Ranbir Kapoor & Deepika Padukon

ਮੁੰਬਈ : ਦੀਪੀਕਾ ਪਾਦੁਕੋਣ ਅਤੇ ਰਣਬੀਰ ਕਪੂਰ ਦੇ ਫੈਨਸ ਲਈ ਇਕ ਵੱਡੀ ਖੁਸ਼ ਖਬਰੀ ਸਾਹਮਣੇ ਆਈ ਹੈ। ਕਿਹਾ ਜਾ ਰਿਹਾ ਹੈ ਕਿ ਰਣਬੀਰ ਕਪੂਰ ਅਤੇ ਦੀਪੀਕਾ ਛੇਤੀ ਹੀ ਲਵ ਰੰਜਨ ਦੀ ਅਗਲੀ ਫਿਲਮ ਵਿਚ ਇਕੱਠੇ ਦਿਖਣਗੇ। ਲਵ ਰੰਜਨ ਦੀ ਅਗਲੀ ਫਿਲਮ ਵਿਚ ਰਣਬੀਰ ਕਪੂਰ ਅਤੇ ਅਜੇ ਦੇਵਗਨ ਲੀਡ ਰੋਲ ਵਿਚ ਨਜ਼ਰ ਆਉਣਗੇ। ਦੀਪੀਕਾ ਪਾਦੁਕੋਣ ਫੀਮੇਲ ਲੀਡ ਰੋਲ ਨਿਭਾਏਗੀ। 

ਰਣਬੀਰ ਕਪੂਰ ਅਤੇ ਦੀਪੀਕਾ ਪਾਦੁਕੋਣ ਆਖਰੀ ਵਾਰ ਇਮਤਿਆਜ਼ ਅਲੀ ਦੀ ਫਿਲਮ ‘ਤਮਾਸ਼ਾ’ ਵਿਚ ਨਜ਼ਰ ਆਏ ਸਨ ਅਤੇ ਫਿਲਮ ਨੇ ਲੋਕਾਂ ਨੂੰ ਬਹੁਤ ਆਕਰਸ਼ਿਤ ਕੀਤਾ ਸੀ। ਇਹ ਅਪਣੇ ਸਮੇਂ 'ਚ ਸਭ ਤੋਂ ਵਧੀਆ ਫਿਲਮਾਂ ਵਿਚੋਂ ਇਕ ਸੀ। ਇਸ ਤੋਂ ਪਹਿਲਾਂ ਦੋਵੇਂ ਅਯਾਨ ਮੁਖਰਜੀ ਦੀ ਫਿਲਮ ‘ਇਹ ਜਵਾਨੀ ਹੈ ਦੀਵਾਨੀ’ ਵਿਚ ਵਿਖੇ ਸਨ ਅਤੇ ਇਸ ਫਿਲਮ ਨੂੰ ਵੀ ਦਰਸ਼ਕਾਂ ਨੇ ਕਾਫ਼ੀ ਪਿਆਰ ਦਿਤਾ ਸੀ। ਰਣਬੀਰ ਅਤੇ ਦੀਪੀਕਾ ਦੀ ਆਨਸਕਰੀਨ ਕੈਮਿਸਟਰੀ ਹੋਵੇ ਜਾਂ ਫਿਲਮ ਦੀ ਸਟੋਰੀਲਾਇਨ ਵਿਚ ਟ੍ਰੈਵਲ ਬੱਗ ਦਰਸ਼ਕਾਂ ਦੇ ਕੋਲ ਫਿਲਮ ਨੂੰ ਪਸੰਦ ਕਰਨ ਦੇ ਕਈ ਕਾਰਨ ਹਨ।  

ਤੁਹਾਨੂੰ ਦੱਸ ਦਈਏ ਕਿ ਰਣਬੀਰ ਕਪੂਰ ਅਤੇ ਦੀਪੀਕਾ ਪਾਦੁਕੋਣ ਦੇ ਬ੍ਰੇਕਅਪ ਤੋਂ ਬਾਅਦ ਹੁਣ ਫੈਨਸ ਨੇ ਇਸ ਜੋੜੀ ਨੂੰ ਨਾਲ ਵਿਚ ਦੇਖਣ ਦੀ ਉਂਮੀਦ ਛੱਡ ਦਿਤੀ ਸੀ। ਇਹ ਜੋੜੀ ਲੰਬੇ ਸਮੇਂ ਤੋਂ ਕਿਸੇ ਫਿਲਮ ਵਿਚ ਨਜ਼ਰ  ਨਹੀਂ ਆਈ ਸੀ। ਹੁਣ ਇਸ ਖਬਰ ਤੋਂ ਦੀਪੀਕਾ ਅਤੇ ਰਣਬੀਰ ਦੇ ਫੈਨਸ ਕਾਫ਼ੀ ਐਕਸਾਇਟਡ ਹਨ। ਲਵ ਰੰਜਨ ਦੀ ਇਸ ਫ਼ਿਲਮ ਦੀ ਸ਼ੂਟਿੰਗ, ਸਾਲ 2019 ਦੇ ਵਿਚਕਾਰ ਵਿਚ ਸ਼ੁਰੂ ਹੋਵੇਗੀ। ਤੱਦ ਤੱਕ ਦੀਪੀਕਾ ਮੇਘਨਾ ਗੁਲਜਾਰ ਦੀ ਅਗਲੀ ਫ਼ਿਲਮ ਛਪਾਕ ਦੀ ਸ਼ੂਟਿੰਗ ਵੀ ਖ਼ਤਮ ਕਰ ਲਵੇਗੀ।