Miss Universe 2023: Top 10 ਦੀ ਲਿਸਟ 'ਚੋਂ ਬਾਹਰ ਹੋਈ ਭਾਰਤ ਦੀ ਸ਼ਵੇਤਾ ਸ਼ਾਰਦਾ, ਫਾਈਨਲ ਤੱਕ ਦਾ ਸਫ਼ਰ ਖ਼ਤਮ 

Miss Universe 2023: ਮਿਸ ਯੂਨੀਵਰਸ ਇੰਡੀਆ ਸ਼ਵੇਤਾ ਸ਼ਾਰਦਾ ਅਤੇ ਮਿਸ ਯੂਨੀਵਰਸ ਪਾਕਿਸਤਾਨ ਏਰਿਕਾ ਰੌਬਿਨ ਦਾ ਮਿਸ ਯੂਨੀਵਰਸ 2023 ਦੇ ਫਾਈਨਲ ਤੱਕ ਦਾ ਸਫ਼ਰ ਖਤਮ ਹੋ ਗਿਆ ਹੈ। ਇਹ ਸੁੰਦਰੀਆਂ ਟਾਪ 10 ਲਈ ਕੁਆਲੀਫਾਈ ਕਰਨ ਵਿਚ ਅਸਫ਼ਲ ਰਹੀਆਂ। ਮਿਸ ਯੂਨੀਵਰਸ ਦਾ ਖਿਤਾਬ ਕਿਸ ਦੇ ਨਾਮ ਹੋਵੇਗਾ? ਇਸ ਸਵਾਲ ਦਾ ਜਵਾਬ ਹੁਣ ਕੁਝ ਘੰਟਿਆਂ ਵਿਚ ਮਿਲ ਜਾਵੇਗਾ। 72ਵੇਂ ਮਿਸ ਯੂਨੀਵਰਸ ਮੁਕਾਬਲੇ ਦਾ ਫਾਈਨਲ ਈਵੈਂਟ ਅਲ ਸਲਵਾਡੋਰ ਦੀ ਰਾਜਧਾਨੀ ਸਾਨ ਸਲਵਾਡੋਰ ਦੇ ਜੋਸ ਅਡੋਲਫੋ ਪਿਨੇਡਾ ਅਰੇਨਾ ਵਿਖੇ ਆਯੋਜਿਤ ਕੀਤਾ ਜਾ  ਰਿਹਾ ਹੈ। 

18 ਨਵੰਬਰ ਨੂੰ ਹੋਣ ਵਾਲੇ ਇਸ ਮੁਕਾਬਲੇ 'ਚ 90 ਵੱਖ-ਵੱਖ ਦੇਸ਼ਾਂ ਦੇ ਪ੍ਰਤੀਯੋਗੀ ਅਮਰੀਕਾ ਦੇ ਆਰ.ਬੋਨੀ ਗੈਬਰੀਅਲ ਦੀ ਜਗ੍ਹਾ ਖਿਤਾਬ ਲਈ ਮੁਕਾਬਲਾ ਕਰਦੇ ਨਜ਼ਰ ਆ ਰਹੇ ਹਨ। ਮਿਸ ਯੂਨੀਵਰਸ 2023 ਦਾ ਪ੍ਰੋਗਰਾਮ 19 ਨਵੰਬਰ ਨੂੰ ਭਾਰਤੀ ਸਮੇਂ ਮੁਤਾਬਕ ਸਵੇਰੇ 6:30 ਵਜੇ ਸ਼ੁਰੂ ਹੋ ਗਿਆ ਹੈ। ਭਾਰਤ ਦੀ ਸ਼ਵੇਤਾ ਸ਼ਾਰਦਾ ਨੇ ਸੈਮੀਫਾਈਨਲ ਰਾਊਂਡ ਤੱਕ ਕੁਆਲੀਫਾਈ ਕਰ ਲਿਆ ਸੀ ਪਰ ਸ਼ਵੇਤਾ ਦਾ ਨਾਂ ਟਾਪ 10 ਫਾਈਨਲਿਸਟਾਂ ਦੀ ਸੂਚੀ 'ਚ ਨਹੀਂ ਹੈ। ਉਹ ਇਸ ਲਈ ਕੁਆਲੀਫਾਈ ਨਹੀਂ ਕਰ ਸਕੀ ਹੈ। 

ਇਸ ਵਾਰ ਮਿਸ ਯੂਨੀਵਰਸ ਦੀ ਚੋਣ ਲਈ ਪ੍ਰਤੀਯੋਗਿਤਾ ਵਿਚ ਭਾਗ ਲੈਣ ਵਾਲੇ ਪ੍ਰਤੀਯੋਗੀਆਂ ਨੂੰ ਵੱਖ-ਵੱਖ ਪੜਾਵਾਂ ਵਿਚੋਂ ਲੰਘਣਾ ਹੋਵੇਗਾ। ਇਸ ਵਿਚ ਨਿੱਜੀ ਬਿਆਨ, ਇੰਟਰਵਿਊ, ਸ਼ਾਮ ਦੇ ਗਾਊਨ ਅਤੇ ਤੈਰਾਕੀ ਦੇ ਕੱਪੜਿਆਂ ਵਿਚ ਪੇਸ਼ਕਾਰੀਆਂ ਸ਼ਾਮਲ ਹਨ। ਸਭ ਤੋਂ ਵੱਧ ਉਡੀਕਿਆ ਜਾਣ ਵਾਲਾ ਮੁਕਾਬਲਾ ਜੈਨੀ ਮਾਏ ਜੇਨਕਿੰਸ ਅਤੇ ਮਾਰੀਆ ਮੇਨੂਨੋਸ ਅਤੇ ਸਾਬਕਾ ਮਿਸ ਯੂਨੀਵਰਸ ਓਲੀਵੀਆ ਕਲਪੋ ਦੁਆਰਾ ਆਯੋਜਿਤ ਕੀਤਾ ਗਿਆ ਹੈ।  

ਮਸ਼ਹੂਰ 12 ਵਾਰ ਦੇ ਗ੍ਰੈਮੀ ਵਿਜੇਤਾ ਜੌਹਨ ਲੀਜੈਂਡ ਆਪਣੇ ਸੰਗੀਤ ਨਾਲ ਇਕੱਠ ਨੂੰ ਲੁਭਾਉਣਗੇ। ਇਸ ਸਾਲ ਮਿਸ ਯੂਨੀਵਰਸ ਮੁਕਾਬਲੇ ਵਿਚ ਲਗਭਗ 84 ਪ੍ਰਤੀਯੋਗੀ ਹਿੱਸਾ ਲੈ ਰਹੇ ਹਨ। ਤੁਹਾਨੂੰ ਦੱਸ ਦਈਏ ਕਿ ਸਵਿਮਸੂਟ ਰਾਊਂਡ ਪੂਰਾ ਹੋ ਚੁੱਕਾ ਹੈ। ਸੈਮੀਫਾਈਨਲ ਲਈ ਚੁਣੇ ਗਏ 20 ਪ੍ਰਤੀਯੋਗੀਆਂ 'ਚ ਸ਼ਵੇਤਾ ਸ਼ਾਰਦਾ ਵੀ ਸ਼ਾਮਲ ਸੀ।   

(For more news apart from Miss Universe 2023,  stay tuned to Rozana Spokesman)