ਹੁਣ ਕੋਰੋਨਾ ਵਾਇਰਸ ‘ਤੇ ਬਣਾਈ ਰਾਮ ਗੋਪਾਲ ਵਰਮਾ ਨੇ ਫ਼ਿਲਮ, ਰਿਲੀਜ਼ ਹੋਇਆ ਟ੍ਰੇਲਰ
ਕੋਰੋਨਾ ਵਾਇਰਸ ਮਹਾਂਮਾਰੀ ਦੇ ਸਮੇਂ ਵਿਚ ਵੀ ਫਿਲਮ ਨਿਰਮਾਤਾ ਅਤੇ ਕਲਾਕਾਰ ਆਪਣੀ ਸਿਰਜਣਾਤਮਕਤਾ ਦਿਖਾ ਰਹੇ ਹਨ
ਕੋਰੋਨਾ ਵਾਇਰਸ ਮਹਾਂਮਾਰੀ ਦੇ ਸਮੇਂ ਵਿਚ ਵੀ ਫਿਲਮ ਨਿਰਮਾਤਾ ਅਤੇ ਕਲਾਕਾਰ ਆਪਣੀ ਸਿਰਜਣਾਤਮਕਤਾ ਦਿਖਾ ਰਹੇ ਹਨ। ਅਜ਼ਿਹਾ ਹੀ ਇਕ ਵਾਰ ਫਿਕ ਦੇਖਣ ਨੂੰ ਮਿਲੀਆ ਹੈ। ਦਰਅਸਲ, ਰਾਮ ਗੋਪਾਲ ਵਰਮਾ ਨੇ ਇਸ ਖਤਰਨਾਕ ਵਾਇਰਸ 'ਤੇ ਇਕ ਫਿਲਮ ਬਣਾਈ ਹੈ
ਅਤੇ ਅੱਜ ਇਸ ਫਿਲਮ ਦਾ ਟ੍ਰੇਲਰ ਵੀ ਜਾਰੀ ਕੀਤਾ ਗਿਆ ਹੈ। ਇਸ ਤੇਲਗੂ ਫਿਲਮ ਦਾ ਨਾਮ ਕੋਰੋਨਾ ਵਾਇਰਸ ਹੈ ਅਤੇ ਇਸ ਫਿਲਮ ਦੇ ਨਾਲ, ਕੋਰੋਨਾ ਵਾਇਰਸ 'ਤੇ ਪਹਿਲੀ ਫਿਲਮ ਰਿਲੀਜ਼ ਲਈ ਤਿਆਰ ਹੈ।
ਰਾਮ ਗੋਪਾਲ ਵਰਮਾ ਨੇ ਆਪਣੇ ਖੂਬਸੂਰਤ ਅੰਦਾਜ਼ ਵਿਚ ਟਵੀਟ ਕਰਦਿਆਂ ਕਿਹਾ ਕਿ ਇੱਥੇ ਕੋਰੋਨਾ ਵਾਇਰਸ ਫਿਲਮ ਦਾ ਟ੍ਰੇਲਰ ਹੈ। ਇਸ ਕਹਾਣੀ ਦੇ ਪਿਛੋਕੜ ਵਿਚ Lockdown ਹੈ ਅਤੇ ਇਸ ਫਿਲਮ ਦੀ ਸ਼ੂਟਿੰਗ Lockdown ਵਿਚ ਵੀ ਕੀਤੀ ਗਈ ਹੈ।
ਮੈਂ ਇਹ ਸਾਬਤ ਕਰਨਾ ਚਾਹੁੰਦਾ ਸੀ ਕਿ ਕੋਈ ਵੀ ਤੁਹਾਡੇ ਕੰਮ ਨੂੰ ਨਹੀਂ ਰੋਕ ਸਕਦਾ, ਨਾ ਰੱਬ ਅਤੇ ਨਾ ਹੀ ਕੋਰੋਨਾ। ਇਸ ਟ੍ਰੇਲਰ ਵਿਚ ਇਕ ਪਰਿਵਾਰ ਦੀ ਕਹਾਣੀ ਦਿਖਾਈ ਗਈ ਹੈ। ਟ੍ਰੇਲਰ 'ਚ ਦੇਖਿਆ ਜਾ ਸਕਦਾ ਹੈ ਕਿ ਖਬਰਾਂ ਤੋਂ ਲੈ ਕੇ ਸੋਸ਼ਲ ਮੀਡੀਆ' ਤੇ ਹਰ ਜਗ੍ਹਾ ਕੋਰੋਨਾ ਦਾ ਖੌਫ਼ ਹੈ।
ਫਿਲਮ ਵਿਚ ਮੋੜ ਉਦੋਂ ਆਉਂਦਾ ਹੈ ਜਦੋਂ ਘਰ ਦੀ ਲੜਕੀ ਖੰਘਣਾ ਸ਼ੁਰੂ ਕਰ ਦਿੰਦੀ ਹੈ। ਇਸ ਤੋਂ ਬਾਅਦ ਇਹ ਪਰਿਵਾਰ ਇਸ ਸੋਚ ਵਿਚ ਪੈ ਜਾਂਦਾ ਹੈ ਕਿ ਇਸ ਲੜਕੀ ਦਾ ਕੋਰੋਨਾ ਟੈਸਟ ਹੋਣਾ ਚਾਹੀਦਾ ਹੈ ਜਾਂ ਨਹੀਂ। ਫਿਲਮ ਦੀ ਕਹਾਣੀ ਡਰ ਅਤੇ ਉਲਝਣ ਦੇ ਵਿਚਕਾਰ ਚਲਦੀ ਹੈ।
ਫਿਲਮ ਦੇ ਟ੍ਰੀਟਮੇੰਟ ਤੋਂ ਇਹ ਸਪੱਸ਼ਟ ਹੈ ਕਿ ਰਾਮ ਗੋਪਾਲ ਵਰਮਾ ਨੇ ਇਕ ਡਰਾਉਣੀ ਡਰਾਮਾ ਫਿਲਮ ਬਣਾਈ ਹੈ। ਫਿਲਮ ਵਿਚ ਰਾਮ ਗੋਪਾਲ ਵਰਮਾ ਦਾ ਟ੍ਰੇਡਮਾਰਕ ਅੰਦਾਜ਼ ਦੇਖਿਆ ਜਾ ਸਕਦਾ ਹੈ। ਇਸ ਫਿਲਮ ਵਿਚ ਸ਼੍ਰੀਕਾਂਤ ਮੁੱਖ ਭੂਮਿਕਾ ਵਿਚ ਹਨ ਅਤੇ ਇਸ ਫਿਲਮ ਦਾ ਨਿਰਮਾਣ ਸੀ.ਐੱਮ.ਕ੍ਰੀਏਸ਼ਨਜ਼ ਨੇ ਕੀਤਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।