਹੈ।

ਮੈਂ ਐਨੀ ਬਿਜ਼ੀ ਰਹਿੰਦੀ ਹਾਂ ਅਤੇ ਤੁਸੀਂ ਲੋਕ ਮੇਰਾ ਨਾਮ ਖਰਾਬ ਕਰਨ 'ਤੇ ਲੱਗੇ ਹੋਏ ਹੋ ਤੁੰਹਾਨੂ ਲੋਕਾਂ ਨੂੰ ਸ਼ਰਮ ਨਹੀਂ ਆਉਂਦੀ ਸਲਮਾਨ ਖ਼ਾਨ ਇਹ ਲੋਕ ਮੇਰਾ ਨਾਮ ਖਰਾਬ ਕਰ ਰਹੇ ਹਨ ਬਿਗ ਬਾਸ ਵਿਚ।'' ਰਾਖੀ ਸਾਵੰਤ ਨੇ ਆਪਣ ਇਕ ਵੀਡੀਓ ਵਿਚ ਕਿਹਾ ਕਿ ਇਹ ਸਾਰੇ ਲੋਕ ਮੇਰੇ ਪਿੱਛੇ ਹੱਥ ਧੋ ਕੇ ਪਏ ਹੋਏ ਹਨ। ਉਹਨਾਂ ਨੂੰ ਸ਼ਰਮ ਨਹੀਂ ਆਉਂਦੀ ਮੈਨੂੰ ਟ੍ਰੋਲ ਕਰਦੇ ਹੋਏ। ਰਾਖੀ ਸਾਂਵਤ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ।