Ranveer Singh and Deepika Padukone

ਮੰਬਈ : ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਨ ਜਿਸ ਦੇ ਵਿਆਹ ਬੜੇ ਚਿਰਾਂ ਤੋਂ ਇੰਤਜਾਰ ਕੀਤਾ ਜਾ ਰਿਹਾ ਸੀ, ਆਖ਼ਰਕਾਰ ਉਹ ਦਿਨ ਵੀ ਆ ਗਿਆ ਹੈ।
ਬਾਲੀਵੁਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਅਤੇ ਰਣਵੀਰ ਸਿੰਘ ਦੋਵੇਂ ਆਪਸ ਵਿਚ 20 ਨਵੰਬਰ ਨੂੰ ਵਿਆਹ ਦੇ ਜੋੜ ਵਿਚ ਬੱਝ ਜਾਣਗੇ। ਰਣਵੀਰ ਸਿੰਘ ਅਤੇ ਦੀਪਿਕਾ ਬਾਲੀਵੁੱਡ ਦੀ ਇਕ ਬਹੁਤ ਮਸ਼ਹੂਰ ਜੋੜੀ ਹੈ ਅਤੇ ਇੰਨ੍ਹਾਂ ਦਾ ਕੰਮ ਲੋਕਾਂ ਨੂੰ ਬਹੁਤ ਹੀ ਪਸੰਦ ਹੈ। ਉਕਤ ਜੋੜੀ ਦਾ 20 ਨਵੰਬਰ ਨੂੰ ਇਟਲੀ ਦੇ ਲੇਕ ਕੋਮੋ ਵਿਖੇ ਵਿਆਹ ਹੋਵੇਗਾ। ਫ਼ਿਲਮ ਜਗਤ ਦੀ ਇਸ ਵੱਡੀ ਖ਼ਬਰ ਦਾ ਪੱਖ ਰਖਦੇ ਅਦਾਕਾਰ ਕਬੀਰ ਬੇਦੀ ਨੇ ਆਪਣੇ ਟਵਿੱਟਰ ਖਾਤੇ 'ਚੋ ਉਕਤ ਜੋੜੀ ਨੂੰ ਵਿਆਹ ਦੀਆਂ ਵਧਾਈਆਂ ਦਿੰਦੇ

ਹੋਏ ਉਨ੍ਹਾਂ ਟੈਗ ਵੀ ਕੀਤਾ ਹੈ ਅਤੇ ਉਨ੍ਹਾਂ ਦੋਵਾਂ ਦੇ ਵਧੀਆ ਭਵਿੱਖ ਦੀ ਆਸ ਵੀ ਕੀਤੀ ਹੈ। ਜਾਣਕਾਰੀ ਅਨੁਸਾਰ ਦੀਪਿਕਾ ਅਤੇ ਰਣਵੀਰ ਪਿਛਲੇ 6 ਸਾਲ ਤੋਂ ਇਕ ਦੂਜੇ ਨਾਲ ਰਿਸ਼ਤੇ ਵਿਚ ਰਹਿ ਰਹੇ ਹਨ, ਪਰ ਕਦੇ ਵੀ ਇੰਨ੍ਹਾਂ ਨੇ ਆਪਣੇ ਬਾਰੇ ਜਗ ਜ਼ਾਹਰ ਨਹੀਂ ਕੀਤਾ ਜਦਕਿ ਇੰਨ੍ਹਾਂ ਦੋਵਾਂ ਨੇ ਕਈ ਫ਼ਿਲਮਾਂ ਜਿਵੇਂ ''ਪਦਮਾਵੱਤ'', ਗੋਲੀਆਂ ਦੀ ਰਾਸਲੀਲਾ-ਰਾਮਲੀਲਾ ਅਤੇ ਬਾਜੀਰਾਵ ਮਸਤਾਨੀ ਵਰਗੀਆਂ ਸੁਪਰਹਿੱਟ ਫ਼ਿਲਮਾਂ ਵਿਚ ਇਕੱਠੇ ਕੰਮ ਵੀ ਕੀਤਾ ਹੈ।                        (ਏਜੰਸੀ)