Burna Boy Paid Tribute to Sidhu Moose Wala

Sidhu Moose Wala News: ਨਾਈਜੀਰੀਆ ਦੇ ਮਸ਼ਹੂਰ ਰੈਪਰ ਬਰਨਾ ਬੁਆਏ ਨੇ ਟੋਰਾਂਟੋ ਦੇ ਸਕੋਸ਼ੀਆਬੈਂਕ ਅਰੇਨਾ ਵਿਖੇ ਸੋਲਡ-ਆਊਟ ਕੰਸਰਟ ਦੌਰਾਨ ਮਰਹੂਮ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਨੂੰ ਸ਼ਰਧਾਂਜਲੀ ਦਿਤੀ ਹੈ। ਇਸ ਦੌਰਾਨ ਗਾਇਕ ਨੇ ਕੁੱਝ ਸਮੇਂ ਲਈ ਮੌਨ ਰੱਖਿਆ ਅਤੇ ਉਸ ਨੂੰ ਯਾਦ ਕੀਤਾ। ਇਸ ਉਪਰੰਤ ਬਰਨਾ ਬੁਆਏ ਨੇ ਮਰਹੂਮ ਗਾਇਕ ਦੀ ਯਾਦ ਵਜੋਂ ਸਿੱਧੂ ਮੂਸੇਵਾਲਾ ਦਾ ਸੁਪਰਹਿੱਟ ਟਰੈਕ "ਈਸਟ ਸਾਈਡ ਫਲੋ" ਵੀ ਗਾਇਆ। ਇਸ ਦੀਆਂ ਵੀਡੀਉਜ਼ ਸੋਸ਼ਲ ਮੀਡੀਆ ਉਤੇ ਵਾਇਰਲ ਹੋ ਰਹੀਆਂ ਹਨ।

ਬਰਨਾ ਬੁਆਏ ਨੇ ਸਿੱਧੂ ਮੂਸੇਵਾਲਾ ਦੇ ਨਾਲ ਉਸ ਦੇ ਮਰਨ ਉਪਰੰਤ ਰਿਲੀਜ਼ ਹੋਏ ਟਰੈਕ "ਮੇਰਾ ਨਾ" ਵਿਚ ਕੋਲੈਬੋਰੇਸ਼ਨ ਵੀ ਕੀਤੀ ਸੀ, ਜਿਸ ਨੇ ਕਈ ਅੰਤਰਰਾਸ਼ਟਰੀ ਰਿਕਾਰਡ ਤੋੜੇ। ਇਸ ਤੋਂ ਪਹਿਲਾਂ ਵੀ ਬਰਨਾ ਬੁਆਏ ਨੇ 2022 ਵਿਚ ਅਪਣੇ ਇਕ ਸ਼ੋਅ ਦੌਰਾਨ ਸਿੱਧੂ ਮੂਸੇਵਾਲਾ ਨੂੰ ਉਨ੍ਹਾਂ ਵਾਂਗ ਪੱਟ ਉਤੇ ਥਾਪੀ ਮਾਰ ਕੇ ਸ਼ਰਧਾਂਜਲੀ ਦਿਤੀ ਸੀ।

 

 

ਇਸ ਤੋਂ ਬਾਅਦ ਸੋਸ਼ਲ ਮੀਡੀਆ ਉਤੇ ਪੰਜਾਬੀਆਂ ਨੇ ਉਨ੍ਹਾਂ ਬਾਰੇ ਲੱਭਣਾ ਸ਼ੁਰੂ ਕਰ ਦਿਤਾ। ਬਰਨਾ ਬੁਆਏ ਦੀ ਇਹ ਵੀਡੀਉ ਕਾਫੀ ਵਾਇਰਲ ਹੋਈ ਸੀ। ਲੋਕਾਂ ਨੇ ਇਸ ਤਰ੍ਹਾਂ ਉਨ੍ਹਾਂ ਵਲੋਂ ਸਿੱਧੂ ਮੂਸੇਲਵਾਲਾ ਨੂੰ ਸ਼ਰਧਾਂਜਲੀ ਦੇਣ 'ਤੇ ਉਨ੍ਹਾਂ ਦੀ ਤਾਰੀਫ਼ ਕੀਤੀ ਸੀ। ਬਰਨਾ ਬੁਆਏ ਦਾ ਅਸਲੀ ਨਾਂ ਡੈਮਿਨੀ ਓਗੁਲੂ ਹੈ। ਬਰਨਾ ਬੁਆਏ ਦਾ ਜਨਮ ਨਾਈਜੀਰੀਆ ਦੇ ਪੋਰਟ ਹਾਰੋਕੋਰਟ ਵਿਚ ਹੋਇਆ ਸੀ।

ਬਰਨਾ ਬੁਆਏ ਦੀ ਪਹਿਲੀ ਐਲਬਮ 2013 ਵਿਚ 'ਲਾਈਫ ਐਨ ਐਕਰੋਨੀਅਮ ਫਾਰ ਲੀਵਿੰਗ ਐਨ ਇਮਪੈਕਟ ਫਾਰ ਇਟਰਨਿਟੀ' ਆਈ ਸੀ। ਸਾਲ 2019 ਵਿਚ ਉਨ੍ਹਾਂ ਨੂੰ ਅਸਲ ਪਛਾਣ ਮਿਲੀ ਜਦੋਂ ਉਹ ਗਰੈਮੀ ਐਵਾਰਡਜ਼ ਲਈ ਨਾਮਜ਼ਦ ਹੋਏ ਸੀ।

(For more Punjabi news apart from Burna Boy Paid Tribute to Sidhu Moose Wala, stay tuned to Rozana Spokesman)