Sardar Ji 3 Teaser Released: ਇੱਕ ਵਾਰ ਫਿਰ ਭੂਤਾਂ ਨੂੰ ਫੜਨ ਲਈ ਆ ਗਏ ਹਨ ਦਿਲਜੀਤ ਦੋਸਾਂਝ, ਸਰਦਾਰ ਜੀ 3 ਦਾ ਟੀਜ਼ਰ ਰਿਲੀਜ਼
Sardar Ji 3 Teaser Released: 27 ਜੂਨ, 2025 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ ਫ਼ਿਲਮ
Sardar Ji 3 teaser released Diljit Dosanjh News : ਦਿਲਜੀਤ ਦੋਸਾਂਝ ਭਾਰਤੀ ਸੰਗੀਤ ਦੀ ਦੁਨੀਆ ਵਿੱਚ ਇੱਕ ਵੱਡਾ ਨਾਮ ਬਣ ਗਏ ਹਨ ਅਤੇ ਇੱਕ ਅਦਾਕਾਰ ਦੇ ਤੌਰ 'ਤੇ, ਉਨ੍ਹਾਂ ਨੇ ਹੁਣ ਤੱਕ ਕਈ ਫ਼ਿਲਮਾਂ ਵੀ ਕੀਤੀਆਂ ਹਨ। ਉੁਨ੍ਹਾਂ ਨੇ ਹਿੰਦੀ ਅਤੇ ਪੰਜਾਬੀ ਫ਼ਿਲਮਾਂ ਵਿੱਚ ਵੱਖ-ਵੱਖ ਤਰ੍ਹਾਂ ਦੇ ਕਿਰਦਾਰ ਨਿਭਾਏ ਹਨ। ਹਾਲ ਹੀ ਵਿੱਚ, ਉਨ੍ਹਾਂ ਦੀ ਪੰਜਾਬੀ ਫ਼ਿਲਮ 'ਸਰਦਾਰਜੀ 3' ਦਾ ਟੀਜ਼ਰ ਰਿਲੀਜ਼ ਹੋਇਆ ਹੈ।
ਟੀਜ਼ਰ ਦੇਖਣ ਤੋਂ ਬਾਅਦ ਦਿਲਜੀਤ ਦੇ ਪ੍ਰਸ਼ੰਸਕ ਹੱਸ-ਹੱਸ ਲੋਟ ਪੋਟ ਹੋ ਗਏ। ਨਾਲ ਹੀ, ਫ਼ਿਲਮ ਵਿੱਚ ਪ੍ਰਸ਼ੰਸਕਾਂ ਨੂੰ ਕਾਮੇਡੀ ਦੇ ਨਾਲ-ਨਾਲ ਹਾਰਰ ਦਾ ਜ਼ਬਰਦਸਤ ਤੜਕਾ ਦੇਖਣ ਨੂੰ ਮਿਲੇਗਾ। ਟੀਜ਼ਰ ਦੀ ਸ਼ੁਰੂਆਤ ਵਿੱਚ, ਯੂਕੇ ਵਿੱਚ ਇੱਕ ਭੂਤ ਵਾਲੀ ਜਗ੍ਹਾ ਦਿਖਾਈ ਗਈ ਹੈ। ਇਸ ਜਗ੍ਹਾ 'ਤੇ ਹੀ ਦਿਲਜੀਤ ਦੋਸਾਂਝ ਦੇ ਕਿਰਦਾਰ ਦੀ ਐਂਟਰੀ ਹੁੰਦੀ ਹੈ। ਭੂਤ ਇੱਕ ਰੋਮਾਂਚਕ ਮਾਹੌਲ ਪੈਦਾ ਹੁੰਦਾ ਹੈ।
ਅਗਲੇ ਦ੍ਰਿਸ਼ਾਂ ਵਿੱਚ, ਦਿਲਜੀਤ ਦੇ ਕਿਰਦਾਰ ਨੂੰ ਕਈ ਸੁੰਦਰ ਭੂਤਾਂ ਨਾਲ ਦਿਖਾਇਆ ਗਿਆ ਹੈ ਜੋ ਉਸ ਦੇ ਨਾਲ ਰਹਿੰਦੇ ਹਨ। ਫ਼ਿਲਮ ਵਿੱਚ ਦਿਲਜੀਤ ਦਾ ਕਿਰਦਾਰ ਇੱਕ ਭੂਤ ਸ਼ਿਕਾਰੀ ਦਾ ਹੈ, ਜੋ ਕਿ ਬਹੁਤ ਮਜ਼ਾਕੀਆ ਵੀ ਹੈ। ਟੀਜ਼ਰ ਦੇਖਣ ਤੋਂ ਬਾਅਦ, ਲੱਗਦਾ ਹੈ ਕਿ ਦਿਲਜੀਤ ਦੀ ਇਹ ਫ਼ਿਲਮ ਦਰਸ਼ਕਾਂ ਦਾ ਬਹੁਤ ਮਨੋਰੰਜਨ ਕਰੇਗੀ।
ਪੰਜਾਬੀ ਫ਼ਿਲਮ 'ਸਰਦਾਰ ਜੀ 3' ਦਾ ਨਿਰਦੇਸ਼ਨ ਅਮਰ ਹੁੰਦਲ ਕਰ ਰਹੇ ਹਨ। ਦਿਲਜੀਤ ਦੋਸਾਂਝ ਦੇ ਨਾਲ, ਨੀਰੂ ਬਾਜਵਾ ਅਤੇ ਮਾਨਵ ਵਿਜ ਵੀ ਫ਼ਿਲਮ ਵਿੱਚ ਮਹੱਤਵਪੂਰਨ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ। ਇਹ ਫ਼ਿਲਮ 27 ਜੂਨ, 2025 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
(For more news apart from 'Sardar Ji 3 teaser released Diljit Dosanjh News ' , stay tuned to Rozana Spokesman)