ਮਸ਼ਹੂਰ ਅਦਾਕਾਰਾ ਮੈਂਡੀ ਤੱਖੜ ਦੀ ਨਵੀਂ ਫ਼ਿਲਮ ‘ਸਾਕ’ ਲਿਆਵੇਗੀ ਕੁੱਝ ਨਵਾਂ !
ਸਾਕ ਫਿਲਮ ‘ਚ ਕੀ ਖਾਸ ਹੋਵੇਗਾ ਇਹ ਤੁਹਾਨੂੰ ਪਤਾ ਲੱਗੇਗਾ ਇਸ ਫਿਲਮ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਫਿਲਹਾਲ ਤਾਂ ਇਸ ਫਿਲਮ ਦੀ ਸ਼ੂਟਿੰਗ ਅਜੇ ਚੱਲ ਰਹੀ ਹੈ।
ਜਲੰਧਰ: ਸਾਕ ਫਿਲਮ ਦੀ ਸ਼ੂਟਿੰਗ ਪੰਜਾਬ ਦੇ ਵੱਖ ਵੱਖ ਸ਼ਹਿਰਾਂ ‘ਚ ਚੱਲ ਰਹੀ ਹੈ । ਇਸ ਫਿਲਮ ‘ਚ ਮੁਖ ਭੂਮਿਕਾ ‘ਚ ਅਦਾਕਾਰਾ ਮੈਂਡੀ ਤੱਖੜ ਨਜ਼ਰ ਆਉਣਗੇ ਜਦਕਿ ਦੂਜੀ ਅਦਾਕਾਰਾ ਹੈ ਗੁਰਦੀਪ ਬਰਾੜ । ਇਸ ਫ਼ਿਲਮ ਦੇ ਪੋਸਟਰ ਵੀ ਲਗਾਤਾਰ ਜਾਰੀ ਕੀਤੇ ਜਾ ਰਹੇ ਹਨ ਜਿਹਨਾਂ ਤੇ ਕੁੱਝ ਦਿਨਾਂ ਦੀ ਹੀ ਜਾਣਕਾਰੀ ਸਾਂਝੀ ਕੀਤੀ ਜਾ ਰਹੀ ਹੈ। ਮਤਲਬ ਕਿ ਦਿਨਾਂ ਦੀ ਗਿਣਤੀ ਦੱਸੀ ਜਾ ਰਹੀ ਹੈ ਕਿ ਕਿੰਨੇ ਦਿਨ ਬਾਕੀ ਰਹਿ ਗਏ ਹਨ।
ਸਾਕ ਫਿਲਮ ‘ਚ ਕੀ ਖਾਸ ਹੋਵੇਗਾ ਇਹ ਤੁਹਾਨੂੰ ਪਤਾ ਲੱਗੇਗਾ ਇਸ ਫਿਲਮ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਫਿਲਹਾਲ ਤਾਂ ਇਸ ਫਿਲਮ ਦੀ ਸ਼ੂਟਿੰਗ ਅਜੇ ਚੱਲ ਰਹੀ ਹੈ। ਲੇਖਕ ਅਤੇ ਨਿਰਦੇਸ਼ਕ ਕਮਲਜੀਤ ਸਿੰਘ ਵੱਲੋਂ ਤਿਆਰ ਇਸ ਫਿਲਮ ਨੂੰ 1970 ਦੌਰਾਨ ਫੌਜੀ ਦੀ ਜਿੰਦਗੀ ਨਾਲ ਜੋੜਿਆ ਗਿਆ ਹੈ ਫਿਲਮ ਦਾ ਮਿਊਜ਼ਿਕ ਓਂਕਾਰ ਮਿਨਹਾਸ ਵੱਲੋਂ ਤਿਆਰ ਕੀਤਾ ਗਿਆ ਹੈ ਜਦਕਿ ਫਿਲਮ ਦੇ ਗੀਤਾਂ ਨੂੰ ਕੈਲਾਸ਼ ਖੇਰ,ਵੀਤ ਬਲਜੀਤ,ਅਰਸ਼ਦੀਪ ਕੌਰ,ਮੰਨਤ ਨੂਰ,ਕਰਤਾਰ ਕਮਲ ਨੇਂ ਗਾਇਆ ਹੈ।
ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਐਸੋਸੀਏਟ ਪ੍ਰਡਿਊਸਰ ਹਰਵਿੰਦਰ ਸਿੰਘ ਪ੍ਰਹਾਰ ਅਤੇ ਅਕਸ਼ਰਦੀਪ ਸ਼ਰਮਾ ਨੇਂ ਦੱਸਿਆ ਕਿ ਫਿਲਮ ਦੀ ਨਿਵੇਕਲੀ ਕਹਾਣੀ ਬੱਚਿਆਂ ਤੋਂ ਲੈ ਕੇ ਨੌਜਵਾਨਾਂ ਅਤੇ ਬਜ਼ੁਰਗਾਂ ਨੂੰ ਧਿਆਨ ਵਿੱਚ ਰੱਖ ਹਰ ਵਰਗ ਦੀ ਪਸੰਦ ਮੁਤਾਬਿਕ ਤਿਆਰ ਕੀਤੀ ਗਈ ਹੈ ਤੇ ਸਾਨੂੰ ਪੂਰੀ ਆਸ ਹੈ ਕਿ ਸਾਡੀ ਇਹ ਕੋਸ਼ਿਸ਼ ਦਰਸ਼ਕਾਂ ਨੂੰ ਜਰੂਰ ਪਸੰਦ ਆਵੇਗੀ।
ਇਸ ਫਿਲਮ ‘ਚ ਮੈਂਡੀ ਤੱਖੜ ਅਤੇ ਜੋਬਨਪ੍ਰੀਤ ਮੁੱਖ ਭੂਮਿਕਾ ‘ਚ ਨਜ਼ਰ ਆਉਣਗੇ ਜਦਕਿ ਮੁਕੁਲ ਦੇਵ ,ਸੋਨਪ੍ਰੀਤ ਜਵੰਦਾ ,ਦਿਲਾਵਰ ਸਿੱਧੂ ,ਰੁਪਿੰਦਰ ਰੂਪੀ ,ਮਹਾਬੀਰ ਭੁੱਲਰ ਸਣੇ ਹੋਰ ਕਈ ਅਦਾਕਾਰ ਵੀ ਆਪਣੀ ਅਦਾਕਾਰੀ ਵਿਖਾਉਂਦੇ ਨਜ਼ਰ ਆਉਣਗੇ ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।