Varun Dhawan

ਮੁੰਬਈ : ਅਦਾਕਾਰ ਵਰੁਨ ਧਵਨ ਅਪਣੀ ਨਿਜੀ ਜ਼ਿੰਦਗੀ ਨੂੰ ਨਿਜੀ ਰੱਖਣ ਦੀ ਕੋਸ਼ਿਸ਼ ਕਰਦੇ ਹਨ। ਚਾਹੇ ਗੱਲ ਪਰਵਾਰ ਦੀ ਹੋਵੇ ਜਾਂ ਗਰਲਫ੍ਰੈਂਡ ਦੀ, ਵਰੁਨ ਹਮੇਸ਼ਾ ਮੀਡੀਆ ਨੂੰ ਇਸ ਤੋਂ ਦੂਰ ਰੱਖਦੇ ਹਨ ਪਰ ਹਾਲ ਹੀ ਵਿਚ ਉਨ੍ਹਾਂ ਨੇ ਇੰਸਟਾਗ੍ਰਾਮ ਉਤੇ ਅਪਣੇ ਪਰਵਾਰ ਦੀ ਇਕ ਕਿਊਟ ਤਸਵੀਰ ਸ਼ੇਅਰ ਕੀਤੀ ਹੈ। ਇਸ ਵਿਚ ਉਨ੍ਹਾਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਪਹਿਲੀ ਹੀ ਨਜ਼ਰ  ਵਿਚ ਪਿਆਰ ਹੋ ਗਿਆ ਹੈ। ਦਰਅਸਲ, ਵਰੁਨ ਧਵਨ ਦੀ ਭਰਜਾਈ ਨੇ ਧੀ ਨੂੰ ਜਨਮ ਦਿਤਾ ਹੈ।

ਛੋਟੀ ਭਤੀਜੀ ਨੂੰ ਲੈ ਕੇ ਵਰੁਨ ਕਾਫ਼ੀ ਐਕਸਾਇਟਿਡ ਹਨ। ਇੰਸਟਾਗ੍ਰਾਮ ਉਤੇ ਸ਼ੇਅਰ ਕੀਤੀ ਗਈ ਤਸਵੀਰ ਵਿਚ ਐਕਟਰ ਅਪਣੇ ਵੱਡੇ ਭਰਾ - ਭਰਜਾਈ,  ਮਾਤਾ - ਪਿਤਾ ਅਤੇ ਭਤੀਜੀ ਦੇ ਨਾਲ ਨਜ਼ਰ ਆ ਰਹੇ ਹਨ। ਸਾਰੇ ਨੇ ਇਕ ਖਾਸ ਟੀ-ਸ਼ਰਟ ਪਾਈ ਹੋਈ ਹੈ, ਜਿਨ੍ਹਾਂ ਉਤੇ ਪਾਪਾ ਨੰਬਰ-1, ਮਾਂ ਨੰਬਰ-1, ਦਾਦੀ ਨੰਬਰ-1, ਦਾਦੂ ਨੰਬਰ-1 ਲਿਖਿਆ ਹੋਇਆ ਹੈ। ਉਥੇ ਹੀ ਵਰੁਨ ਦੀ ਟੀ-ਸ਼ਰਟ ਉਤੇ ਚਾਚੂ ਨੰਬਰ-1 ਲਿਖਿਆ ਹੋਇਆ ਹੈ।

ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਵਰੁਨ ਧਵਨ ਨੇ ਕੈਪਸ਼ਨ ਲਿਖਿਆ ਕਿ ਪਹਿਲੀ ਨਜ਼ਰ ਵਿਚ ਪਿਆਰ। ਇਸ ਤਸਵੀਰ ਨੂੰ ਫੈਨਜ਼ ਨੇ ਕਾਫ਼ੀ ਪਸੰਦ ਕੀਤਾ ਅਤੇ ਧਵਨ ਪਰਵਾਰ ਵਿਚ ਨਵੀਂ ਮੈਂਬਰ ਆਉਣ ਉਤੇ ਸ਼ੁਭਕਾਮਨਾਵਾਂ ਦਿਤੀਆਂ। ਨਾਲ ਹੀ ਲੋਕਾਂ ਨੇ ਕਮੈਂਟ ਕਰ ਲਿਖਿਆ ਕਿ ਵਰੁਨ ਦੀ ਭਤੀਜੀ ਕਾਫ਼ੀ ਕਿਊਟ ਹੈ।

ਦੱਸ ਦਈਏ ਕਿ ਵਰੁਨ ਧਵਨ ਫਿਲਹਾਲ ਦੋ ਫ਼ਿਲਮ ਪ੍ਰੋਜੈਕਟਸ ਉਤੇ ਕੰਮ ਕਰ ਰਹੇ ਹਨ। ਇਹਨਾਂ ਵਿਚੋਂ ਇਕ ਫ਼ਿਲਮ ਸੂਈ ਧਾਗਾ ਹੈ, ਜਿਸ ਵਿਚ ਉਨ੍ਹਾਂ ਦੇ ਨਾਲ ਅਨੁਸ਼ਕਾ ਸ਼ਰਮਾ ਲੀਡ ਰੋਲ ਵਿਚ ਹਨ। ਉਥੇ ਹੀ ਦੂਜੀ ਫਿਲਮ ਕਲੰਕ ਹੈ।

ਇਸ ਫਿਲਮ ਵਿਚ ਆਲਿਆ ਭੱਟ, ਵਰੁਨ ਦੇ ਨਾਲ ਲੀਡ ਰੋਲ ਵਿਚ ਨਜ਼ਰ ਆਉਣਗੇ।  ਕਲੰਕ ਲਈ ਆਲਿਆ ਅਪਣੇ ਹਿੱਸੇ ਦੀ ਸ਼ੂਟਿੰਗ ਪੂਰੀ ਕਰ ਚੁੱਕੀ ਹੈ, ਉਥੇ ਹੀ ਵਰੁਨ ਦੇ ਹਿੱਸੇ ਦੀ ਸ਼ੂਟਿੰਗ ਬਾਕੀ ਹੈ। ਫ਼ਿਲਮ ਸੂਈ ਧਾਗਾ ਇਸ ਸਾਲ 28 ਸਤੰਬਰ ਨੂੰ ਰਿਲੀਜ਼ ਹੋਵੇਗੀ, ਉਥੇ ਹੀ ਕਲੰਕ ਦੀ ਰਿਲੀਜ਼ ਡੇਟ ਅਗਲੇ ਸਾਲ 19 ਅਪ੍ਰੈਲ ਤੈਅ ਹੋਈ ਹੈ।