Dakuan Da Munda Actress

ਇੱਕ ਸਮਾਂ ਸੀ ਜਦ ਪੰਜਾਬੀ ਫਿਲਮ ਇੰਡਸਟਰੀ ਸਿਰਫ ਮਰਦ ਪ੍ਰਦਾਨ ਸੀ। ਪਰ ਅੱਜ ਕੱਲ ਸਭ ਬਦਲ ਚੁੱਕਾ ਹੈ ਔਰਤਾਂ ਨੂੰ ਵੀ ਸਕਰਿਪਟ ਵਿੱਚ ਬਰਾਬਰ ਦੀ ਮਹੱਤਤਾ ਦਿੱਤੀ ਜਾ ਰਹੀ ਹੈ। ਹਾਲ ਦੇ ਸਮੇਂ ਵਿਚ ਅਸੀਂ ਦੇਖ ਰਹੇ ਹਾਂ ਕਿ ਬਹੁਤ ਸਾਰੀਆਂ ਅਭਿਨੇਤਰੀਆਂ ਇਸ ਮਨੋਰੰਜਨ ਜਗਤ ਵਿੱਚ ਆਪਣੇ ਪੈਰ ਜਮਾ ਰਹੀਆਂ ਹਨ।  ਇੱਕ ਹੋਰ ਪੰਜਾਬ ਦੀ ਉੱਭਰਦੀ ਅਦਾਕਾਰਾ ਜਿਹਨਾਂ ਨੇ ਆਪਣੀ ਯੋਗਤਾ ਨੂੰ ਹਿੱਟ ਫਿਲਮ 'ਡਾਕੂਆਂ ਦਾ ਮੁੰਡਾ' ਨਾਲ ਸਾਬਿਤ ਕੀਤਾ ਹੈ, ਉਹ ਨੇ ਪੂਜਾ ਵਰਮਾ।

ਪੂਜਾ ਵਰਮਾ ਨੇ ਆਪਣਾ ਕਰਿਅਰ ਇੱਕ ਮਾਡਲ ਦੇ ਵਜੋਂ ਕਈ ਮਸਹੂਰੀਆਂ ਜਿਵੇਂ ਮਾਰੂਤੀ, ਰਿਲਾਇੰਸ,ਸੈਮਸੰਗ ਅਤੇ ਟੀ ਕਿਊ ਐਸ ਸ਼ਰਟਸ ਇਮਰਾਨ ਹਾਸ਼ਮੀ ਅਤੇ 2000 ਤੋਂ ਜਿਆਦਾ ਪ੍ਰਿੰਟ ਮੁਹਿੰਮਾਂ ਵਿੱਚ ਕੰਮ ਨਾਲ ਸ਼ੁਰੂ ਕੀਤਾ। ਇਹਨਾਂ ਨੇ ਸਾਊਥ ਇੰਡੀਅਨ ਫਿਲਮ ਕਲੇਓਪਟਰਾ ਵਿੱਚ ਵੀ ਕੰਮ ਕੀਤਾ ਹੈ। ਇਸਤੋਂ ਬਾਅਦ ਉਹਨਾਂ ਨੇ ਪੰਜਾਬੀ ਇੰਡਸਟਰੀ ਵਿੱਚ ਅਲਫਾਜ਼ ਅਤੇ ਹਨੀ ਸਿੰਘ ਦੇ ਗੀਤ ਹਾਏ ਮੇਰਾ ਦਿਲ, ਸਤਿੰਦਰ ਸਰਤਾਜ ਦੇ ਮੋਤੀਆਂ, ਪ੍ਰੀਤ ਹਰਪਾਲ ਦੇ ਕੰਗਨਾ, ਗੈਰੀ ਸੰਧੂ ਦੇ ਰਾਤਾਂ, ਕਮਲ ਹੀਰ ਦੇ ਗੀਤ ਜਿੰਦੇ ਨੀ ਜਿੰਦੇ ਅਤੇ ਸੋਨੂ ਕੱਕੜ ਦੇ ਗੀਤ ਲੜਿਆ ਨਾ ਕਰ ਵਿੱਚ ਵੀ ਕੰਮ ਕੀਤਾ।  

ਮਾਡਲਿੰਗ ਵਿੱਚ ਇੱਕ ਸਫਲ ਸਫ਼ਰ ਤੋਂ ਬਾਅਦ ਇਹਨਾਂ ਨੇ ਫ਼ਿਲਮਾਂ ਵੱਲ ਰੁੱਖ ਕੀਤਾ ਬੱਬੂ ਮਾਨ ਦੀ ਫਿਲਮ ਬਾਜ਼ ਦੇ ਨਾਲ।  ਇਹਨਾਂ ਤੋਂ ਇਲਾਵਾ ਪੂਜਾ ਵਰਮਾ ਨੇ ਮਹੇਸ਼ ਭੱਟ ਦੇ ਸ਼ੋ ਨਾਮਕਰਨ ਅਤੇ ਕਈ ਟੀ ਵੀ ਸੀਰੀਅਲਾਂ ਵਿੱਚ ਅਤੇ ਦੇਵ ਖਰੌੜ ਦੀ ਸੁਪਰਹਿੱਟ ਫਿਲਮ 'ਡਾਕੂਆਂ ਦਾ ਮੁੰਡਾ' ਵਿੱਚ ਕੰਮ ਕੀਤਾ। ਆਪਣੇ ਇਸ ਪੂਰੇ ਸਫ਼ਰ ਬਾਰੇ ਪੂਜਾ ਨੇ ਕਿਹਾ, "ਮੈਂ ਟੀ ਵੀ ਅਤੇ ਮਸਹੂਰੀਆਂ ਸਭ ਚ ਕੰਮ ਕੀਤਾ ਹੈ ਪਰ ਪੰਜਾਬੀ ਇੰਡਸਟਰੀ ਵਿੱਚ ਕੰਮ ਕਰਨਾ ਇੱਕ ਸਨਮਾਨ ਦੀ ਗੱਲ ਹੈ।  

ਕਿਉਂਕਿ ਜਿਸ ਹੱਦ ਤੱਕ ਦਾ ਕਦਰ ਅਤੇ ਸਨਮਾਨ ਇੱਥੇ ਕਲਾਕਾਰਾਂ ਨੂੰ ਦਿੱਤੀ ਜਾਂਦੀ ਹੈ ਉਹ ਕਾਬਿਲ ਏ ਤਾਰੀਫ ਹੈ।  ਜਿਵੇਂ ਕਿ ਹੁਣ ਇਹ ਇੰਡਸਟਰੀ ਲਗਾਤਾਰ ਤਰੱਕੀ ਕਰ ਰਿਹਾ ਹੈ।  ਮੈਂ ਇਸ ਜਗਤ ਦਾ ਹਿੱਸਾ ਬਣਨ ਲਈ ਬਹੁਤ ਹੀ ਜਿਆਦਾ ਉਤਸ਼ਾਹਿਤ ਹਾਂ।  ਹਲੇ ਤੱਕ ਦਾ ਪੂਰਾ ਅਨੁਭਵ ਬਹੁਤ ਹੀ ਜਬਰਦਸਤ ਰਿਹਾ ਹੈ।  ਤੇ ਜਿਸ ਤਰਾਂ ਦਾ ਹੁੰਗਾਰਾ ਡਾਕੂਆਂ ਦਾ ਮੁੰਡਾ ਨੂੰ ਮਿਲਿਆ ਹੈ ਉਹ ਸਾਡੇ ਲਈ ਉਮੀਦਾਂ ਤੋਂ ਵੀ ਪਰੇ ਹੈ।  ਮੈਂ ਇਹਨਾਂ ਸਾਲਾਂ ਵਿੱਚ ਬਹੁਤ ਕੁਝ ਸਿੱਖਿਆ ਹੈ।

ਹੁਣ ਮੈਂ ਸਿਰਫ ਇਹੀ ਚਾਹੁੰਦੀ ਹਾਂ ਕਿ ਇਸੇ ਤਰਾਂ ਦੀਆਂ ਫ਼ਿਲਮ ਅੱਗੇ ਵੀ ਬਣਦੀਆਂ  ਰਹਿਣ ਅਤੇ ਮੈਨੂੰ ਇਸ ਤਰਾਂ ਦੇ ਮਜਬੂਤ ਕਿਰਦਾਰ ਨਿਭਾਉਣ ਦਾ ਮੌਕਾ ਮਿਲਦਾ ਰਹੇ।" ਅੱਜ ਕੱਲ ਪੂਜਾ ਵਰਮਾ ਆਪਣੇ ਅਗਲੇ ਪ੍ਰੋਜੈਕਟ ਵਿੱਚ ਰੁੱਝੇ ਹੋਏ ਹਨ ਜਿਸ ਬਾਰੇ ਕੋਈ ਵੀ ਜਾਣਕਾਰੀ ਹਲੇ ਨਹੀਂ ਦਿੱਤੀ ਗਈ।