Punjab FM Radio Stations: ਪੰਜਾਬ ਦੇ 9 ਸ਼ਹਿਰਾਂ ਵਿਚ ਖੁੱਲਣਗੇ 28 ਨਵੇਂ ਸਥਾਨਕ FM ਰੇਡੀਓ ਸਟੇਸ਼ਨ
ਬਰਨਾਲਾ, ਮੋਗਾ ਸਮੇਤ 7 ਸ਼ਹਿਰਾਂ ਵਿਚ ਹੋਵੇਗਾ ਪਹਿਲੀ ਵਾਰ ਸਥਾਨਕ ਕੰਨਟੈਂਟ ਵਾਲਾ ਐੱਫ.ਐੱਮ ਸਟੇਸ਼ਨ
28 new local FM radio stations will open in 9 cities of Punjab: ਪੰਜਾਬ ਦੇ 9 ਸ਼ਹਿਰਾਂ ਵਿਚ 28 ਨਵੇਂ ਸਥਾਨਕ ਐਫਐਮ ਰੇਡੀਓ ਸਟੇਸ਼ਨ ਖੋਲ੍ਹਣ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਇਨ੍ਹਾਂ ਵਿੱਚੋਂ ਲੁਧਿਆਣਾ ਵਿੱਚ 4 ਅਤੇ ਬਾਕੀ 8 ਸ਼ਹਿਰਾਂ ਵਿੱਚ 3-3 ਨਵੇਂ ਮੁੱਖ ਸਟੇਸ਼ਨਾਂ ਲਈ ਲਾਇਸੈਂਸ ਦਿੱਤੇ ਜਾਣਗੇ। ਇਨ੍ਹਾਂ ਨਵੇਂ ਸ਼ਹਿਰਾਂ ਵਿੱਚ ਅਬੋਹਰ, ਬਰਨਾਲਾ, ਬਠਿੰਡਾ, ਫ਼ਿਰੋਜ਼ਪੁਰ, ਹੁਸ਼ਿਆਰਪੁਰ, ਲੁਧਿਆਣਾ, ਮੋਗਾ, ਮੁਕਤਸਰ ਸਾਹਿਬ ਅਤੇ ਪਠਾਨਕੋਟ ਸ਼ਾਮਲ ਹਨ। ਲੁਧਿਆਣਾ ਵਿੱਚ ਪਹਿਲਾਂ ਹੀ ਕਈ ਲੋਕਲ ਐਫਐਮ ਸਟੇਸ਼ਨ ਕਾਰਜਸ਼ੀਲ ਹਨ। ਦੂਜੇ ਸ਼ਹਿਰਾਂ ਵਿੱਚ ਪਹਿਲੀ ਵਾਰ ਸਥਾਨਕ FM ਰੇਡੀਓ ਸਟੇਸ਼ਨ ਖੁੱਲ੍ਹਣਗੇ।
ਇਹ ਵੀ ਪੜ੍ਹੋ: Moga Gangsters Encounter: ਮੋਗਾ ਪੁਲਿਸ ਨਾਲ ਗੈਂਗਸਟਰਾਂ ਦੀ ਹੋਈ ਮੁਠਭੇੜ, ਇਕ ਗੈਂਗਸਟਰ ਦੀ ਲੱਤ ਵਿਚ ਲੱਗੀ ਗੋਲੀ
ਬੁੱਧਵਾਰ ਨੂੰ ਕੇਂਦਰੀ ਮੰਤਰੀ ਮੰਡਲ ਨੇ ਪੰਜਾਬ ਦੇ 9 ਸ਼ਹਿਰਾਂ ਵਿੱਚ ਨਵੇਂ ਐਫਐਮ ਸਟੇਸ਼ਨ ਖੋਲ੍ਹਣ ਲਈ ਲਾਇਸੈਂਸ ਜਾਰੀ ਕਰਨ ਦਾ ਐਲਾਨ ਕੀਤਾ। ਇਹ ਲਾਇਸੈਂਸ ਓਪਨ ਈ-ਨਿਲਾਮੀ ਰਾਹੀਂ ਸਭ ਤੋਂ ਵੱਧ ਬੋਲੀ ਲਗਾਉਣ ਵਾਲੇ ਨੂੰ ਦਿੱਤੇ ਜਾਣਗੇ। ਪੰਜਾਬ ਦੇ ਦੂਰ-ਦੁਰਾਡੇ ਦੇ ਸ਼ਹਿਰ ਜਿੱਥੇ ਐੱਫ.ਐੱਮ. ਰੇਡੀਓ ਸਟੇਸ਼ਨ ਖੋਲ੍ਹੇ ਜਾ ਰਹੇ ਹਨ, ਉਹ ਹੁਣ ਤੱਕ ਆਲ ਇੰਡੀਆ ਰੇਡੀਓ ਦੇ ਰੇਡੀਓ ਸਟੇਸ਼ਨਾਂ ਜਿਵੇਂ ਚੰਡੀਗੜ੍ਹ, ਜਲੰਧਰ ਆਦਿ 'ਤੇ ਨਿਰਭਰ ਸਨ। ਹੁਣ ਉਹ ਆਪਣੇ ਸ਼ਹਿਰ ਦੇ ਰੇਡੀਓ ਸਟੇਸ਼ਨ ਲੈ ਸਕਣਗੇ।
ਇਹ ਵੀ ਪੜ੍ਹੋ: Amritsar Murder News: ਅੰਮ੍ਰਿਤਸਰ 'ਚ ਇਕ ਹੋਰ ਵੱਡੀ ਵਾਰਦਾਤ, ਨਿਹੰਗ ਸਿੰਘ ਨੇ ਨੌਜਵਾਨ ਦਾ ਕੀਤਾ ਕਤਲ
ਸਰਹੱਦ 'ਤੇ ਰੇਡੀਓ ਨੈੱਟਵਰਕ ਨੂੰ ਮਜ਼ਬੂਤ ਕੀਤਾ ਜਾਵੇਗਾ
ਜਿਨ੍ਹਾਂ 3 ਸ਼ਹਿਰਾਂ 'ਚ ਨਵੇਂ FM ਰੇਡੀਓ ਸਟੇਸ਼ਨ ਖੋਲ੍ਹੇ ਜਾ ਰਹੇ ਹਨ, ਉਨ੍ਹਾਂ ਦੀ ਸਿੱਧੀ ਸਰਹੱਦ ਪਾਕਿਸਤਾਨ ਨਾਲ ਹੈ। ਅਬੋਹਰ, ਪਠਾਨਕੋਟ ਅਤੇ ਫਿਰੋਜ਼ਪੁਰ ਸਰਹੱਦ 'ਤੇ ਸਥਿਤ ਹਨ। ਮੋਗਾ, ਮੁਕਤਸਰ ਸਾਹਿਬ ਅਤੇ ਬਠਿੰਡਾ ਸਰਹੱਦ ਦੇ ਨੇੜੇ ਹਨ। ਅਜਿਹੇ 'ਚ ਸਰਹੱਦੀ ਜ਼ਿਲਿਆਂ 'ਚ ਰੇਡੀਓ ਨੈੱਟਵਰਕ ਨੂੰ ਵੀ ਮਜ਼ਬੂਤ ਕੀਤਾ ਜਾਵੇਗਾ
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
(For more Punjabi news apart from 28 new local FM radio stations will open in 9 cities of Punjab, stay tuned to Rozana Spokesman)