ਨਵੀਂ ਦਿੱਲੀ: ਬਾਲੀਵੁੱਡ ਅਦਾਕਾਰ ਈਸ਼ਾ ਦਿਓਲ ਨੇ ਬੇਟੀ ਨੂੰ ਜਨਮ ਦਿੱਤਾ ਹੈ। ਈਸ਼ਾ ਦਿਓਲ ਅਤੇ ਭਰਤ ਤਖ਼ਤਾਨੀ ਨੇ ਬੇਟੀ ਦਾ ਨਾਮ ਮਿਰਾਇਆ ਰੱਖਿਆ ਹੈ। ਅਦਾਕਾਰ ਧਰਮਿੰਦਰ ਅਤੇ ਪਤਨੀ ਹੇਮਾ ਮਾਲਿਨੀ ਨਾਲ ਮੁੰਬਈ ਦੇ ਹਿੰਦੂਜਾ ਹਸਪਤਾਲ ਵਿਚ ਅਪਣੀ ਪਿਆਰੀ ਦੋਹਤੀ ਨੂੰ ਮਿਲਣ ਲਈ ਪਹੁੰਚੇ ਹਨ। ਧਰਮਿੰਦਰ ਅਤੇ ਹੇਮਾ ਦੀ ਹਸਪਤਾਲ ਤੋਂ ਬਾਹਰ ਦੀ ਫੋਟੋ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਜਨਤਕ ਹੋਈ ਹੈ। ਉਹਨਾਂ ਦੀ ਇਸ ਫੋਟੋ ਨੂੰ ਚਹੇਤਿਆਂ ਵੱਲੋਂ ਬਹੁਤ ਪਿਆਰ ਮਿਲ ਰਿਹਾ ਹੈ।
ਆਏ ਦਿਨ ਧਰਮਿੰਦਰ ਸੋਸ਼ਲ ਮੀਡੀਆ 'ਤੇ ਹਮੇਸ਼ਾ ਅਪਣੀ ਫੋਟੋ ਅਤੇ ਵੀਡੀਉ ਨਾਲ ਸੁਰਖ਼ੀਆਂ ਵਿਚ ਹੀ ਰਹਿੰਦੇ ਹਨ। ਦਸ ਦਈਏ ਕਿ 10 ਜੂਨ ਨੂੰ ਈਸ਼ਾ ਦਿਓਲ ਦੇ ਘਰ ਉਹਨਾਂ ਦੀ ਦੂਜੀ ਪੁੱਤਰੀ ਨੇ ਜਨਮ ਲਿਆ ਹੈ। ਈਸ਼ਾ ਨੇ ਇਸ ਦੀ ਜਾਣਕਾਰੀ ਮੰਗਲਵਾਰ ਨੂੰ ਅਪਣੇ ਇੰਸਟਾਗ੍ਰਾਮ ਅਕਾਉਂਟ ਦੇ ਜ਼ਰੀਏ ਦਿੱਤੀ। ਈਸ਼ਾ ਨੇ ਇੰਸਟਾਗ੍ਰਾਮ 'ਤੇ ਅਪਣੀ ਬੇਟੀ ਦਾ ਨਾਮ ਵੀ ਫੈਨਸ ਨਾਲ ਸ਼ੇਅਰ ਕੀਤਾ ਹੈ।
ਈਸ਼ਾ ਦਿਓਲ ਅਤੇ ਭਰਤ ਤਖ਼ਤਾਨੀ ਨੇ ਅਪਣੀ ਦੂਜੀ ਬੇਟੀ ਦਾ ਨਾਮ ਮਿਰਾਇਆ ਤਖ਼ਤਾਨੀ ਰੱਖਿਆ ਹੈ। ਈਸ਼ਾ ਨੇ ਪੋਸਟ ਨੂੰ ਫੈਨਸ ਨਾਲ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਵਿਚ ਸੱਭ ਦੇ ਪਿਆਰ ਅਤੇ ਅਸ਼ੀਰਵਾਦ ਦਾ ਧੰਨਵਾਦ ਕੀਤਾ ਹੈ। ਬਾਲੀਵੁੱਡ ਅਦਾਕਾਰ ਈਸ਼ਾ ਦਿਓਲ ਨੇ 2012 ਵਿਚ ਬਿਜ਼ਨੈਸਮੈਨ ਭਰਤ ਤਖ਼ਤਾਨੀ ਨਾਲ ਵਿਆਹ ਕਰਵਾਇਆ ਸੀ। ਮਿਰਾਇਆ ਤੋਂ ਇਲਾਵਾ ਈਸ਼ਾ ਅਤੇ ਭਰਤ ਦੀ ਇਕ ਹੋਰ ਬੇਟੀ ਹੈ ਰਾਧਿਆ।
ਈਸ਼ਾ ਦਿਓਲ ਨੇ 2002 ਵਿਚ ਫ਼ਿਲਮ ਇੰਡਸਟਰੀ ਵਿਚ ਕਦਮ ਰੱਖਿਆ ਸੀ। ਉਹਨਾਂ ਦੀ ਪਹਿਲੀ ਫ਼ਿਲਮ ਕੋਈ ਮੇਰੇ ਦਿਲ ਸੇ ਪੁੱਛੇ ਸੀ। ਦਸ ਦਈਏ ਕਿ ਉਹਨਾਂ ਨੇ ਧੂਮ, ਯੂਵਾ, ਨੋ ਐਂਟਰੀ ਵਰਗੀਆਂ ਫ਼ਿਲਮਾਂ ਵਿਚ ਕੰਮ ਕੀਤਾ ਹੈ। ਈਸ਼ਾ ਅਤੇ ਅਪਣੀ ਦੋਹਤੀ ਨੂੰ ਮਿਲਣ ਧਰਮਿੰਦਰ ਅਤੇ ਪਤਨੀ ਹੇਮਾ ਹਸਪਤਾਲ ਪਹੁੰਚੇ ਹਨ।