ਖੁੱਲ੍ਹ ਗਿਆ ਰਾਜ਼ ! ਜਾਣੋ ‘ਬਿਗ ਬਾਸ’ ਲਈ ਇਹਨਾਂ ਸਿਤਾਰਿਆਂ ਨੇ ਲਏ ਕਿੰਨੇ ਪੈਸੇ...
ਅਪਣੀ ਬਿਜ਼ੀ ਲਾਇਫ ਤੋਂ ਕੁਝ ਹੀ ਮਹੀਨਿਆਂ ਦੀ ਛੁੱਟੀ ਲੈ ਕੇ ਹੁਣ ਕੁੱਝ ਸਿਤਾਰੇ ‘ਬਿਗ ਬਾਸ’ ਦੇ ਘਰ ਵਿਚ ਕੈਦ ਹੋਣ ਜਾ ਰਹੇ ਹਨ
ਨਵੀਂ ਦਿੱਲੀ: ਅਪਣੀ ਬਿਜ਼ੀ ਲਾਇਫ ਤੋਂ ਕੁਝ ਹੀ ਮਹੀਨਿਆਂ ਦੀ ਛੁੱਟੀ ਲੈ ਕੇ ਹੁਣ ਕੁੱਝ ਸਿਤਾਰੇ ‘ਬਿਗ ਬਾਸ’ ਦੇ ਘਰ ਵਿਚ ਕੈਦ ਹੋਣ ਜਾ ਰਹੇ ਹਨ, ਅਜਿਹੇ ਵਿਚ ਸਪੱਸ਼ਟ ਹੈ ਕਿ ਉਹਨਾਂ ਨੂੰ ਇਸ ਦੇ ਲਈ ਮੂੰਹ ਮੰਗੀ ਕੀਮਤ ਵੀ ਮਿਲੇਗੀ। ਇਸ ਗੱਲ ਤੋਂ ਸਾਰੇ ਜਾਣੂ ਹਨ ਕਿ ਸਲਮਾਨ ਖ਼ਾਨ ਨੂੰ ਇਸ ਸ਼ੋਅ ਲਈ ਚੰਗੀ ਕੀਮਤ ਮਿਲਦੀ ਹੈ। ਪਰ ਇਹ ਬਹੁਤ ਘੱਟ ਲੋਕ ਹੀ ਜਾਣਦੇ ਹੋਣਗੇ ਕਿ ਪ੍ਰਤੀਯੋਗੀ ਇਸ ਸ਼ੋਅ ਵਿਚ ਆਉਣ ਲਈ ਕਿੰਨੇ ਪੈਸੇ ਲੈਂਦੇ ਹਨ।
ਕਿਹੜੇ ਪ੍ਰਤੀਯੋਗੀ ਨੂੰ ਕਿੰਨੇ ਪੈਸੇ ਮਿਲਣਗੇ ਇਹ ਸਭ ਉਸ ਪ੍ਰਤੀਯੋਗੀ ਦੀ ਲੋਕਪ੍ਰਿਅਤਾ ‘ਤੇ ਨਿਰਭਰ ਕਰਦਾ ਹੈ। ‘ਬਿਗ ਬਾਸ’ ਸੀਜ਼ਨ 13 ਟੀਵੀ ‘ਤੇ ਆਉਣ ਲਈ ਬਿਲਕੁਲ ਤਿਆਰ ਹੈ। ਅਜਿਹੇ ਵਿਚ ਪਤਾ ਚੱਲਿਆ ਹੈ ਕਿ ਪਿਛਲੇ ਕੁਝ ਸੀਜ਼ਨਸ ਦੌਰਾਨ ਘਰ ਵਿਚ ਕੈਦ ਰਹਿਣ ਲਈ ਕਿਸ ਨੇ ਕਿੰਨੇ ਪੈਸੇ ਲਏ ਹਨ। ਖ਼ਬਰਾਂ ਮੁਤਾਬਕ ਟੈਲੀਵਿਜ਼ਨ ਸਟਾਰ ਸ਼ਵੇਤਾ ਤਿਵਾੜੀ ਨੂੰ ਇਸ ਘਰ ਵਿਚ ਕੈਦ ਹੋਣ ਲਈ ਹਰ ਹਫ਼ਤੇ 5 ਲੱਖ ਰੁਪਏ ਦੀ ਰਕਮ ਦਿੱਤੀ ਜਾਂਦੀ ਸੀ। ਉਹਨਾਂ ਨੇ ਬਿਗ ਬਾਸ ਸੀਜ਼ਨ 4 ਵਿਚ ਹਿੱਸਾ ਲਿਆ ਸੀ ਅਤੇ ਉਹ ਸ਼ੋਅ ਦੀ ਵਿਜੇਤਾ ਵੀ ਰਹੀ ।
‘ਧੂਮ’ ਫ਼ਿਲਮ ਦੀ ਅਦਾਕਾਰਾ ਰਿਮੀ ਸੇਨ ਨੇ ਸ਼ੋਅ ਵਿਚ ਸ਼ਾਮਲ ਹੋਣ ਲਈ ਕਥਿਤ ਤੌਰ ‘ਤੇ 2 ਕਰੋੜ ਰੁਪਏ ਦੀ ਰਾਸ਼ੀ ਸਾਇਨਿੰਗ ਅਮਾਊਂਟ ਦੇ ਤੌਰ ‘ਤੇ ਲਈ ਸੀ। ਹਾਲਾਂਕਿ ਉਹ ਸ਼ੋਅ ਵਿਚ ਜ਼ਿਆਦਾ ਵਿਵਾਦ ਪੈਦਾ ਕਰਨ ਵਿਚ ਅਸਫ਼ਲ ਰਹੀ। ‘ਯੇ ਰਿਸ਼ਤਾ ਕਿਆ ਕਹਿਲਾਤਾ ਹੈ’ ਦੀ ਸਟਾਰ ਹਿਨਾ ਖਾਨ ‘ਬਿਗ ਬਾਸ 11’ ਦੇ ਫਾਇਨਲਿਸਟ ਵਿਚੋਂ ਇਕ ਸੀ। ਖ਼ਬਰਾਂ ਮੁਤਾਬਕ ਉਹਨਾਂ ਨੂੰ ਹਰ ਹਫ਼ਤੇ 8 ਲੱਖ ਰੁਪਏ ਮਿਲਦੇ ਸੀ।
ਡਬਲਿਯੂਡਬਲਿਯੂਈ ਰੈਸਲਰ ਦਲੀਪ ਸਿੰਘ ਖਲੀ ਵੀ ਬਿਗ-ਬਾਸ ਦੇ ਸੀਜ਼ਨ 4 ਦਾ ਹਿੱਸਾ ਸਨ। ਉਹਨਾਂ ਨੂੰ ਇਕ ਹਫ਼ਤੇ ਦੇ 50 ਲੱਖ ਰੁਪਏ ਮਿਲਦੇ ਸਨ। ਸ੍ਰੀਸੰਥ: ਸਾਬਕਾ ਭਾਰਤੀ ਕ੍ਰਿਕਟਰ ਸ੍ਰੀਸੰਥ ‘ਬਿਗ ਬਾਸ ਸੀਜ਼ਨ 12’ ਵਿਚ ਸ਼ਾਮਲ ਹੋਏ ਸੀ। ਉਹਨਾਂ ਨੂੰ ਇਕ ਹਫ਼ਤੇ ਦੇ 50 ਲੱਖ ਰੁਪਏ ਮਿਲਦੇ ਸੀ। ਸ਼ਿਲਪਾ ਸ਼ਿੰਦੇ: ਸੀਜ਼ਨ 11 ਦੀ ਵਿਜੇਤਾ ਨੂੰ ਇਕ ਹਫ਼ਤੇ ਲਈ ਲਗਭਗ 6-7 ਲੱਖ ਰੁਪਏ ਮਿਲਦੇ ਸੀ। ਕਰਣਵੀਰ ਬੋਹਰਾ: ਖ਼ਬਰਾਂ ਮੁਤਾਬਕ ਬਿਗ ਬਾਸ 12 ਵਿਚ ਸ਼ਾਮਲ ਹੋਏ ਕਰਣਵੀਰ ਬੋਹਰਾ ਘਰ ਵਿਚ ਰਹਿਣ ਲਈ 20 ਲੱਖ ਰੁਪਏ ਲੈਂਦੇ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।