ਕੀ ਹੈ #MeToo ਮੂਵਮੈਂਟ, ਕਿਥੋ ਸ਼ੁਰੂ ਹੋਇਆ ਅਤੇ ਕਿਉਂ ਮਚਿਆ ਹੈ ਹੜਕੰਪ
(ਭਾਸ਼ਾ) ਅਦਾਕਾਰਾ ਤਨੁਸ਼ਰੀ ਦੱਤਾ ਨੇ ਨਾਨਾ ਪਾਟੇਕਰ, ਕੋਰੀਓਗ੍ਰਾਫਰ ਗਣੇਸ਼ ਅਚਾਰਿਆ ਉਤੇ ਸੈਕਸ਼ੁਅਲ ਹਰਾਸਮੈਂਟ ਦੇ ਇਲਜ਼ਾਮ ਲਗਾਏ ਤਾਂ ਭਾਰਤ ਵਿਚ ਵੱਡੇ ਪੈਮਾਨੇ 'ਤੇ...
ਮੁੰਬਈ : (ਭਾਸ਼ਾ) ਅਦਾਕਾਰਾ ਤਨੁਸ਼ਰੀ ਦੱਤਾ ਨੇ ਨਾਨਾ ਪਾਟੇਕਰ, ਕੋਰੀਓਗ੍ਰਾਫਰ ਗਣੇਸ਼ ਅਚਾਰਿਆ ਉਤੇ ਸੈਕਸ਼ੁਅਲ ਹਰਾਸਮੈਂਟ ਦੇ ਇਲਜ਼ਾਮ ਲਗਾਏ ਤਾਂ ਭਾਰਤ ਵਿਚ ਵੱਡੇ ਪੈਮਾਨੇ 'ਤੇ #MeToo ਮੂਵਮੈਂਟ ਸ਼ੁਰੂ ਹੋ ਗਿਆ ਹੈ। ਤਨੁਸ਼ਰੀ ਤੋਂ ਬਾਅਦ ਸਾਰੀਆਂ ਮਹਿਲਾ ਕਲਾਕਾਰਾਂ, ਸੰਪਾਦਕਾਂ ਨੇ ਅਪਣੇ ਨਾਲ ਹੋਏ ਸੈਕਸ਼ੁਅਲ ਹਰਾਸਮੈਂਟ ਦੀ ਕਹਾਣੀ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਹੈ।
ਇਸ ਕੜੀ ਵਿਚ ਕਈ ਦਿੱਗਜ ਨਾਮਾਂ 'ਤੇ ਇਲਜ਼ਾਮ ਲੱਗੇ। ਉਤੇ ਦਿਤੇ ਗਏ ਨਾਮਾਂ ਤੋਂ ਇਲਾਵਾ ਮਸ਼ਹੂਰ ਕਲਾਕਾਰ ਆਲੋਕ ਨਾਥ, ਮੰਤਰੀ ਐਮਜੇ ਅਕਬਰ ਵਰਗੇ ਨਾਮ ਵੀ ਸਾਹਮਣੇ ਆਏ। ਕੀ ਤੁਹਾਨੂੰ ਪਤਾ ਹੈ ਕਿ #MeToo ਹੈਸ਼ਟੈਗ ਦੇ ਨਾਲ ਸੈਕਸ਼ੁਅਲ ਹਰਸਮੈਂਟ ਤੋਂ ਖਿਲਾਫ ਇਸ ਵਿਸ਼ਵਵਿਆਪੀ ਅੰਦੋਲਨ ਦੀ ਸ਼ੁਰੂਆਤ ਕਦੋਂ ਹੋਈ ਸੀ ? ਕੌਣ ਸੀ ਜਿਸ ਨੇ ਇਸ ਨੂੰ ਸ਼ੁਰੂ ਕੀਤਾ ?
ਦਰਅਸਲ #MeToo ਅੰਦੋਲਨ ਦੀ ਸ਼ੁਰੂਆਤ ਅੱਜ ਤੋਂ ਲਗਭੱਗ 12 ਸਾਲ ਪਹਿਲਾਂ ਹੋਈ ਸੀ। ਸੋਸ਼ਲ ਮੀਡੀਆ 'ਤੇ ਇਹ ਅੰਦੋਲਨ ਠੀਕ ਇਕ ਸਾਲ ਪਹਿਲਾਂ ਯਾਨੀ ਅਕਤੂਬਰ 2017 ਵਿਚ ਵਾਇਰਲ ਹੋਇਆ। ਆਓ ਜੀ ਤੁਹਾਨੂੰ ਇਸ ਅੰਦੋਲਨ ਅਤੇ ਇਸ ਨਾਲ ਜੁਡ਼ੀ ਸਾਰੀ ਕਹਾਣੀ ਦੱਸਦੇ ਹਨ। ਅਪਣੇ ਮੂਲ ਸਵਰੂਪ ਵਿਚ ਇਹ ਅੰਦੋਲਨ ਯੋਨ ਸ਼ੋਸ਼ਣ ਦਾ ਸ਼ਿਕਾਰ ਹੋਈ ਔਰਤਾਂ ਦੀ ਮਦਦ ਲਈ ਸ਼ੁਰੂ ਹੋਇਆ। 2006 ਵਿਚ ਅਮਰੀਕੀ ਸਿਵਲ ਰਾਇਟ ਐਕਟਿਵਿਸਟ ਤਰਾਨਾ ਬਰਕ ਨੇ ਇਸ ਅੰਦੋਲਨ ਦੀ ਸ਼ੁਰੂਆਤ ਕੀਤੀ ਸੀ।
ਤਰਾਨਾ ਬਰਕ ਅਪਣੇ ਆਪ ਸੈਕਸ਼ੁਅਲ ਅਸਾਲਟ ਸਰਵਾਇਵਰ ਹਨ। ਇਕ ਇੰਟਰਵੀਊ ਵਿਚ ਉਨ੍ਹਾਂ ਨੇ ਦੱਸਿਆ ਸੀ ਕਿ ਬਚਪਨ ਤੋਂ ਲੈ ਕੇ ਵੱਡੇ ਹੋਣ ਤੱਕ ਤਿੰਨ ਵਾਰ ਉਨ੍ਹਾਂ ਦਾ ਯੋਨ ਸ਼ੋਸ਼ਣ ਹੋ ਚੁੱਕਿਆ ਹੈ। ਮਾਈ ਸਪੇਸ ਸੋਸ਼ਲ ਨੈੱਟਵਰਕ ਵਿਚ ਤਰਾਨਾ ਬਰਕ ਦੇ ਇਹਨਾਂ ਦੋ ਸ਼ਬਦਾਂ ਨੇ ਇਕ ਅੰਦੋਲਨ ਦਾ ਰੂਪ ਲੈ ਲਿਆ ਜਿਸ ਵਿਚ ਯੋਨ ਸ਼ੋਸ਼ਣ ਪੀਡ਼ਤਾਂ ਨੂੰ ਇਸ ਗੱਲ ਦਾ ਅਹਿਸਾਸ ਦਿਵਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਕਿ ਤੁਸੀਂ ਇਕੱਲੇ ਨਹੀਂ ਹੋ।
ਪਿਛਲੇ ਸਾਲ ਅਕਤੂਬਰ ਵਿਚ ਮਸ਼ਹੂਰ ਅਖਬਾਰ ਨਿਊ ਯਾਰਕ ਟਾਈਮਸ ਅਤੇ ਦ ਨਿਊ ਯਾਰਕਰ ਨੇ ਅਮਰੀਕੀ ਫਿਲਮ ਪ੍ਰੋਡਿਊਸਰ ਹਾਰਵੀ ਵਾਇੰਸਟੀਨ ਨੂੰ ਲੈ ਕੇ ਵੱਡੇ ਖੁਲਾਸੇ ਕੀਤੇ। ਇਸ ਰਿਪੋਰਟ ਵਿਚ 3 ਦਹਾਕਿਆਂ ਦੇ ਕਰਿਅਰ ਦੇ ਦੌਰਾਨ ਵਾਇੰਸਟੀਨ 'ਤੇ 80 ਤੋਂ ਜ਼ਿਆਦਾ ਔਰਤਾਂ ਨੇ ਰੇਪ, ਯੋਨ ਸ਼ੋਸ਼ਣ ਦੇ ਇਲਜ਼ਾਮ ਲਗਾਏ। ਇਸ ਵਿਚ 16 ਅਕਤੂਬਰ 2017 ਨੂੰ ਹਾਲੀਵੁਡ ਅਦਾਕਾਰਾ ਏਲਿਸਾ ਮਿਲਾਨੋ ਨੂੰ ਸੋਸ਼ਲ ਸਾਈਟ 'ਤੇ ਇਕ ਮੈਸੇਜ ਮਿਲਿਆ। ਇਸ ਮੈਸੇਜ ਵਿਚ ਲਿਖਿਆ ਸੀ ਕਿ ਜੇਕਰ ਕਦੇ ਤੁਹਾਡਾ ਸੈਕਸ਼ੁਅਲ ਹਰਾਸਮੈਂਟ ਹੋਇਆ ਹੈ ਤਾਂ ਤੁਸੀਂ MeToo ਦਾ ਸਟੇਟਸ ਲਗਾਓ ਤਾਂਕਿ ਲੋਕਾਂ ਨੂੰ ਇਸ ਸਮੱਸਿਆ ਦੀ ਗੰਭੀਰਤਾ ਦਾ ਅੰਦਾਜ਼ਾ ਹੋਵੇ।
ਮਿਲਾਨੋ ਨੇ MeToo ਲਿਖ ਟਵੀਟ ਕੀਤਾ ਅਤੇ ਉਨ੍ਹਾਂ ਦਾ ਇਹ ਟਵੀਟ ਵਾਇਰਲ ਹੋ ਗਿਆ। ਸਾਰੀਆਂ ਔਰਤਾਂ ਸੋਸ਼ਲ ਮੀਡੀਆ 'ਤੇ ਇਸ ਹੈਸ਼ਟੈਗ ਦਾ ਇਸਤੇਮਾਲ ਕਰ ਅਪਣੇ ਨਾਲ ਹੋਏ ਯੋਨ ਸ਼ੋਸ਼ਣ ਦਾ ਜ਼ਿਕਰ ਕਰਨ ਲੱਗੀ। ਤਨੁਸ਼ਰੀ ਦੱਤਾ ਦੇ ਵੱਲੋਂ ਨਾਨਾ ਪਾਟੇਕਰ ਅਤੇ ਗਣੇਸ਼ ਆਚਾਰਿਆ 'ਤੇ ਇਲਜ਼ਾਮ ਲਗਾਉਣ ਤੋਂ ਬਾਅਦ ਇਹ ਮਾਮਲਾ ਵਾਇਰਲ ਹੋ ਗਿਆ। ਹੁਣ ਤੱਕ ਇਸ ਦੀ ਜਦ ਵਿਚ ਕਈ ਵੱਡੇ ਨਾਮ ਆ ਚੁੱਕੇ ਹਨ।
ਜ਼ਿਆਦਾਤਰ ਨਾਮ ਬਾਲੀਵੁਡ ਤੋਂ ਹਨ। ਕਵੀਨ ਫਿਲਮ ਦੇ ਡਾਇਰੈਕਟਰ ਵਿਕਾਸ ਬਹਿਲ, ਲੇਖਕ ਚੇਤਨ ਭਗਤ, ਐਕਟਰ ਰਜਤ ਕਪੂਰ, ਸਿੰਗਰ ਕੈਲਾਸ਼ ਖੇਰ, ਐਕਟਰ ਆਲੋਕ ਨਾਥ ਫਿਲਮ ਇੰਡਸਟਰੀ ਦੇ ਕੁੱਝ ਅਜਿਹੇ ਵੱਡੇ ਨਾਮ ਹਨ ਜਿਨ੍ਹਾਂ 'ਤੇ ਸੈਕਸ਼ੁਅਲ ਹਰਾਸਮੈਂਟ ਦੇ ਇਲਜ਼ਾਮ ਲੱਗੇ ਹਨ। ਇਸ ਤੋਂ ਇਲਾਵਾ ਮੋਦੀ ਸਰਕਾਰ ਵਿੱਚ ਮੰਤਰੀ ਐਮਜੇ ਅਕਬਰ 'ਤੇ ਵੀ ਕੁੱਝ ਔਰਤਾਂ ਨੇ ਇਲਜ਼ਾਮ ਲਗਾਏ ਹਨ। ਇਹ ਇਲਜ਼ਾਮ ਉਸ ਸਮੇਂ ਦੇ ਹਨ ਜਦੋਂ ਐਮਜੇ ਅਕਬਰ ਰਾਜਨੀਤੀ ਵਿਚ ਨਹੀਂ ਸਗੋਂ ਪੱਤਰਕਾਰਤਾ ਵਿਚ ਸਰਗਰਮ ਸਨ।