Coolie film scene Painting made on the wall on the

ਮੁੰਬਈ: ਸਦੀ ਦੇ ਮਹਾਨਾਇਕ ਅਮਿਤਾਭ ਬਚਨ ਅੱਜ 11 ਅਕਤੂਬਰ ਨੂੰ ਅਪਣਾ 77ਵਾਂ ਜਨਮ ਦਿਨ ਮਨਾ ਰਹੇ ਹਨ। ਇਸ ਖ਼ਾਸ ਮੌਕੇ ‘ਤੇ ਉਹਨਾਂ ਦੇ ਪ੍ਰਸ਼ੰਸਕਾਂ ਵੱਲੋਂ ਉਹਨਾਂ ਨੂੰ ਜਨਮ ਦਿਨ ਦੀਆਂ ਵਧਾਈਆਂ ਦਿੱਤੀਆਂ ਜਾ ਰਹੀਆਂ ਹਨ। ਇਸ ਦੇ ਨਾਲ ਹੀ ਉਹਨਾਂ ਦੇ ਪ੍ਰਸ਼ੰਸਕਾਂ ਨੇ ਦੀਵਾਰ ‘ਤੇ ਉਹਨਾਂ ਦਾ ਪੋਸਟਰ ਬਣਾਇਆ ਹੈ। ਇਸ ਪੋਸਟਰ ਵਿਚ ਅਮਿਤਾਭ ਦੀ ਫਿਲਮ ਕੁਲੀ ਦਾ ਦ੍ਰਿਸ਼ ਹੈ।

ਬਿਗ ਬੀ ਨੂੰ ਜਨਮ ਦਿਨ ‘ਤੇ ਇਹ ਅਨੋਖਾ ਤੋਹਫ਼ਾ ਚਿੱਤਰਕਾਰ ਅਭਿਸ਼ੇਕ ਕੁਮਾਰ ਸਿੰਘ ਅਤੇ ਉਹਨਾਂ ਦੀ ਟੀਮ ਨੇ ਦਿੱਤਾ ਹੈ। ਚਿੱਤਰਕਾਰਾਂ ਨੇ ਮੁੰਬਈ ਦੀ ਮਲਾਡ-ਗੋਰੇਗਾਓਂ ਵੈਸਟਰਨ ਐਕਸਪ੍ਰੈਸਵੇਅ ਦੀ ਦੀਵਾਰ ‘ਤੇ ‘ਕੁਲੀ’ ਫ਼ਿਲਮ ਦਾ ਇਕ ਸੀਨ ਦਿਖਾਇਆ ਹੈ। ਅਮਿਤਾਭ ਦੇ ਇਸ ਚਿੱਤਰ ਨੂੰ ਦੀਵਾਰ ‘ਤੇ ਉਤਾਰਨ ਵਾਲੇ ਚਿੱਤਰਕਾਰ ਅਭਿਸ਼ੇਕ ਕੁਮਾਰ ਸਿੰਘ ਨੇ ਦੱਸਿਆ ਕਿ ਉਹ ਮੁੰਬਈ ਦੀਆਂ ਉਚੀਆਂ-ਉਚੀਆਂ ਕੰਧਾਂ ‘ਤੇ ਪੋਸਟਰ ਬਣਾਉਦੇ ਆ ਰਹੇ ਹਨ। ਅਪਣੇ ਇਹਨਾਂ ਚਿੱਤਰਾਂ ਨਾਲ ਉਹ ਕਈ ਮੁੱਦਿਆਂ ਨੂੰ ਲੋਕਾਂ ਦੇ ਸਾਹਮਣੇ ਰੱਖਦੇ ਹਨ।

ਦੱਸ ਦਈਏ ਕਿ ਅਮਿਤਾਭ ਬਚਨ ਅੱਜ ਅਪਣਾ 77ਵਾਂ ਜਨਮ ਦਿਨ ਮਨਾ ਰਹੇ ਹਨ। ਇਸ ਮੌਕੇ ‘ਤੇ ਬਾਲੀਵੁੱਡ ਦੀਆਂ ਕਈ ਹਸਤੀਆਂ ਨੇ ਟਵੀਟ ਕਰਕੇ ਉਹਨਾਂ ਨੂੰ ਜਨਮ ਦਿਨ ਦੀਆਂ ਵਧਾਈਆਂ ਦਿੱਤੀਆਂ। ਅਮਿਤਾਭ ਬਚਨ ਨੇ ਅਪਣੇ ਫਿਲਮੀ ਕੈਰੀਅਰ ਦੀ ਸ਼ੁਰੂਆਤ 1969 ਵਿਚ ਅਪਣੀ ਫਿਲਮ ‘ਸਾਤ ਹਿੰਦੋਸਤਾਨੀ’ ਨਾਲ ਕੀਤੀ ਸੀ। ਪਿਛਲੇ 5 ਦਹਾਕਿਆਂ ਤੋਂ ਉਹ ਫਿਲਮ ਇੰਡਸਟਰੀ ਦਾ ਹਿੱਸਾ ਹਨ। ਉਹਨਾਂ ਨੇ ਬਾਲੀਵੁੱਡ ਫਿਲਮ ਜਗਤ ਨੂੰ ਕਈ ਵੱਡੀਆਂ ਫਿਲਮਾਂ ਦਿੱਤੀਆਂ ਹਨ।  

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ