Deep Sidhu in Rang Punjab

ਰੋਮਾਂਸ, ਐਕਸ਼ਨ ਤੇ ਥ੍ਰਿਲ ਨਾਲ ਭਰਪੂਰ ਰਿਲੀਜ਼ ਹੋਣ ਵਾਲੀ ਹੈ ਫ਼ਿਲਮ 'ਰੰਗ ਪੰਜਾਬ'।  ਤੇ ਉਸਦੀ ਇਕ ਝਲਕ ਅਸੀਂ ਟਰੇਲਰ ਰਾਹੀਂ ਦੇਖ ਹੀ ਚੁੱਕੇ ਹਾਂ। ਇਸ ਝਲਕ ਨੇ ਸਾਫ ਕਰ ਦਿੱਤਾ ਹੈ ਕਿ ਇਹ ਫ਼ਿਲਮ ਇਕ ਧਮਾਕਾ ਕਰਨ ਵਾਲੀ ਹੈ। ਪੰਜਾਬ ਦੇ ਨੌਜਵਾਨ ਨੂੰ ਸੇਧ ਦਿੰਦੀ ਹੋਈ ਇਹ ਫ਼ਿਲਮ ਵੇਕੇਯੀ ਹੀ ਇਕ ਬਹੁਤ ਵਧੀਆ ਸੰਦੇਸ਼ ਦਏਗੀ। ਪੰਜਾਬ ਦਾ ਇਕ ਅਣਡਿੱਠਾ ਰੰਗ ਫੇਰ ਚਾਹੇ ਉਹ ਸਿਸਟਮ ਨੂੰ ਲੈ ਕੇ ਹੋਵੇ। ਜਾਂ ਫੇਰ ਸਿਸਟਮ ਨੂੰ ਬਦਲਣ ਦਾ ਹੌਸਲਾਂ ਰੱਖਣ ਵਾਲੇ ਨੌਜਵਾਨਾਂ ਨੂੰ ਲੈ ਕੇ, ਹਰ ਰੰਗ  ਦਿਖਾਉਣ ਆ ਰਹੀ ਹੈ ਫ਼ਿਲਮ ਰੰਗ ਪੰਜਾਬ। 

ਕਾਮੇਡੀ, ਪੁਰਾਤਨ ਪੰਜਾਬ ਅਤੇ ਰੁਮਾਂਟਿਕ ਫ਼ਿਲਮਾਂ ਦੇ ਦੌਰ 'ਚ ਇਸ ਕੋਲੋਂ ਇਕ ਵੱਖਰੀ ਤਰਾਂਹ ਦਾ ਸਿਨੇਮਾ ਪੇਸ਼ ਕਰਨ ਦੇ ਕਿਆਸ ਲਗਾਏ ਜਾ ਰਹੇ ਸਨ ਤੇ ਪੰਜਾਬ ਦੇ ਅੱਜ ਦੇ ਹਾਲਤਾਂ ਨਾਲ ਸਬੰਧਿਤ ਇਸ ਫ਼ਿਲਮ ਦੇ ਟਰੇਲਰ ਨੇ ਇਨ੍ਹਾਂ ਨੂੰ ਪੂਰਾ ਕਰ ਦਿੱਤਾ ਹੈ। ਫਿਲਮ 'ਚ ਜੋ ਮੁੱਖ ਕਿਰਦਾਰ ਤੁਹਾਨੂੰ ਨਜ਼ਰ ਆਏਗਾ ਉਹ ਹੋਵੇਗਾ ਜੋਰਾ 10 ਨੰਬਰੀਆ' ਵਾਲੇ ਦੀਪ ਸਿੱਧੂ ਦਾ।. ਜੋਰਾ 10 ਨੰਬਰੀਆ ਫ਼ਿਲਮ ਰਾਹੀਂ ਲਾਇਮ ਲਾਈਟ 'ਚ ਆਏ  ਦੀਪ ਸਿੱਧੂ ਹੁਣ ਇਸ ਫਿਲਮ ਨੂੰ ਲੈ ਕੇ ਵੀ ਖ਼ੂਬ ਸੁਰਖੀਆਂ ਬਤੋਰ ਰਹੇ ਨੇ...ਤੇ ਟਰੇਲਰ ਦੇਖ ਤੋਂ ਬਾਅਦ ਤਾਂ ਉਨ੍ਹਾਂ ਦੀ ਅਦਾਕਾਰੀ ਦੀ ਸਰਾਹਨਾ ਤਾਂ ਬਣਦੀ ਹੀ ਹੈ। 

ਦੀਪ ਸਿੱਧੂ ਤੋਂ ਇਲਾਵਾ ਕਰਤਾਰ ਚੀਮਾ, ਕਮਲ ਵਿਰਕ, ਹੌਬੀ ਧਾਲੀਵਾਲ, ਜਗਜੀਤ ਸੰਧੂ, ਧੀਰਜ ਕੁਮਾਰ, ਬਨਿੰਦਰ ਬਨੀ, ਅਸ਼ੀਸ਼ ਦੁੱਗਲ, ਮਹਾਂਵੀਰ ਭੁੱਲਰ, ਜਗਜੀਤ ਸਿੰਘ ਅਤੇ ਗੁਰਜੀਤ ਸਿੰੰਘ ਸਿੰਘ ਇਸ ਫਿਲਮ 'ਚ ਅਹਿਮ ਭੂਮਿਕਾ ਵਿੱਚ ਨਜ਼ਰ ਆਉਂਣਗੇ।