ਗਰਭਵਤੀ ਹੋਣ ’ਤੇ ਵੀ ਨੀਰੂ ਬਾਜਵਾ ਕਿਉਂ ਕਰ ਰਹੀ ਹੈ ਫ਼ਿਲਮ ਸ਼ੂਟ! ਜਾਣੋ, ਕੀ ਹੈ ਮਕਸਦ?
ਨੀਰੂ ਬਾਜਵਾ ਨੇ ਹਮੇਸ਼ਾ ਔਰਤਾਂ ਦੇ ਆਤਮਵਿਸ਼ਵਾਸ ਨੂੰ ਵਧਾਵਾ ਦਿੱਤਾ ਹੈ।
ਜਲੰਧਰ: ਮਸ਼ਹੂਰ ਅਦਾਕਾਰਾ ਨੀਰੂ ਬਾਜਵਾ ਨੇ ਪੰਜਾਬੀ ਇੰਡਸਟਰੀ ਨੂੰ ਹੁਣ ਤਕ ਬਹੁਤ ਸਾਰੀਆਂ ਫ਼ਿਲਮਾਂ ਦਿੱਤੀਆਂ ਹਨ। ਉਹਨਾਂ ਦੀ ਇਕ ਬੇਟੀ ਵੀ ਹੈ ਅਤੇ ਉਹਨਾਂ ਨੇ ਅਪਣੀ ਬੇਟੀ ਦੀ ਦੇਖਭਾਲ ਨਾਲ ਕਦੇ ਕੋਈ ਸਮਝੌਤਾ ਨਹੀਂ ਕੀਤਾ। ਉਹਨਾਂ ਨੇ ਹਮੇਸ਼ਾ ਅਪਣੇ ਕੰਮ ਅਤੇ ਅਪਣੇ ਪਰਵਾਰ ਨੂੰ ਸੰਭਾਲਿਆ ਹੈ। ਹੁਣ ਨੀਰੂ ਬਾਜਵਾ 6 ਮਹੀਨਿਆਂ ਤੋਂ ਗਰਭਵਤੀ ਹੈ। ਇਸ ਅਵਸਥਾ ਵਿਚ ਵੀ ਉਹ ਅਪਣੀ ਫ਼ਿਲਮ ਬਿਊਟੀਫੁਲ ਬਿਲੋ ਦੀ ਸ਼ੂਟਿੰਗ ਕਰ ਰਹੀ ਹੈ।
ਇਹ ਫਿਲਮ 24 ਅਪ੍ਰੈਲ 2020 'ਚ ਰਿਲੀਜ਼ ਕੀਤੀ ਜਾਵੇਗੀ। ਦੱਸ ਦਈਏ ਕਿ 'ਬਿਊਟੀਫੁੱਲ ਬਿੱਲੋ' ਫਿਲਮ ਨੂੰ ਨੀਰੂ ਬਾਜਵਾ ਐਂਟਰਟੇਨਮੈਂਟ ਤੋਂ ਇਲਾਵਾ ਓਮ ਜੀ ਸਟਾਰ ਸਟੂਡੀਓ ਤੇ ਸਰੀਨ ਪ੍ਰੋਡਕਸ਼ਨ ਪ੍ਰੋਡਿਊਸ ਕਰ ਰਹੇ ਹਨ। ਇਸ ਤੋਂ ਪਹਿਲਾਂ ਦੀ ਗੱਲ ਕੀਤੀ ਜਾਵੇ ਤਾਂ ਨੀਰੂ ਬਾਜਵਾ ਨੇ ਰੁਬੀਨਾ ਬਾਜਵਾ ਲਈ ਫਿਲਮ 'ਮੁੰਡਾ ਹੀ ਚਾਹੀਦਾ' ਬਣਾਈ ਸੀ। ਇਸ ਫਿਲਮ ਨੂੰ ਬਾਕਸ ਆਫਿਸ 'ਤੇ ਚੰਗਾ ਪਸੰਦ ਕੀਤਾ ਗਿਆ ਸੀ। ਹੁਣ ਦੋਵੇਂ ਭੈਣਾਂ ਦੀ ਜੋੜੀ 'ਬਿਊਟੀਫੁੱਲ ਬਿੱਲੋ' ਲੈ ਕੇ ਆ ਰਹੀ ਹੈ।
ਓਮਜੀ ਸਟਾਰ ਸਟੂਡੀਓਜ਼ ਦੇ ਮੁਨੀਸ਼ ਸਾਹਨੀ ਨੇ ਅੱਗੇ ਕਿਹਾ, “ਬਿਊਟੀਫੁਲ ਬਿੱਲੋ ਨੀਰੂ ਬਾਜਵਾ ਐਂਟਰਟੇਨਮੈਂਟ ਅਤੇ ਓਮਜੀ ਸਟਾਰ ਸਟੂਡੀਓ ਦੇ ਸਹਿਯੋਗ ਨਾਲ ਬਣਾਇਆ ਜਾ ਰਿਹਾ ਪ੍ਰਾਜੈਕਟ ਹੈ। ਹਾਲਾਂਕਿ ਵਿਸ਼ਾ ਸਥਿਤੀ ਦੇ ਦੁਆਲੇ ਘੁੰਮਦਾ ਹੈ ਪਰ ਫ਼ਿਲਮਾਂ ਅਤੇ ਰੀਅਲ ਵਿਚ ਗਰਭਵਤੀ ਹੋਣ ਵਿਚ ਬਹੁਤ ਵੱਡਾ ਅੰਤਰ ਹੁੰਦਾ ਹੈ।
ਨੀਰੂ ਦੇ ਫੈਸਲੇ ਤੋਂ ਸਾਨੂੰ ਖੁਸ਼ੀ ਹੈ ਕਿ ਸਾਡੀ ਇੰਡਸਟਰੀ ਵਿੱਚ ਅਜਿਹੀ ਪ੍ਰੇਰਣਾਦਾਇਕ ਅਭਿਨੇਤਰੀ ਆ ਰਹੀ ਹੈ। ਨੀਰੂ ਬਾਜਵਾ ਹਮੇਸ਼ਾਂ ਮਾਣ ਵਾਲੀ ਮਾਂ ਰਹੀ ਹੈ। ਨੀਰੂ ਬਾਜਵਾ ਹਮੇਸ਼ਾਂ ਹੀ ਆਪਣੀ ਫਿਲਮਾਂ ਦੀ ਚੋਣ ਵਿਚ ਬਹੁਤ ਚੁਸਤ ਰਹਿੰਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।