Declared dead at birth, UP girl is KBC winner

ਨਵੀਂ ਦਿੱਲੀ: ਦੇਸ਼ ਦੇ ਸਭ ਤੋਂ ਪਸੰਦੀਦਾ ਸ਼ੋਅ ‘ਕੌਣ ਬਣੇਗਾ ਕਰੋੜਪਤੀ’ ਵਿਚ ਉੱਤਰ ਪ੍ਰਦੇਸ਼ ਦੀ ਨੂਪੁਰ ਸਿੰਘ ਨੇ ਅਮਿਤਾਭ ਬਚਨ ਦੇ 12 ਸਵਾਲਾਂ ਦੇ ਜਵਾਬ ਦਿੱਤੇ ਅਤੇ 12.50 ਲੱਖ ਰੁਪਏ ਜਿੱਤ ਲਏ। ਉੱਤਰ ਪ੍ਰਦੇਸ਼ ਦੇ ਉਨਾਵ ਜ਼ਿਲ੍ਹੇ ਦੇ ਬੀਘਾਪੁਰ ਵਿਚ ਰਹਿਣ ਵਾਲੀ ਨੂਪੁਰ ਦਾ ਜਨਮ ਕਿਸਾਨ ਰਾਮ ਕੁਮਾਰ ਦੇ ਘਰ ਹੋਇਆ ਸੀ। ਉਹਨਾਂ ਦੀ ਮਾਂ ਦਾ ਨਾਂਅ ਕਲਪਨਾ ਸਿੰਘ ਹੈ।

ਨੂਪੁਰ ਸਿੰਘ ਨੂੰ ਜਨਮ ਸਮੇਂ ਡਾਕਟਰਾਂ ਨੇ ਮ੍ਰਿਤਕ ਐਲਾਨ ਕੇ ਕੂੜੇ ਦੇ ਡੱਬੇ ਵਿਚ ਸੁੱਟ ਦਿੱਤਾ ਸੀ। ਉਸੇ ਸਮੇਂ ਇਕ ਰਿਸ਼ਤੇਦਾਰ ਨੂੰ ਬੱਚੇ ਵਿਚ ਹਰਕਤ ਦਿਖਾਈ ਦਿੱਤੀ, ਉਸ ਨੇ ਬੱਚੀ ਨੂੰ ਚੁੱਕਿਆ ਅਤੇ ਨੂਪੁਰ ਨੂੰ ਨਵਾਂ ਜੀਵਨ ਮਿਲ ਗਿਆ। ਡਾਕਟਰਾਂ ਦੀ ਇਸ ਲਾਪਰਵਾਹੀ ਦਾ ਨਤੀਜਾ ਇਸ ਬੱਚੀ ਨੂੰ ਭੁਗਤਣਾ ਪਿਆ ਅਤੇ ਇਹ ਬੱਚੀ ਸਰੀਰਕ ਪੱਖੋਂ ਕਮਜ਼ੋਰ ਹੋ ਗਈ। ਪਰ 29 ਸਾਲ ਬਾਅਦ ਇਹ ਲੜਕੀ ਸਾਰਿਆਂ ਲਈ ਮਿਸਾਲ ਬਣ ਗਈ ਹੈ।

ਨੂਪੁਰ ਦੀ ਮਾਂ ਦਾ ਕਹਿਣਾ ਹੈ ਕਿ ਉਹ ਸ਼ੁਰੂ ਤੋਂ ਹੀ ਪੜ੍ਹਾਈ ਵਿਚ ਹੁਸ਼ਿਆਰ ਰਹੀ ਹੈ ਅਤੇ ਹੁਣ ਉਹ ਪਲੇ ਗਰੁੱਪ ਵਿਚ ਬੱਚਿਆਂ ਨੂੰ ਪੜ੍ਹਾਉਂਦੀ ਹੈ। ਉਸ ਦੀ ਮਾਂ ਦਾ ਕਹਿਣਾ ਹੈ ਕਿ ਨੂਪੁਰ ਸ਼ੁਰੂ ਤੋਂ ਹੀ ਕੇਬੀਸੀ ਦੇਖਦੀ ਸੀ। ਇਸ ਦੇ ਚਲਦਿਆਂ ਹੀ ਉਸ ਨੇ ਕੇਬੀਸੀ ਵਿਚ ਜਾਣ ਦਾ ਫੈਸਲਾ ਕੀਤਾ ਅਤੇ ਹੁਣ ਉਹ ਅਪਣੀ ਕਾਮਯਾਬੀ ਤੋਂ ਕਾਫ਼ੀ ਖੁਸ਼ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।